Ndawi 73:11 - Ala Wone Peenok Peebi Mbanak

¹¹ “Ala ti, nonggop eerogo eenu age, At Tiyanak Lombok Menggerak nen Nit nonggop eerogo liippinanege, Eeriyak mbakop? Meek o,” Yinuk, yogo menggaarak.

Ndawi 73:11 ပူးပေါင်းရင်းမြစ်များ

Ndawi 10:4

“An iya,” mbarit nogo logonet, Ala mugurok nogwe lek mbo pugwi, “Ala lek,” mba'nuk, ugun koonit nugwi, Eeko menggaarak kwe,

Ndawi 44:21

Kat aakumi inikime kote koonggwi nogo Abok liippinanege menggendak me, Kat keenu aret logonetak nogo lek a?

Ndawi 73:9

It inoone paga nen At mbogut paga menggerak nogo meek eerogo pugwi, Inamili irip paga it o nggween paga wonogwe nogo inabok mbanit nugwi, Eeko menggaarak o.

Yetikiyen 8:12

Kage mbareegi, at nen an yo'nege logonet, “Aakumi nen ndarak yi wae. It aap Iterali mendek inoweewi inagugi ogut eerak menggim lombok o apit aago kagak eekwi nogo kenegen iigen ilik? It nen yogo logonet, At Aliku ALA enegen niiga'lek wonage, Aliku ALA nen ninanggween yi, abu mbo pegerak wonage, eekerak o, yogwe ti, iyet o.”

Oteya 7:2

It maluk eerit nugwi abok aret an aberak minggirak nogo it liippanega'lek aret wonogo agaarik o. Inomaluk nogo nen wanggeppiinok wonage, It maluk eekwi ti, an aberak mban wonage, Eeke agaarik,” yegerak o.

Tepaniya 1:12

Ne ti eyom paga an nen ndi wuninik wonok o Yerutalem maleninabit nage logonet, Anggur amburu abe tookwi iigak, ogogwe o'luwam linogo pege menggi kwak, it aap togop aago wonogo logonet, Aliku ALA nen obeelom eeppinanege, maluk eerogo pinanege, Eerigin lek, mba'nuk, Iniki ugun kobak aago wonogwe nogo, kwaappiinok, aaninggin inoba kwippiyaagin o