Ndawi 78:53 - Ala Wone Peenok Peebi Mbanak

⁵³ At apuri inagabiti aga'lek kuurik me aret Ndegeniren wunda wage kagak, It inawim muguren wogogwaarak nogo, Niyo kole yenggenak laut inikime ndonggonogo piige, Eereegerak.

Ndawi 78:53 ပူးပေါင်းရင်းမြစ်များ

Ndawi 106:11

Inom ogoorak nogo niyo nen ndonggonogo piige, Ineenik ambi teppiyoolik, abok aret tebenogo piige, Eeke mbareegi,

Ndawi 136:15

It Pirawun awuri ineegin warak inom perak, Yi Laut Merah inikime tebenogo piyareegerak me, “Wa,” yogo logonip o. & Ninabuwa mbake ti, itok kunik wonage o.

Wundeegwaarak 14:13

Yogo mbareegwa, Muta nen it yorage logonet, “At Aliku ALA nen nonggop agago kinagap ndarigin nogo yogondak aret kinigen kaamunggup me, kinagabiti mbaka'lek kiniki kwippunuk logonip o. It aakumi Metit mendek yogondak kinigen iigwi ti, peebi nen kinigen iyaamunggup mondok lek o.

Wundeegwaarak 14:15

Yorage mbareegi, at Aliku ALA nen Muta yoge, “Kat koone nabenak mban nonggop nduk yo'nege agandik? It aakumi Iterali ti, nawak nduk, yoret o.

Wundeegwaarak 15:10

Yereegwaarak kwe, Kat kambe pu egendak paga it niyo kole yenggenak inikime yobok togon wanggwi, Yugum niyoome tabuk yi wangge menggi kwak, It niyo mondok iya yenggenak me, tabuk yi wanggwi, Eekaarak o.

Wundeegwaarak 18:24

Yoge mbareegi, at Muta nen aru Yitoro nen yoreegerak nogo konembunuk ndak-ndak aret eereegerak.

Iberani 11:29

Ala nen yoragagerak nogo abet mbako logonet, nggween woloonak paga nugu mengga kwak, Iterali mendek nogo niyo Merah yenggenak paga wunda wogo mbareegwa, it Metit mendek nen togop aret wunda woraawok nduk, eekwi me, niyo ndonggoninabeegerak o.