Ndawi 73:14 - Ala Wone Peenok Peebi Mbanak

¹⁴ O kubondendok nen nok oonikiya ari nage kagak, andi-pandi ee'nake, O kubondendok ari wage kenok, Eekirak onggo aaninggin noba kwi'nagak eeke, Eeke menggerak o.

Ndawi 73:14 ပူးပေါင်းရင်းမြစ်များ

Ayup 10:17

Wone alik ngget mendek ambi inom eeppanegak mban eeke, Kanini eeppanege kwe, ambinom nggwok lombok noba kwippanege, Ndi, wim eeko logonet, aap ambi aago panggongga wagak eeko mengga kwak, Kat togop aret aaninggin-paaninggin noba panegak mban eeke, Eerumunggun o.

Ayup 10:3

Aap maluk mendek iniki koonggo menggaarak nogo Kinikilom mbake logonet, Kat nen ogobakkigi'nabeegindak nogo, Aap maluk aret o, yinuk, mbo panege, Keebi lombok nombake logonet Aan lebe eerogo panege, Eeke ti, Op eeke, mba'nuk eeppanege agandik?

Ayup 7:18

It aakumi ti, Ko'lu-kii'me kubondendok liippiya wage, Netik-netak inabut mbangge, Eeke menggendak me,

Ndawi 34:19

It aakumi iniki abe koonak nogo Aaninggin-paaninggin ambik inoba aremenggerak kwe, Aliku ALA nen aaninggin nogo tayenogo piige,

Ndawi 94:12

Kaliku ALA wae. It aap inaruk wake, Koone yugu liiru mbanak nogo liirogon mamuninake, Eeppiige menggendak nogo Inale'nggen aret mbako menggaarak o.

Yeremiya 15:18

An andi-pandi mban eerogo panugwi yi, lek aga'lek kunik aret wonage, Ndi, nawin mondok kunuk nenet unggwage nogo, Obeelom aga'lek kundugu tit wonage, Eeke ti nonggop nduk o? Niyo nage menggerak kwe, poronak wonage, Yi eneeri wungge menggerak kwe, wungga'lek wonage, Eeke menggi kwak Kat ti kwak me, eeppanega'lek agandik ya?”

Amot 3:2

“It aakumi ndarak logok lombok abok aret o nggween paga wonogwe iigak, It Iterali mban an napuri logowak nduk, leenogo piyareegirak me, It yi maluk ndi maluk eekwi paga aaninggin inoba kwippiyaagin o, Aliku ALA nen aret yegerak me, yokkiragi o,” yinuk, yoragagirak.

Iberani 12:5

At Ala nen, “Yi an napuri aret o,” yinuk, kiniki eyak wappinagakit nduk, yokkirage logonet, “Napuri wae. Kinogoba Ala nen it aap at iniki kunik nogo iniki koonnaruwak nduk, eeppiige, Ndi, Yi an napuri aret o, yinuk, yorage nogo alik eekwi iinok, yawi inooke, Eeke menggerak me, Kiniki koonnaruwak nduk, eeppinagage kenok, Eeppinanege yi, iya lek o, yinuk, meek mbakwi, Ndi, kinaruk wake kenok, kiniki maluk ogwe, eerugup o,” yinuk, yereegerak nogo kit kobak ogotak kiigi o.

1 Peterut 1:6

Togop me, nowe-nawot o. Aaninggin-paaninggin kinoba wonage nogo paga kiniki ale'nggen lek aaninggin ndugu aago wonogwe kwe, “Peebi ninake pipuk eerogo pinaneegerak nogo kola nagun me, yi ti, we luulu eeppinanege me op aret o,” yinuk, kiniki ale'nggen nggwok aret mbako logonip o.