Ndawi 77:13 - Ala Wone Peenok Peebi Mbanak

¹³ Eeke nagarik, nogoba Ala yoge logonet, “Ala wae. Kat eeke menggendak nogo ti, Abu obeelom mban eeke menggendak o. Kat ninogoba Ala mondok iya menggendak kwak Alik ambi wonage abu lek aret o.

Ndawi 77:13 ပူးပေါင်းရင်းမြစ်များ

Ndawi 105:2

At ale'nggen mbaruwak nduk, ndawi wakwi, Ndawi paga endage tiyappugwi, Iya tit eeke nagagerak nogo abok aret mbininogo yoranet nogwe,

Ndawi 119:27

Eeko logorak wone mamunnake menggendak nogo Alom liippikit nduk, eeppanege keenok, Kat iya tit eeke menggendak nogo Ninikime mbininit nage logogin o.

Ndawi 27:4

Wone ambit ambi Kaliku ALA yokkiriyak mbake, Ambiriluk ambi an eeke logorak uugwe mbake, Eeke nogo yi aret. Keraambe abu obeelom lombok menggendak nogo liippagage, Kat kawi wurik me logorak ninikilom mbake, Eeke logokit nduk, An Kaliku ALA kawi wurik me wonage neegak, Mondok kambi noorak kuli ari nawak o.

Ndawi 63:2

Kawi alik leenak wurik me wonage me nenegen keege, Komaawi ambik kendage abu tiyanak liippagage, Eekirak o.

Ndawi 68:25

It ndawi tiyangga inaa'nduk ogwe, Nggitat paga eeka inom, nggawiwak paga eeka inom, it inambokan ogwe, Ndi, komologwe tawe oone lobale eerit inom ogwe, Eeppunuk Ndawi wareegwaarak nogo yi o.

Ndawi 71:19

Ala wae. Kat abe koonak mban eeke menggendak nogo Mbogut kuli ari laganggerak wonage o. Yi eekak ndi eekak iya lombok eeke nagandak Kat Ala kokwak ambi ta agaarik o? Lek aret o!

Ndawi 73:17

Togop ee'nakerak kwe, Ala awi alik leenak menggim unggwi nanuk wonage logonet, It maluk eeka nen eerit nogwe iinok, Irip paga eeppiyoorak koonak nogo liippigirak o.

Ndawi 86:8

Nogoba o. Yi kugi ndi kugi inenggela'me kat Ala kokwak ambi wonage lek aret o. Kat eerit nage kwak, it ambi nen eeka'lek aret o.

Wundeegwaarak 15:11

Kat kikak nakeelik wonage keenok tiyappagagwi, Eerubok mendek eeke menggendak keenok, Wi, yinuk, kayuk wukwi, Eeko menggaarak me, Kat pogom ta wonage o? Yi kugi ndi kugi Kaliku ALA kat pogom ambi wonage abu lek aret o.

Yetaya 40:18

Togop me, Ala ti, ta kwak wakkogwe, Ndi, at eebe ti, ngge ogut eerak kwak wakkogwe, Eeriyak mbakop?

Yetaya 40:25

At Kikak Nakeelik Alik Leenak nen ari logonet, “Kit nen an ta kwak wakkogwe, Ndi, at ti, ta imbirak ndak-ndak, yogwe, Eeko ogotik o?” Yinuk, ari agaarik o.

Yetaya 46:5

An ti, ta wakkagak yogwe, An ta ndak-ndak me eerogo panugwi, An nimbirak ndak-ndak ta wonage me, wakkogwe, Eeriyak mbakop? Lek aret o.

Pelaareegerak 32:31

Togop aret eeppinanit nogo logogun kwe, Yugum Nu'lek Menggi kwak, nit at paga panggonak wonogwe nogo kwak, It kunduk togop panggonak wonogwe lek ineenu agaarik o.