Ndawi 73:25 - Ala Wone Peenok Peebi Mbanak

²⁵ O mbogut paga time an yeenggwa niriyak Aap alik ambi wonage mbaken? Lek aret o. Kat kalik nen aret yeenggwa nege menggendak o. Kalik aret yeenggwa nege menggendak me, O nggween paga yime aap ambi yeenggwa nege logorak an mondok mbaka'lek aret agarik o.

Ndawi 73:25 ပူးပေါင်းရင်းမြစ်များ

Ndawi 104:34

Kaliku ALA nen eeppanege paga nale'nggen mbake logonet, niniki koonit nage nogo, Kat kinikilom nombariyak, “Ao,” mbake kwe,

Ndawi 16:11

An neenik logokit nduk, “Tu yi,” yo'nege, Kat kenggaanom paga nale'nggen nggwok lombok kaakit nduk, eeppanege, Ndi, kat keenggi abe paga wonage neegak, mondok-mondok nale'nggen mbariyak mendek eeppanege, Eeke logomunggun o.

Ndawi 16:2

An nen Kaliku ALA yokkege logonet, “Kat nogoba aret me, An abe mendek porogo minggirak nogo ti, Yi mendek ndi mendek lek o. Kat keebe mban aret porogo minggirak o,” Yinuk, yokkigirak o.

Ndawi 16:5

Kaliku ALA wae. Yate kwak mogonogo wo'nege, Togolowa'na amburu abe toolak kwak eeppanege, Eeke menggendak kat aret. An ee'naburak nogo abok aret Kat mban koongge menggendak.

Ndawi 17:15

An perak, obeelom mban eeke minggirak me, Kenggaawak nenegen kage, Neenik a'nuk kenete nonggop menggendak nogo nenegen keege, Eeke logominggirik, Niniki abu ndonggo yigin o.

Ndawi 37:4

Aliku ALA eeppinagage paga kinale'nggen mbakwi, Eekwi kiinok, Kit kiniki uugwe mbakwi nogo, At nen eeppinagage kaamunggup o.

Ndawi 43:4

Ala wae. Kat nogoba Ala aret me, nappani wage keenok, niniki ale'nggen ee'nake, Nale'nggen kani negen wununogo panege, Eeke menggendak kat Ala nogo an kowagam nage, Kake warogo wakkogo menggam ari nage, Eeke logominggirik, Nggitat eeke logonet, “Wa!” lombok yokkirigin o.

Ndawi 63:3

Neenik wonage ti, iya negen aret kwe, Nabuwa nen kiniki kunik ee'nabit wundi wage ti, Mondok iya lombok me, Noone paga tiyappagage logogin o.

Ndawi 89:6

It mbogut abu'me o oolo ya'i menggaarak nogo, Kaliku ALA kimbirak ndak-ndak ambi ta wonage mbaken? It mbogut paga wonogo menggaarak kunduk, Kaliku ALA kinom ndak-ndak ambi ta wonage mbaken?

Matiyut 10:37

An kineebi negen nombako logonet, kinagalo a, kinogoba a, kiniki kunik eekwi kiinok ti, an ninom logorak meek aret o. Ndi, an kineebi negen nombako logonet, kinapuluk wulaga a, kolaga a, kiniki kunik eekwi kiinok kunduk, an ninom logorak meek mban aret o.

Matiyut 5:8

It aakumi iniki kikak naka'lek obeelom mban menggaarak nogo ti, Ala inigen kaagun aret me, Iniki ale'nggen aret mbako logowak o.

Pilipi 3:8

Ndi, an nowe Keritut Yetut neenu ariyak ti mondok iya me, “Yi mendek ndi mendek eeriyak abok aret we aanom warogo eerit nage logorak kagi,” mbake nagagirik, Muta wone ndak-ndak eeke nagagirak nogo paga obeelom eekkoloorak ti, neebi o. Ata, Keritut abet mbakwi paga Ala nen nit obeelom eerogo pinanege nogo mendek, “Muk eeppagagirak me, Keritut kimbirak kiniki kunik wonage keegi o,” yinuk, yo'niruwak nduk, Keritut kolage nagagirik, an yi eekak ndi eekak eeke nagagirak nogo abok aret, “Yi inambeebuk pogom aret kagi,” yinuk, mbo pereegirak.

1 Yaya 3:2

Noreewi o. Kit an niniki kunik me, wone ambi yokkira o. Nit yogondak aret Ala apuri ogoorik o. Ndi, peebi nonggop eeppinanege kenok wonogo logorak nogo, nit awo kin kaga'lek kwe, at wage kenok, “Etenggen yi kwak eeppinaniyak nduk, wonogoorak kagi,” yinuk, mbakwi niigak, “At etenggen kokwak eeppinanigin, nineenu aret ogoorik o.”

Wayu 21:3

Wambi wage mbaki, wone lengganogo yorage menggim time nen oone nggwok ambi ari logonet, “Ala at apuri inenggela'me logowam nogome logokit nduk, eebe wambi wage ti, kaanip o. At eebe nogo apuri inom logonet, it nen, Kat ninogoba Ala aret o, yinuk, yogwi, ndi, at nen, Kit an napuri aret o, yinuk, yorage, eeko logogun o.