Ndawi 72:8 - Ala Wone Peenok Peebi Mbanak

⁸ At endagembogut ti, Yi niyo ndi niyo nggwok yenggenak nogo, mbambegak wone lengganogo yoranet nege, Niyo Eparat kuli nen nok o irip-irip kuli unde wonage, Eeke logogin o.

Ndawi 72:8 ပူးပေါင်းရင်းမြစ်များ

1 Endagembogut 5:1

It aakumi o Tirut mendek inowe endagembogut Kiram nen Ndawut imbirak iniki kunik wonagagerak me, “At Talomo nogo ogoba Ndawut obaane'me endagembogut logowak nduk, amburu eerogo mippegaarak o,” yogwe nogo aruk konengge nagagerik, awuri inom eeko menggaarak nogo, Talomo wonage me nappiya wagagerak.

Ndawi 2:8

Togop me, an yo'nege keenok, Yate kwak yi aakumi ndi aakumi unde logonok nduk, wokkege, Kamendek kwak o irip-irip time unde eeppagage, Eerigin me,

Ndawi 80:11

Eno'mbak wiganogo yi laut kuli ari nage, Agarip ndarit niyo Eparat kuli ari nage, Eereegerak o.

Ndawi 89:25

At eenggi paga yi kole yenggenak unde logowak nduk eeppege, Ndi, eenggi abe'nggan paga yi niyo ndi niyo nage nogo unde logowak nduk eeppege, Eerigin o.

Wundeegwaarak 23:31

Kit logowam kinanggween nogo ti, ogu niyo nggwok yenggenak Laut Merah kuli nen nok, agi niyo nggwok Pilitin kuli inom, ndi, ogwe karume kuli nen nok, aru niyo Eparat kuli inom, mbanogo pigin me, unde eekko'net nogo logonet, mugogo wumbiyaabagip nduk, aakumi time wonogwe nogo kineenggime wokkiraagin o.

Takariya 9:10

At nen yi nggweendo ndi nggweendo o Eparayim wonage inom, Yi kuda ndi kuda wim eeka o kota Yerutalem wonage inom, lek eerogo pege, Yigin agale wurik mbanogo pege, Eeppunuk, Kiniki ugun ale'nggen mbako logonip o, yinuk, yi aakumi ndi aakumi yorage logogin o. At wone lengganogo yorage logowam wiganit niyo nggwok yenggenak laut ambi kuli nen nok, ambi kuli ari nage, Niyo Eparat nen nok, o nggween irip-irip ndak wa'narit nage, Eeke logogin o.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.