Ndawi 74:3 - Ala Wone Peenok Peebi Mbanak

³ O yigirik-noonom eerogo pegak mban eekwi nogo Kenegen pekkenet nage, Ninawim nen kat kawi alik leenak menggim Yi mendek ndi mendek telenak-mbelenak eerogo pegak mban eekwi nogo liippit nage, Eeru o.

Ndawi 74:3 ပူးပေါင်းရင်းမြစ်များ

2 Endagembogut 25:9

Wage nagagerik, Aliku ALA awi wurik inom, aap endagembogut awi o nggwok abe wurik inom, it aap nagawan-nagawan inawi wurik o Yerutalem wonage abok aret inom, kani pit nage nagagerik,

Nekemiya 1:3

Kin wogonake mbareegi, it nen an yo'nogo logonet, “Lek o. It aakumi wogoren piya wagagerak yime nen o Yerutalem nogogwaarak wonogwe nogo, aaninggin-paaninggin inoba kwi'nagaarak wonogwe, inenggali mbakak nugwi, eeko agaarik o. Ndi, o Yerutalem ti, yugum pak wurik yinik-minik eerogo pugwi, tu unggwogo menggam pak ambe mbanak nogo kani mbelanogo pugwi, eerogo pereegwaarak wonage o,” yinuk, yo'nereegwaarak.

Nekemiya 2:13

O Yerutalem pak wurik yinik-minik eerogo pugwi, pak ambe mbanak kani mbelanogo pugwi, eerak nogo oonikiya ti paga aret maloppit nage logonet, tu unggwogo menggam endage, Kobappaga, ti paga wundi nanuk, niyo endage, Waalo Eneerime nogo menggam nawok nduk, tu unggwogo menggam endage, Inambeebuk Pogo Menggam ari nanuk, nugwa,

Nekemiya 2:3

Nagabiti mbake nagagirik, aap endagembogut yoge logonet, “Kendage mondok-mondok ki aret logogin o. An nombomini inowak paga inawi kota nogo yinik-minik aago wonage, ndi, pak ambe mbanak tungga kani nen abok aret nengge, eekerak kagak, an nonggop togon nenete ogum lek eya logorak mbaken?”

Ndawi 44:23

Togop aret me, nogoba o. Kat nonggop nduk nogo yege agandik? Mi'naru o. Kat mondok-mondok mbo pinanege ti mage. Pilak yu o.

Ndawi 44:26

Kat ninabuwa nen kiniki kunik mban ee'ninabit wundi wage menggendak me, Pilak ari logonet, Yeenggwa nirage, ninagap ndake, Eeru o.

Ndawi 79:1

Ala wae. Keyate kanggween wo'niragaginom nogome Aakumi inanebunu lombok nen tebenggola unggwogwe, Kawi wurik abu abe alik leenak nogo maluk eerogo pugwi, O Yerutalem yigirik-noonom eerogo pugwi,

Yetaya 10:6

It Atiyut mendek nogo it aakumi an noone liirogon eekulik mendek inowagam nappiya wage, It aakumi an nanini eeppanugwi nogo inageerok ndinggologwe, Inamendek kugun waganggwi, Tu paga purok iniyok amok mbanogo pit nogo mengga kwak ineebe iniyok aambiranogo piinet nogwe, Eeruwak nduk, nappiya wage, Eerigin kwe,

Yetaya 25:10

At Aliku ALA nen puut Tiyon yi, eenggi omaawi paga pipporogo logogin kwe, It aakumi Mowap mendek perak, Wam inambi larak nunggo logonet, it inaan wurik iniyok aambiranogo pako mengga kwak togop aret eerogo piyaagin o.

Yetaya 61:4

O maan togon kota-kota langgu-langgu eerogo pereegwaarak nogo obaane'me wukwi, O maan togon yi oone ndi oone lek wonagagim aa'nduk wonagagi kwak eerogo pugwi, Eerugun me, Kota-kota maluk eerogo pereegwaarak yi oone ndi oone lek kagak inapuri nda'narit wundi wogo nogogwaarak nogo, aa'nduk wonagagi kwak aret arigin o.

