Ndawi 78:49 - Ala Wone Peenok Peebi Mbanak

⁴⁹ Ala anini kani kunik negen age, Iniki aagi wo ari, anini wungge, Ineebi lombok inombake, eeke nogo, Aap inooka malayikat ineebe ambi aago nen wonok It aakumi inoba kwippiyaawak nduk, nappiya wage,

Ndawi 78:49 ပူးပေါင်းရင်းမြစ်များ

2 Tamuwen 24:16

At Ala ayonggo malayikat nogo nen o Yerutalem pup eerogo pikit nduk, nappi wagagerak nogo inoorit aap Yebut mendek endage Arawuna gandum agabolo mbelangge menggim taati ari wage mbareegi, aakumi mondok alik negen kambit nogwe nogo, at Aliku ALA iige nagagerik, iniki puru yinuk, at ayonggo malayikat aaninggin inoba piinet nage nogo, yoge logonet, “Abu aret me, keenggi awiikkolet o,” yinuk, yoreegerak.

Ayup 1:12

Yoge mbareegi, Aliku ALA nen Tile yoge logonet, “Ti kenok, amindik-amendek abok aret keenggime pagagi o. Ndi, at eebe perak, keenggi mbaanggoorak mondok mage o.” Yoge mbareegi, Tile nogo at Aliku ALA owagam nen wundi nagagerak.

Ayup 20:23

Inaanogum ake wurakak mban eeppunuk, It inigen keme aago wonogwe me, Mayu lubu-lubu wangge menggi kwak, At Ala anini kani negen inoba kwippiigak, kwippiigak, mban eeke logogin o.

Ndawi 11:6

It aap maluk eeka ti, Mayu negen kani anggen inom, Kani kunik kwindagala aago inom, inoba kwippiige, Ndi, ineebe kani yoguk togon eerinaburak o wiya nappi wage, Eerigin o.

Wundeegwaarak 12:13

Inoorit nage logonet kwe, it an napuri Iterali perak, an neenu agak amiya iname paga labunik nenegen kage logominggirik, inooka'lek iname obaga mbo nanuk aakumi Metit mendek mban inoorit nagin o.

Wundeegwaarak 15:7

Kat abu tiyanak lombok logonet, It aakumi koone taganuwok nduk, mi'nagaarak nogo tebenogo piige, Ndi, nggubungga omoonuk ne ambit liingge kani nengge menggi kwak, Kanini inoba piige logonet, ne ambit lek eerogo piige, Eekendak o.

Yetaya 42:25

At anini kani kunik negen ninoba pinanege, Wim nen abu iya lombok ninoorit wagak yuwak nduk, eeppiige, Eereegerak o. Ti eerogo pinaneegerak nogo ti, kani omoonuk enggela'me negen wonogogurak kwe, niniki liippugwi, Kani nen nineebe nengge negen eeke nagagerak kwe, “Ndogop eekoorak paga ee'ninake,” mbakwi, Eeka'lek aret wonogogurak o.

Leendawi 4:11

Aliku ALA anini tayoppega'lek tek eerogo nappege, Anini kani kunik negen aakumi inoba kilirogo piinet nage, Eeke nagagerik, O Tiyon paga kani negen wuninogo pereegerak pup eerogo nenet nage logonet, nggween mban teppereegerak.

Tepaniya 3:8

Aliku ALA nen ari logonet, “Togop eekwi me, an nen yi aakumi ndi aakumi abok aret kuwak eerogo piya wage, It aakumi inabu'me piinok menggam nen kuwak eerogo piya wage, Eeppiinok, Nanini inoba piige, An nanini kani kunik negen eeppiige, Eeriyak koonogo pereegirak nogo eeke logonet, An mban mu'neren woraawak lak, it alik mugurok nogwe yi, neebi a, yinuk, Aakumi o nggween paga wonogwe abok aret nanini kani wunuk ari kwak ineebe pup eerogo nawak nduk, eeppiyaagin me, An mi'nage logominggirik, Kit togop eekwi kiigirak o, yinuk, yoroorak eyom ari woraawak nduk, to'neego logowak o.