Ndawi 72:19 - Ala Wone Peenok Peebi Mbanak

¹⁹ At endage mondok-mondok tiyanak aret wonage me, At wogoppugwi, Eeko logowok o. O nggween paga yime abok aret At endage mban ndak warak logowak o. Abet aret yagi o. Abet aret yagi o.

Ndawi 72:19 ပူးပေါင်းရင်းမြစ်များ

1 Endagembogut 1:36

Yorage mbareegi, at Yoyara aput Mbenaya nen aap endagembogut nogo yoge logonet, “Wone ti abet aret yagandak me, wa! At Aliku kat nowe kendagembogut kogoba Ala nen wone ti, omaawi aret eerogo pege logogin o.

Nekemiya 9:5

ti'nuk, it Lewi mendek ando Yetuwa, Karimiyen, Mbani, Katabeneya, Terebiya, Koriya, Tebaniya, Petaya, nen wone yorogo logonet, “At o aa'nduk nen nok, peebi mondok-mondok logorak Aliku kinogoba Ala endage tiyappuwok nduk, mi'nanip o,” yinuk, yorogogwaarak. Yorogogwaarak mi'na'nuk Ala yogo logonet, “At ambi nen at ambi ale'nggen oba pegak eekwi, at mbi nen at ambi endage tiyappegak eekwi, eekwi ti, iya aret kwe, kat perak, it inirimbaga kendage mondok iya tiyanak lombok aret.

Ndawi 41:13

Togop aret me, Iterali inogoba Kaliku ALA nogo o! O aa'nduk nen, yogondak nen nok, peebi nen Mondok-mondok kendage tiyanak aret logowak o. Abet aret yagi o. Abet aret yagi o.

Ndawi 89:52

Kaliku ALA kendage Mondok-mondok tiyanak aret logowak o. Abet aret yagi o. Abet aret yagi o.

Yetaya 11:9

Niyo laut yenggenak nggween kaga'lek nobarogo pereegi kwak, At Aliku ALA eeke menggerak nogo it nggween paga wonogwe abok aret ineenu arugun me, An nabuut abu alik leenak nogome At ambi nen at ambi maluk eeppegak eekwi, At ambi nen at ambi nibinogo pi nagak eekwi, Eeko logogun lek o.

Yetaya 6:3

Eerak wonogo logonet, it inoone nggwok paga at ambi nen at ambi yogak eeko logonet, “Kat mondok kikak nakeelik alik leenak aret o. Kat mondok kikak nakeelik alik leenak aret o. Kaliku ALA Komaawi Lombok Menggendak ti, mondok kikak nakeelik alik leenak aret o. Keebe abu tiyanak o nggween paga mondok ndak warak menggendak o,” yinuk, yogwe iigirak.

Yeremiya 28:6

“Abet aret yagan o! Yagandak ti, Aliku ALA nen togop aret eeruwak o! At Aliku ALA nen yokkege kagak, yo'niragandak nogo a'me aret nggelok ari logonet, yi mendek ndi mendek Aliku ALA awi wurik me eekak inom, it aakumi piya nogogwaarak nogo inom, abok aret o Mbaben nen wogoren o yime piya woraawak o!

Abakuk 2:14

Niyo nggwok yenggenak laut nen nggween kiiniki paga lombok wonage nogo, nobappunuk menggi kwak, Naliku an ALA abu tiyanak minggirak wone nogo, aakumi o nggween paga ilin-unggut wonogwe abok aret ineenu arugun o.

Takariya 14:9

Aliku ALA nogo o nggween paga yime abok aret inowe endagembogut a'nuk, wone lengganogo yorage logogin o. Ne ti paga inogoba ambit Aliku ALA aret arigin me, at endage mban yogo logogun o.

Maleyaki 1:11

“Oonegen lagi wage menggim nen nok, kilu yi nage menggim kuli, yi aakumi ndi aakumi inenggela'me abok aret an nendage mondok tiyanak logogin o. Aakumi inanebunu lombok inenggela'me nendage abu tiyanak logogin me, an nendage kumbunuk, yi o ndi o abok aret nake obari abe mendek kani kunggwi, an nake abe pugwi iinok, nale'nggen nen wagangge nogo mendek wo'nugwi, eeko logogun o,” yinuk, at Omaawi Lombok Menggerak Aliku ALA nen aret yegerak o.

Linggineegwaarak 14:21

Togop eekirak kwe, o Metit paga time inom, o karume yime inom, nomaawi paga eerubok mendek iya tit eeke neenok, Wi, yinuk, pi wa'nako logonet kwe, ne 10 kuli an nabut mbaniyak nduk eeko logonet, noone konengga'lek tagambunuk maluk mban eerit wundi wogwe me, it inombomini nggween wogoroorak noone abuk nggaruk togon kumbuk mbanogo yoragagim nogome piya naakit lak, it aakumi yi, an meek eerogo panugwi me, ambiriluk ambi o time inigen kaagun mondok lek o, yinuk, o nggween paga yime menggaarak abok nen Naliku an ALA eeke neenok, Wi! nugwi an mondok neenik minggirak nendage paga nowak mbanogo yokkigi o.

Matiyut 6:10

Nit kat kabu'me logowok nduk, eeppinani mok o. Mbogut paga kat kiniki mbake menggendak eeko mengga kwak, Nit nggween paga yime togop aret eeko logowok nduk, eeppinanu o.

Matiyut 6:13

Ninabut mbanuwak nduk, pinani nagun o. Ndi, at abu maluk mendek nogo nen maluk ee'ninake kero, ninagap ndaru o. (Kabu'me piinok menggenom arum wonage, Komaawi ambik lombok wonage, Kat mondok tiyanak wonage, Eerak menggendak me, Yogondak inom, peebi inom, lek arigin lek mondok-mondok aret logogin o. Amin.) yinuk, yogo logonip o.

Wayu 1:18

Neenik nitok minggirak an aret o. Aa'nduk kambeegirak kwe, yogondak perak, neenik mondok-mondok wonage yi neyet o. Kanggwi inom, kambunuk nogo menggam inom, imbirak an mban aret unde logonet, tu paaka kunci porogo minggirak o.

Wayu 22:20

Kat keenu a'nok nduk, wone yi, paganogo yokkegerak nogo nen, An logonuk lek mbet-mbet wagi o, yinuk, abet aret ari kagarak me, wone ti, abu aret yokkigi o,” yinuk, yo'nege kagarak. Yo'nege mbaki, an nen, “Noweeluk Yetut mbet-mbet woraawak lak ao,” yinuk, “Amin,” yagarak.

Wayu 5:13

it mbogut paga wonogwe inom, nggween paga wonogwe inom, nggween abu'na wonogwe inom, yi nggwok yenggenak laut inikime nugwi inom, Ala nen ogobakkigireegerak yi mendek ndi mendek yi aakumi ndi aakumi abok aret inoone nggwok paga ndawi wako logonet, “Nit abok aret, at wone lengganogo yo'nirage menggim kwi'ndak wonage nogo inom, Ndomba Aagaluk nogo inom, kimbirak obeelom aret o, yinuk, Inabu'me tebe yinuk, inalut eekwi, inendage tiyappiigwi, eeko logonet, inoone mondok-mondok konenggo logogun o,” yinuk, yogwe iigak,