Yeremiya 52:13

Wage nagagerik, Aliku ALA awi wurik inom, aap endagembogut awi o nggwok abe wurik inom, it aap nagawan-nagawan inawi wurik o Yerutalem wonage abok aret inom, kani pit nage nagagerik,

Leendawi 1:10

Awim nen amendek obeelom iniki kundugu nogo waganeegwaarak o. Kaliku ALA nen, “Nawi wurik abu leenak nogome aakumi ugun ungguurak lek an napuri nen mban unggwi nogo logorak,” yereegindak kagak, Yi aakumi ndi aakumi endekem mendek nen unggwi nogwe enegen iyareegerak o.

Ndaniyen 11:31

It ti obeelom eeppiige logonet kwe, at awuri ineegin warak pilak yinuk, Ala awi wurik yugum pak wurik wonage nogo, abeelik-abeelek eerogo pugwi, ko'lu-kii'me Ala ake warogo wogogwi nogo, Wogoriyak mage o, yinuk, yorogwe, ndi, Ala awi wurik me maluk eerogo puurak mendek ogole warak lombok ambi mippugwi, eerugun o.

Ndaniyen 9:17

Togop me, ninogoba Ala wae. An kayeloman yi, tamban eeke logonet, wone yokkege, eeriyak nggino yokkege, eeke yi, karuk konengge logot o. Kat nogoba kendage maluk agaarak obeelom aruwak nduk, kalut eeko menggam maluk eerogo pereegwaarak nogo ti, Obeelom eerogo pikit o, yinuk, mbake logot o.

Ndaniyen 9:27

At aap endagembogut nogo nen satu kali tujuh eeke kagak aakumi inom wone abuk nggaruk togon koonogo pemenggerak kwe, satu kali tujuh oolo eeke paga, Ala ake warogo wogogwi inom, ake pugwi inom, ti pogo logorak lek o, yinuk, yoraagin o. Ndi, at nogo nen ogut aago aakumi inagabiti nen inamineeri ne agan naga mendek ambi Ala awi wurik me time mippemenggerak wonage kagak age wobok at oba kwippuurak koonak nogo aret at oba kwi'narigin o,” yinuk, an yo'nereegerak.

Mika 1:3

At Aliku ALA nogo abet aret at menggim nen wundi wage, Wambi wa'nuk, puut-puut paga iyok pit wage, Eeke agaarik o.

Mika 3:12

Togop aret yogo monggotak me, o Tiyon ti, yabu kabunogo nippit nogo mengga kwak age, O kota Yerutalem ti, nggween yigirik-noonom eerak logonak negen age, Ndi, puut Ala awi wurik menggim ti, alok-palok mban kunogo pege, Eerigin o.

Marakut 11:17

yorage nagagerik, wone mamunirage logonet, “At Ala nen, An nawi wurik ti, yi aakumi ndi aakumi inanebunu lombok nen tamban eeko menggam yi aret, yogo logowak o, yinuk, yereegerak liiru mbaneegerak nogo lek a? Liiru mbaneegerak aret kwe, kit perak, o yi, aap yogoot woppunuk kiraa'nari nogo menggam eerogo pugwi kiigi o,” yinuk, yoragagerak.

Lukat 21:24

Ando tege wooluwak paga inookwi iinok kanggwi, ando keele maarogo yi aakumi ndi aakumi inawi lombok time piya nogwe, eerugun o. Ndi, at Ala nen, It aakumi endekem mendek unde iigak, Tahun ndogop eeko logogun o, mbareegerak nogo a'me lik yega'lek kagak, it aakumi endekem mendek nen o Yerutalem iniyok aan lebenogo pit nogo logogun o,” yinuk, yoragagerak.

Yotuwa 10:24

at Yotuwa owagam piya wogo mbareegwa, Yotuwa nen aap Iterali apit aret kuwak ari woraawak nduk, yoragagerak kuwak ari wogogwaarak wonogwe iigak, aap yigin unde inoweewi Yotuwa inom wim nambuko nogogwaarak nogo yorage logonet, “Korotok ya'i wogo logomonggotik, aap inendagembogut yi, inali'luk paga kiniyok aan lebembiirogo logonip o.” Yorage mbareegi, wogo nogogwaarik, iniyok konden inali'luk paga tebembiirogo iigak,

Wayu 11:2

Eerit nage logonet, Ala awi wurik me oore'nggam endekem nogo wakkaagun o. It aakumi endekem mendek nen o kota abe alik leenak menggim nogome iniyok aambele eerogo pit nogo logonet, Ala awi wurik me oore'nggam endekem time inom aambele eerogo pit nogwe iigak, tut 42 peneniyak koonak me, wakkoorak mage o.