Ndawi 78:1 - Ala Wone Peenok Peebi Mbanak

¹ Kit nowe-nawot yi wae. An wone mamunggiraagin yi, Waabagip nduk, kinaruk konenggwi, Noone yokkiraagin yi, liippugwi, Eeko logonip o.

Ndawi 78:1 ပူးပေါင်းရင်းမြစ်များ

Ndawi 50:1

At Omaawi Lombok Menggerak Aliku Ala oone ari, Oonegen lagi wage menggim nen nok, o kilu yi nage menggim kuli It nggween paga yime menggaarak nogo wiirage,

Ndawi 50:7

At Ala nen ari logonet, “Kit an napuri yi wae. An Ala aret me, Wone yokkirage yi, kinaruk koneninip o. Kit Iterali yi wae. An kinogoba Ala aret me, Kinaruk konenggwi kiigak Kit eekwi kiigirak nogo yokkiraagin o.

Ndawi 51:4

Kat aret maluk eeppagage, Aap alik lek kat lombok maluk eeppagage, Maluk eeriyak keebi mbake menggendak nogo kagak aret eeke, Eekirak me, Eekirak onggo eeppaniyak nogo ti op aret mbake, Ndi, nowak loonogo punuk, Aaninggin noba paniyak mbake nogo ti, a'me nggelok aret eeppanumunggun kombake, Eeke agarik o.

Ndawi 74:1

Ala wae. Kat nonggop nduk mondok-mondok mbo pinanege, Kandomba kwak ndegenninake menggendak nit aret niigak, Nonggop nduk kanini ninoba pinanegak mban eeke, Eeke agandik?

Kini Wuppiige 22:17

It aap iniki warak nen wone yogo menggaarak nogo kat kinikime porogo wonage, Wone ti abok aret yuurak kambe paga lunik wonage, eeke keenok, kale'nggen eekkake logogin me, Wone ti liippege, it wone yogwe nogo karuk konengge, ndi, an wone mamunggege yi, “Mamunggola,” mbake, eeke logot o.

Yetaya 51:4

Napuri yi wae. Noone yokkirage liippugwi, Leenogo pinagareegirak kit an mendek yi wae. Noone yokkirage yi, konenggwi, Eeko logonip o. An nen aret eeko logorak wone lengganogo yokkirage, Eekaatak a'me nggelok eeke minggirak wone nogo eya kwak yi aakumi ndi aakumi inenggela'me mippege, Eerigin o.

Yetaya 55:3

At nen wone yo'nirage liippuwok o, yinuk, an neya wogwe, Ineenik logowak nduk, noone inaruk liirogon konenggwi, Eeko logowak o. An kabuwa nen obeelom mban eeppagagak eeke logogin o, yinuk, at Ndawut koonogo yoreegirak nogo ndak-ndak, Wone lek ariyak lek mondok-mondok eeko logorak wone ninom koonogo puwok o.

Matiyut 13:9

Yorage nagagerik, “Kinaruk wonage kenok, liirogon aret konenggo logonip o,” yinuk, yoragagerak.

Owak Loongga 5:3

An nogo, Iterali inogoba Ala ake ndawi tiyangge, At Aliku ALA endaame wake, Eeke me, Kit aap kinendagembogut yi, kinaruk o. Kit nagawan-nagawan yi, konenggo logonip o.