Ndawi 73:8 - Ala Wone Peenok Peebi Mbanak

⁸ Aakumi obeelom eekwi iinok miyuk-meya eerogo piigwi, Aakumi iniki wakkolaawak nduk, agan nugwi, Iniki wogoppako logonet, Aakumi tebenogo piyoorak nduk agan nugwi,

Ndawi 73:8 ပူးပေါင်းရင်းမြစ်များ

2 Endagembogut 18:29

At aap endagembogut ti nen ari logonet, Aap Kitikiya ti, an neenggime nen kinagap ndarigin meek kagak, Eerigin aret, mba'nuk, yokkirage ti, kinambokan lagangge me, oone konenggwi,

Ndawi 10:2

It maluk eeka nen iniki wogoppako logonet, “Aap ineenggi lek ti, ndogop eeppiyaawok o,” Yinuk, kote koonogo punuk, Kwaarinabit namenggaarak kwe, It aret yilunggologwe,

Ndawi 17:10

Inabuwa mbaka'lek it inake mban koonggo'net nugwi, Wogoppako logonet, wone agan nugwi, Eeko menggaarak.

Yetikiyen 35:13

At nen an meek nombake logonet wogoppake, Aliku ALA eeke ti neebi o, yinuk, oone puk aga'lek ugun peranogo wunabit nage, eereegerak nogo, an naruk koneneegirak o.

Oteya 7:16

An Tiyanak Lombok Minggirak nen yeenggwaaraakit nduk, yo'nugwi lek mbo panugwi me, It ti, maale nambukaatak tak mbilak wuk ari menggi kwak wonogo agaarik o. Inoone maluk mendek mban agan nugwi ti paga inoweewi inendage warak nogo wooluwak paga warak wanggo logogun o. Ti eekwi paga o Metit time nen inagi'ndok kanggo logogun o, yinuk, yegerak me, yokkiragi o,” yoragagirak.

2 Peterut 2:10

It togop eeppiyoorak nogo ti, mbuuluk negen eeppiyoorak kwe, it aakumi nen, “Nit maluk eeko logowok o,” yinuk, iniki nen nengge kenok, ugun eerit nogwe, Ala nen wone lengganogo yorage nogo taganogo punuk, at eebe miyuk-meya eerogo pugwi, eekwi nogo perak, aaninggin mondok ndonggok togon inoba piige kaagun. It malayikat nogo ti, inomaawi ambik inayuk warak me, Ala yogo logonet, “It aap kat ari menggendak kagak pilit pugunogo yorogo menggaarak nogo ti, mondok maluk eekwi me, kat ninogoba nen mondok inooke logot o,” yinuk, inoone omaawi paga Ala yoriyak op kwe, inagabiti warak me, we yanggorogon yogo menggaarak. Yanggorogon togop aret yogo menggaarak kwe, it aap pilit wone yaga ti nen perak, “Ninagabiti o,” yinuk, inaganak waka'lek iniki wogoppako logonet, kugi inom, malayikat inom, abok aret ugun miyuk-meya eerogo piinet nogo menggaarak.

Yurat 1:16

It aap ti nen ineebi-ineeba yogwe, inoreewi meek inombakwi, eeriyak iniki nengge kenok eerit nugwi, “An aap nggwok o,” yinuk, wogoppatit nugwi, inamendek kolaawok nduk, inoone amburu ndik-ndik agan nugwi, eeko menggaarak o.

1 Tamuwen 13:19

It aakumi Pilitin mendek nen, “It Iterali nogo mbuti wooluwak mendek inom, mbuti maale mendek inom, ogobakkigikkologo logukwak, aap mbuti paga yi mendek ndi mendek ogobakkigika kinenggela'me logorak mage o.” Yorogo nogogwaarak me, aap ti mendek inenggela'me wonogwe lek iinok,