Ndawi 72:12 - Ala Wone Peenok Peebi Mbanak

¹² It aap ineenggi lek tebenak wonogwe nogo nen, “Yeenggwa niret o,” yogwi iinok, yeenggwaarage, It tebenak wonogwe nogo, yeenggwaaroorak lek iinok, yeenggwaarage,

Ndawi 72:12 ပူးပေါင်းရင်းမြစ်များ

Ayup 36:15

It aaninggin-paaninggin inoba age ti paga, Ala nen inagap ndake, Ndi, andi-pandi kogwe ti paga, At oone konenggo logowak nduk, eeppiige, Eeke menggerak o.

Ndawi 10:17

Kaliku ALA wae. It aap nggween paga mendek nen Aap iniki ma'naruwak nduk ambinom eeginako logokwak, It aakumi tebenak wonogwe iniki, “Ao,” mbakwi nogo, Kat liippiige, iniki eyak wappiige, Inale yogo logonet, yokkugwi nogo karuk konengge, Eeke logonet, It elege moono inom, it aap tebenak wonogwe inom, Inili eerogo piige menggendak o.

Ndawi 102:17

It kapuri tebenak logonet tamban eekwi nogo, Kena koonogo nagiige, It nggino yokkugwi nogo, Kat nen meek inombaka'lek karuk konengge, Eeke logomunggun o.

Ndawi 55:17

Kubondendok inom, liingge inom, oonikiya inom, “Ee'naburak,” neebi mbake nogo Noone nggwok paga at yoge neenok, aruk konengge, Eeppunuk,

Ndawi 72:4

It aakumi inenggela'me tebenak wonogwe nogo, Aap endagembogut nen inawone liirogon mban mbangge, Ineenggi lek inapuri nogo yeenggwaarage, Eeke logogin kwe, It aap tebenogo piiga nogo perak, Aan lebenogo piige logogin o.

Kini Wuppiige 29:7

It aap iniki abe koonak nen aap ineenggi lek inawone op mbanuwak nduk, liippiigo menggaarak kwe, It aap maluk mendek nen perak, “Inobaalombok o,” yinuk, mbo piigo menggaarak.

Wone Alom Kibingga 4:1

Kage nagagirik, oonegen abu'me aakumi abok tebembiinok wonogwe nogo iyareegirak. It tebenak wonogwe nogo nen le yogwe iigak, iniki eyak wappiiga'lek wonogwe, It aap tebenogo piiga nogo inomaawi ambik wonogwe iigak, it tebenak mendek nogo iniki eyak wappiiga'lek wonogwe, Eekwi iyareegirak o.

Yetaya 41:17

“It aap inalik eekkoloorak meek inom, ineenggi lek inom, nen niyo kwaaremenggaarak kwe, lek aret kogwe, Niyo abu nen inamili mbuk aago wonogwe, Eeko logonet, Nggino yo'nugwi iinok, Iterali inogoba an Ala nen mbo piyaagin lek Naliku ALA nen naruk konenigin aret o.

Lukat 4:18

“It aakumi tebenogo piinok wonogwe nogo wone obeelom wone yorage logokit nduk, amburu eerogo mippaneegerak me, Nogoba Ala Aberiniki noba panegerak wonage agaarik o. It aakumi keele maarak wonogwe nogo, Muk wondet eerogo pinagagerak o, yinuk, yorage, Inigen mbuk nogo, Kinigen obeelom eekkinaburak op aret o, yinuk, yoranet nage, It aakumi tebembiirogo wonogwe nogo wondet eerogo piige,

Lukat 7:22

Nogogwaarak nogo nen wone nogo Yetut yogo mbareegwa, at Yetut nen, “Eeke kinigen kogotak inom, agan nugwi kinaruk konenggotak inom, ti, kiniyokan Yaya yori nanip o. Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, aap inamendek lek nogo obeelom wone yorage, eeke nogo yori nanip o.

2 Korindut 8:9

Ninowe Yetut Keritut nen kinabuwa mbake logonet, eeppinagareegerak nogo kineenu aret o. At nen, “An aap nggwok mondok tiyanak aret minggirak kwe, it ninom ndak-ndak tiyanak logowok nduk, an tebeppati wambi o,” yinuk, at nggween paga tebekkola wambi wagagerak nogo o.

Iberani 7:25

Togop me, nit aakumi niniki at oba panggombunuk, Ala owagam nogwe niinok, at ninake Ala yoriyak nduk mondok eenik mi'ndak menggerak me, ninagap ndarogo mondok obeelom agago pinaniyak op aret o.

1 Tamuwen 22:2

Ndi, it aakumi wone ambi inoba age kenok, iniki piirik wonogwe nogo mendek inom, inanomat mbanak mendek inom, iniki ale-pale aago mendek inom, it aap togop mendek kero mban, ineebe lambunik empat ratus negen at wonage me kuwak ari nogo nogogwaarak iigak, at Ndawut nogo inowe a'nuk, wonagagerak.