Ndawi 78:13 - Ala Wone Peenok Peebi Mbanak

¹³ Yi kole yenggenak laut mogonogo yugum yagat wurik kwak abo mbanak nu'lek kagak, Ineebe niyo paga wumbiya wage,

Ndawi 78:13 ပူးပေါင်းရင်းမြစ်များ

Ndawi 38:7

Namborowak andi tele agan unggwage, Neebe abu meek ee'nabit unggwage,

Ndawi 66:6

At nen niyo nggwok yenggenak laut nogo mogonogo punuk, Nggween kin eeppege mbareegi, Niyo nggwok nage nogo paga Ninombomini wunda wogogwaarak me, Ninale'nggen mbako logowok o.

Wundeegwaarak 14:21

Togop eerak wonogwe iigak, at Muta nogo nen niyo nggwok Yenggenak laut nogo paga eenggi titik eeke mbareegi, at Aliku ALA nen o wiya oonegen lagi wage menggim pa'nggwe nen nappi wagagerak omaawi nabuninuk wage logonet, oonikiya ti paga niyo laut nogo oolo mogonogo nggween kin eeppunuk, woloonogo pereegerak.

Wundeegwaarak 14:22

Ndi, niyo mogonak nogo agi-ogu yagat wurik pogom eeppunuk wonage kagak, aakumi Iterali mendek nogo nggween woloonak paga aret wunda wogogwaarak.

Wundeegwaarak 14:29

It nogo abok aret niyo ndonggoninabeegerak kwe, Iterali nogo perak, niyo agi-ogu yagat wurik pogom wonage kagak, nggween woloonak paga wunda wogogwaarak.

Wundeegwaarak 15:8

Kambe aagi ambebubu negen wumbegendak paga niyo yenggenit lagangge, Yi nage menggim ti nage menggerak kwe, Waga'lek, yugum yagat wurik kwak nu'lek aret abo mbanogo pege, Ndi, yi kole yenggenit lagi wage nogo linogo pege, Eekendak o.

Yetaya 63:12

At eenggi omaawi ayuk warak nogo paga Muta panggombege kagak woraawak nduk nappi wage, Endage mondok-mondok wiganinuk nawak nduk, inenggaanom paga niyo mogonogo piige,

Yetaya 63:13

Niyo alobok ambik kagak wogoren wunda wage, Eereegerak nogo eebe ngge o? O karume kuda iniyogobit lik yaga'lek ugun mbe agan nugu mengga kwak, it togop aret wogo logowak nduk eeppiige,

Abakuk 3:15

Kaguda iniyogobit paga niyo kole yenggenak laut nogo, aan lebenogo pit nogwe iigak, Niyo nggwok yenggenak laut nogo aanggolagap eerogo pege, Eereegindak o.

Yotuwa 3:13

At o yi unde menggerak Aliku ALA awone yugu aloobut mbanak me yonggolak eewu'nuk wonok nogo menggaarak it aap Ala unde nogo nen aloobut mbanak piyaninuk yi Yoraran inikime awo iniyok mbaangga unggwogwe iigak, niyo nage nogo ogu mogonogo wuppege, ndi, agi mogonogo nippege, eeke kaamunggup o,” yinuk, yoragagerak.

Yotuwa 3:16

niyo wage nogo moguk togon ee'nuk, o Taratan yaga'lelo o nda Aram taati yenggenogo pit lagangge, ndi, niyo ambut mayu ogup yenggenak laut Araba paga kuni nage nogo ti, nage menggi kwak aret nage, eeke kagak, oolo taati ne ambit liingge aret niyo nogo porok yereegerak.