Ndawi 73:2 - Ala Wone Peenok Peebi Mbanak

^2-3 Togop aret kwe, an perak, It maluk eeka ineenggi warak lombok ogwe nenegen iige, Iniki wogoppaka nen ineenggi warak eekkologwe ti, An togon eerikit lak, it mban eekkologwe yi, Neebi, lombok inombake, Eeke mbaki, Niyok eraabin tuk togon wambuurak ee'nake, An ngginnariyak negen ee'nake, Eekerak o.

Ndawi 73:2 ပူးပေါင်းရင်းမြစ်များ

1 Mbinineegwaarak 22:7

At Ndawut nen at aput Talomo nogo yoge logonet, “Naput o. At Aliku nogoba Ala endage ki logowak nduk, an nen at awi wuriyak mbakirak kwe,

Ayup 12:5

Aap ambi eraabin paga nage me, Perak togon ngginnage menggi kwak, Aap ambi aaninggin oba age kenok, It aap iniki ugun tayenak wonogwe nen, Kayik a! Op eekkoligi, yinuk, mbako menggaarak.

Ayup 21:4

An niniki wakkolage logonet ari ti, Aakumi konenuwak nduk ari mbakop? Lek me, An nonggop nduk yanggo yinuk puk ariyak?

Ndawi 116:8

Kaliku ALA wae. Nooriyak eekwi me, kat nen nagap ndake, Nale ari me, nale mbanogo panege, Niyogobit lik yuurak eeke me, pi'nake, Eekendak me

Ndawi 17:15

An perak, obeelom mban eeke minggirak me, Kenggaawak nenegen kage, Neenik a'nuk kenete nonggop menggendak nogo nenegen keege, Eeke logominggirik, Niniki abu ndonggo yigin o.

Ndawi 17:5

Kat kiyok mugurok mban nage minggirak me, An niyok eraabin perak togon noolik o.

Ndawi 35:13

It nogo andi warak wonogwe iinok, Yum nibinik maluk mendek yippunuk niniki wakkolage, Nambe mage negen logonet inake tamban eeke, Eekirak o. Inake tamban eekirak nogo onggo yo'nega'lek yungguk togon noba ari wage kenok,

Ndawi 5:7

Togop aret kwe, an perak, Nabuwa lombok nomba'nuk eeppanit wundi wage me, An nen kat kame unggwi nage, Kawi wurik alik leenak me nena na'na'nuk, Kayuk wuke logonet, nendobanggun yindumbunuk kalut eeke, Eerigin o.

Ndawi 94:18

An nen ari logonet, “Kaliku ALA wae. An eraabin tuk togon wangge agarik o,” ari neenok, Nabuwa nen pi'nake nagandik, nu'lek eerogo panege,

Kini Wuppiige 5:14

Aakumi ambik lombok kuwak eerak inigen iigak, Ninenggali nen yigeebu abu wambuurak eekwi me, ao,” yogo logomunggup o.

Yotuwa 24:15

Ndi, kit nen at Aliku ALA mban mugurok noorak ti, kineebi mbakwi kenok, kinombomini nen niyo Eparat enebagan logonet, Aliku ALA mugurok nogwe obaane'me it kugi eeko nogogwaarak nogo, mugurok nogo logorak a, it aap Amori mendek inanggween paga kit wonogo logonet, Aliku ALA mugurok nogwe obaane'me inagugi mugurok nogo logorak a, nogo ti, o yogondak yi paga aret kit mban miikkolaanip o. An, nakwe, napurilogwe ninom perak, at Aliku ALA mban aret mugurok nogo logogun o,” yinuk, yoragagerak.

1 Tamuwen 12:23

Ndi, an nen perak, kit kinake Aliku ALA yoge lek neenok ti, Aliku ALA maluk eeppuurak aret me, kinake tamban eeke, ndi, obeelom eekkoloorak wone inom, tu koonak paga nogo logorak wone inom, mamungginake, eeke logogin aret kwe,

1 Tamuwen 2:9

It aakumi abet mbako menggaarak nogo, Nggween ti paga iniyok pit nogwe iigak, inarum wonage, It inogogun ambik maluk eekwi iinok perak, o apit me time inoone lek eerogo piige, Eeke logomunggun o. Aap ambit-ambi, An nomaawi paga ndogop eerikit o, Koonggetak nogo aret ageelik me,