Ndawi 73:28 - Ala Wone Peenok Peebi Mbanak

²⁸ Togop aret eerumunggun kwe, an perak, Kat Ala nimbirak kunik logorak op aret mbake agarik o. Neebe op logorak nogo ti, Kaliku Kitok Menggendak kat ALA aret kombakirak me, Kat eerit nage menggendak nogo yoranet nage logogin o.

Ndawi 73:28 ပူးပေါင်းရင်းမြစ်များ

Ndawi 107:22

“Wa,” yogo logonet, ake warogo wogogwi, At eeppiinet wundi wage nogo anep pogo logonet, inale'nggen paga mbininogo yoranet nugwi, Eeko logowak o.

Ndawi 116:7

Togop me, niniki yi wae. Aliku ALA nen obeelom eeppagage menggerak me, Aa'nduk wonagandak kwak ugun aret logot o.

Ndawi 118:17

An kangga'lek neenik logonet, Aliku ALA eerit nagaarak nogo Mbininogo yoranet nage logogin o.

Ndawi 14:6

Kit maluk eerit nogo monggotak yi, It aap ineenggi lek tebenak mendek nogo Inaru non mbanogo piigo monggotak kwe, Ineebe op logowak nduk, Aliku ALA nen it piirogo menggerak.

Ndawi 40:5

Kaliku nogoba Ala wae. Kat yi eekak ndi eekak eerubok mendek ambik aret eerit nage nagagindak o. Ti eeke nagagindak kwak ambi lek aret o. Ninake aret eerikit mba'nuk eeke nagagindak me, Eerogo pit wundi wage nagagindak nogo Mbininogo yokkiriyak meek aret o. Mbininogo yuurak op kwe, Ambik aret me yuurak meek aret o.

Ndawi 65:4

It aap kat nen leenogo piige, Kinom logonok nduk kawoore'nggam piya wage, Eeke menggendak kenok, Inale'nggen wonogo mengga kwak, Nit kat kawi wurik me unggunuk wonogwe niigak, Obeelom mban eerogo pinanege ti paga niniki abu kwi'nage, Nit kat kawi alik leenak wurik me Unggunuk wonogo logonet, ale'nggen lombok ee'ninake, Eeke agaarik o.

Ndawi 66:16

Kit Ala kinagabiti mbako monggotak yi wae. Ala nen eeppanit wage kagarak nogo Mbininogo yokkirage neegak, Kinaruk liirogon konenggo logobagip nduk, woraanip o.

Ndawi 71:15

Kubondendok nen nok, oonikiya ari nage kagak, “At abe koonak mban eerit nage menggerak o,” yinuk, agan nage, Aakumi inagap ndarogo piyoorak kuli pegendak nogo, Neenggo'lek kwe, yoranet nage, Eeke logogin o.

Ndawi 71:17

Nogoba Ala wae. Wulaga tawe nen nok, yogondak kuli kat mamunnake menggendak me, An kunduk, aa'nduk nen nok, yogondak kuli kat iya tit eeke menggendak nogo, Mbininogo yoranet nage agarik o.

Ndawi 71:24

Ndi, it an maluk eerogo paniyak mbakwi nogo, inenggali ogwe, Iniki kobak a'nuk nogwe, Eekaarak me, Kubondendok nen nok, oonikiya ari nage kagak, Kat abe koonak mban eeke menggendak nogo Paganogo yoranet nege logogin o.

Ndawi 84:10

An name ne seribu paga logorak ti, ninikilom aret kwe, Kawi wurik me ne ambit paga logorak ti perak, Niniki kundugu lombok aret o. It aap maluk eeka iname logonet, Neebe obeelom logorak ti, op aret kwe, Kat nogoba kawi wurik me Tungga'nggi paga arum logorak ti perak, Iya lombok me, an time logorak mbake agarik o.

Yakobut 4:8

Kit Ala owagam nogwe kiinok, at kunduk, kit kinowagam ari wage logogin o. Kit maluk eeko monggotak yi, kineenggi kookwi, ndi, kiniki mbere yi, ambit eeppunuk kinomaluk mbo pugwi, eeko logonip o.

1 Peterut 3:18

Nit maluk eekwi nogo abok aret lek eerogo pikit nduk, at Keritut ne ambit paga aret kambeegerak. At maluk eekeelik obeelom mban eeke menggerak nogo nen, nit obeelom eekwi lek maluk mban eekwi nogo, Ala abu'me pinanikit nduk at eebe aap aret age mbareegi, warogo pereegwaarak nit ninake aret kambeegerak kwe, Aberiniki nen eenik agago mippereegerak.

1 Tamuwen 14:36

Ti'nuk, at Tawun nogo nen awuri yorage logonet, “Oonikiya yi paga aret aakumi Pilitin mendek ineenik ambi teppiiga'lek tigitogon inoorogo piinok, inagugun waganggwi niigak, o aret ninoba weeruwak nduk, kit apit aret woraanip o.” Yorage mbareegi, it nen yogo logonet, “Kat eeriyak mbakendak nogo aret eeruwok o.” Yoreegwaarak kwe, at aap Ala unde ambi nen ari logonet, “Ala nen yo'niraawak nduk, aa'nduk at nggino yoruwok o.”