Ndawi 76:7 - Ala Wone Peenok Peebi Mbanak

⁷ It aakumi abok aret kat keenok, Inamineeri ne agan nage menggerak me, Kat kanini inoba piige keegak, Aap ta nen ko wappunuk logogin mbaken? Lek aret o.

Ndawi 76:7 ပူးပေါင်းရင်းမြစ်များ

1 Mbinineegwaarak 16:25

Aliku ALA ti, mondok iya lombok me, At mban tiyappogo logorak op aret o. Yi kugi ndi kugi abok aret inayuk warak aret kwe, At inirimbaga lombok me, at mban ayuk wuko logonip o.

Etara 9:15

Togop lek aret kwe, kat Iterali ninogoba Kaliku ALA wae. Kat abu obeelom a'me nggelok mban eeke menggendak me, ninooka'lek ando iluk yumbunogo teppinaneegindak o yogondak wonogwe nit yi aret o. Maluk eekoorak kagak nit ambi kat kenggaanom paga ya'i mi'ndak logorak meek aret kwe, maluk ninoba lenggenak kagak mi'ndak ogoorik o,” yinuk, tamban eereegirak.

Ndawi 130:3

Kaliku ALA wae. Ninomaluk nogo kat liiru mbanogo pege logonetak en, Aap ta nen oone ambi yenetak mbakop? Lek aret kwe,

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

Ndawi 89:7

It kapuri alik leenak kuwak aago nen kat kayuk ambik wukwi, Kenaagan-ambokan wonogwe nogo nen iya kombakwi kwe, Kat keenok, “Mondok iya,” yinuk, Inagabiti lombok kombakwi, Eeko menggaarak o.

Ndawi 90:11

Kanini mondok iya lombok menggendak nogo, Aap ta nen eenu age, Kat kanini mondok iya eeppiige ndak-ndak it aakumi inagabiti kombakwi me, Ta nen aganak nuk ega'lek lambek puk wonage, Eerigin mbaken? Lek aret o!

Wundeegwaarak 15:1

At Aliku ALA nen aakumi Metit mendek inooke mbareegi, alut eeruwak nduk at Muta aakumi Iterali mendek inom ndawi wareegwaarak nogo yi o. “Aliku ALA alut eeko logonet, Ndawi ambi tiyanikit o,” Ari nagagerik, tiyangge logonet, “Aliku ALA mondok tiyanak menggerak me, Kuda inom, aap amborowak paga kwi'ndak wogwe inom, Niyoome mbo mambiyareegerak o.

Wundeegwaarak 15:4

Aap Pirawun awuri ineegin warak inom, Anggweendo inom, niyo inikime mbo mambiige, Pirawun awuri wim wone mbangga leenak wonogwe nogo, Yi nggwok Laut Merah inikime ndonggonogo piige, Eekerak o.

Nakum 1:6

Aliku ALA anini nen eeppiige nogo, aap ta nen ko wappunuk, logogin mbakop? At anini kani kunik negen eeke kagak, aap ta nen ogogumbuk puk arigin mbakop? Lek aret o. At anini kani kunik negen yumbunogo wuppi wage nagaarik, Enegen kagak, puut-puut yanggu-yanggu wambit wage kagagirak o.

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

1 Korindut 10:22

Nit ninowe anini eeppuurak op mbakop? Nit ninomaawi ambik, ndi, at omaawi lek mbakop? Lek aret o.

Wayu 14:7

ari nagaarik, “Mbogut inom, nggween inom, niyo nggwok yenggenak laut inom, niyo eneeri wundit nage menggim inom, at Ala nen mban wakkagagerak me, yogondak Ala nen kinowak loongginaburak eyom abu koorok panggo yegerak me, kinagabiti nen at Ala mban ayuk wuko logonet, at abu'me tebe yinuk, endage tiyappogo logonip o,” yinuk, oone nggwok paga agan nage kagarak.

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.