Ndawi 74:21 - Ala Wone Peenok Peebi Mbanak

²¹ Aakumi tebenak wonogwe nogo inenggali mbakak Iniyokan woraawak nduk eeppiyoorak mage o. Ata, it aap meek mendek inom, tebenak wonogwe inom, Kendage tiyappit woraawak nduk eeppiyet o.

Ndawi 74:21 ပူးပေါင်းရင်းမြစ်များ

Etara 3:11

Mi'nogo nogogwaarik, “Kaliku ALA kawi wuriyak nogo owak abu aret wurako o,” yinuk, ndawi wako logonet, Aliku ALA alut eekwi, “Wa!” yogwi, eereegwaarak. Ndi, eeko logonet, “Kat obeelom aret o. Nit Iterali mendek yi, Mondok-mondok kiniki kunik ee'ninake logomunggun o,” yinuk, it aakumi abok nen, “Kaliku ninogoba ALA wa,” yinuk, keekok yogogwaarak.

Ndawi 103:6

It aap tebenak wonogwe nogo abok aret Aliku ALA nen inawone mbangge logonet, Obeelom mban eeppiige, A'me nggelok koonogo piige, Eeke menggerak o.

Ndawi 109:22

An neenggi lek logonet, tebenak nege, Maale negen ninikime ndanuk yi unggwage,

Ndawi 12:5

Kaliku ALA nen ari logonet, “It aap meek mendek tebenogo piigwi, It ineenggi lek nen, Yogop eeppinanuwak lak, ao, yinuk, iniki wakkologwe, Eekwi iinok, An pilak ari logonet, Ndogop eeppinanuwak lak, ao, nombakwi nogo, Inagap ndarogo piyaagin,” yereegindak me,

Ndawi 35:10

It aakumi inomaawi ambik nen Inomaawi lek tebenak wonogwe nogo inooriyak eekwi me, Aliku ALA nen inagap ndake, Aap ineenggi lek tebenak wonogwe nogo Inamendek ndinggwi me, mugogo nappiige, Eeke menggerak me, Neebe-niniki abok aret nen, “Kaliku ALA wae. Kat kokwak ambi ta wonage? Lek aret o,” Yinuk, yoge logogin o.

Ndawi 9:18

It aap ineenggi lek nogo mondok kobak eerak wonogwe lek inoba aberinake, Ndi, it andi-pandi logonet, iniki lunik nogo mbeyok yaga'lek a'me nggelok eeppiige, Eerigin o.

Yetaya 45:17

It Iterali yi perak, Inagap ndarak mondok-mondok logowak nduk, Kaliku ALA nen inagap ndarogo piyaagin me, Inenggali age, inendage maluk age, eeka'lek mondok-mondok obeelom aret wonogo logogun o.

Yeremiya 33:11

aakumi inale'nggen nen yogwe, iniki ale'nggen nggelok yi unggwage logonet noone-koone yogwe, kwe aap imbirak lambunggo logonet inoone yogwe, ndi, it aakumi iniki ale'nggen nen, At Aliku ALA abu obeelom aret o. At iniki kunik ee'ninake nogo ti, lek aga'lek mondok-mondok aret ee'ninake menggerak me, At Omaawi Lombok Menggerak Aliku ALA, Wa! yogo logowok o, yinuk, an nake wo'niri wogo logonet yogwe, eekwi nogo ambinom inaruk konenggo logogun, yegerak o. Aliku ALA nen ari logonet, O aa'nduk obeelom lombok wonagagi kwak eerogo pigin o, yinuk, yegerak me nduk yagi o.