Ndawi 75:4 - Ala Wone Peenok Peebi Mbanak

⁴ It aap wogoppaka nogo yorage logonet, Kiniki ambinom wogoppatiyak mage o, yorage, Ndi, it aap maluk eeka nogo yorage logonet, Ninomaawi ambik o, yinuk, wogoppakwi,

Ndawi 75:4 ပူးပေါင်းရင်းမြစ်များ

Ndawi 148:14

Aakumi at apuri ake leenogo piyareegerak iniki kunik Iterali abok aret at endage tiyappugwi nogo, Inarum logowak nduk, pak wurik kwak, Aap ambi endage abu tiyanak lombok mippereegerak me, Aliku ALA endage tiyappogo logowak o. At Aliku ALA tiyappogo logowok o.

Ndawi 68:3

Togop aret eeko logogun kwe, It aap iniki abe koonak perak, iniki ale'nggen ogwe, Ala enggaanom paga kwirabik-kwirabok yogwe, Inale'nggen mondok alik negen nggelok ari kenok, keekok piyanggogwe, Eeko logowak o.

Ndawi 89:17

Aap inomaawi paga inendage tiyak yogwe ti, kat eeppiige menggendak paga aret o. Ndi, nit ninomaawi ambik monggoorak nogo ti, Kat ninabuwa mbake menggendak paga age menggerak o.

Ndawi 94:8

Kiniki yuundurak aakumi inenggela'me monggotak yi wae. Kit kiniki liippugwi, Kit aap kiniki lek wi negen yi wae. Mandenom nen kiniki warak ogwe, Eerumunggup o?

Ndawi 97:5

Aliku ALA enggaanom paga, Yi aakumi ndi aakumi nggween paga wonogwe abok aret Inogoba enggaanom paga, Kani eyak nen teemok amburu nggalo-nggalo wangge kwak, Puut-puut togop aret nggalo-nggalo wangge, Eeke menggerak o.

Kini Wuppiige 1:22

Iniki warak nen ari logonet, “Aap kiniki yuundurak yi wae. Kiniki koongga'lek ugun wonogwe, Kit meek eerogo piiga nen aakumi meek eerogo piyoorak kinikilom mbakwi, Kit kiniki lek wi negen nen wone nineenu ariyak, Nineebi o, mbakwi, Eekwi kiigak, Ne mande ari nagin o.

Kini Wuppiige 8:5

Kit kiniki yuundurak yi wae. Kiniki penenak eekkabuwak nduk mamunggologwe, Kit kiniki lek wi negen yi wae. Yi wone ndi wone alom liippakwi, Eeko logonip o.

Kini Wuppiige 9:6

Kinale'nggen logonet, kineenik logomunggup nduk, Kiniki lek wi negen eerit nugwi ti, mbo punuk, Yi wone ndi wone ineenu nen eeko menggam mugurok nogo logonip o.

Takariya 1:21

Titi'nege mbaki, an nen at yoge logonet, “Aap yi, nano eeruwak nduk wagaarak mbaken?” Yoge mbaki, at nen an yo'nege logonet, “Lek o. It Yekura mendek ambi pilak yogwe iyo, eyak 4 to aago yi aret kwe, eyak yi nogo inagabiti mbakwi, ndi, eyak to ari kwak, yi aakumi ndi aakumi inomaawi paga o Yekura tebenogo piinok, ineebe nappiyaawak nduk, eereegwaarak nogo yigirogo piigwi, eeruwak nduk, wagaarak ineebe 4 nogo ti aret o,” yinuk, yo'nege kagarak.

1 Tamuwen 2:8

It aap abu meek liirubu paga, Ndenen warak wonogwe nogo pilanogo mippiige, Iniki aaninggin nen purok lengge eerak wonogwe nogo, Iniki obeelom eerogo piige, Eerogo piinok, Aap inendagembogut inapuri nogo inom nugu logowak nduk piige, Inayuk warak logowak nduk, yabu unde eeppiige, Eeke menggendak. Kaliku ALA nen aret nggween alom yi, O eyak kwak wurake nagagindik, Nggween ogombaga ndoonogo kwippereegindak me,