Ndawi 71:6 - Ala Wone Peenok Peebi Mbanak

⁶ Kat nen aret nagalo inikime nen wumbani wagagindak me, Nda'nagagirak nen nok, yogondak kuli niniki koba panggonak wonage agarik o. Togop me, an ko'lu-kii'me tiyappagage minggirak o.

Ndawi 71:6 ပူးပေါင်းရင်းမြစ်များ

Ndawi 22:11

Noba aaninggin ariyak abu panggoni wage, Ndi, yeenggwa niriyak ambi lek aret wonage, Eeke kagak, An mbo paninuk nda logorak mage o.

Ndawi 34:1

An yi eyom ndi eyom abok aret Aliku ALA endage tiyappege, At alut eeriyak mban ee'nake,

Ndawi 40:4

Aap ambi it aap, “Nit iya,” mbakwi nogo paga iniki panggombege, Aakumi inoone pilit agan nugwi nogo paga iniki panggombege, Eekeelik Aliku ALA oba panggombege kenok, At ale'nggen aret mbake logogin o.

Ndawi 71:14

Togop eerugun kwe, an perak, Niniki mondok kat paga lunik wonage, Kalut eerit mban nage,

Kini Wuppiige 8:17

It aakumi iniki kunik ee'nakwi nogo an nen niniki kunik eeginake, It an kwaa'nabit nugwi nogo kwaa'neyaawak nduk, neebe nigiige, Eeke minggirak o.

Yetaya 49:1

Kit aakumi niyo oolo ku'mbanak paga wonogwe yi wae. Kinaruk o! Kit yi aakumi ndi aakumi o ndaanda monggotak yi wae. Kinaruk logonip o. An nda'naga'lek neegak, Aliku ALA nen an wiinege, Nagalo inikime awo wonage neegak, Aliku ALA nen nendage kungge, Eereegerak.

Yetaya 49:5

At Aliku ALA nen an yi, Aap iya negen aret, neege, Ndi, nogoba Ala nen omaawi eeppanege, Eeke nagagerik, At ayeloman logonet at Yakup paga wiganak iniyokan at owagam piya wage, At apuri Iterali mendek wogoret at abu'me kuwak eerogo piya wage, Eerikit nduk, An nda'naga'lek nagalo inikime awo wonage neegak, neenggi-niyok warak eerogo paneegerak Aliku ALA nen yegerak yi aret.

Yeremiya 1:5

“Kagalo inikime awo keenggi-kiyok warak eerogo pagaga'lek logonet, keebe neenu wonage, Kagalo nen awo ndakkaka'lek kagak, keebe leenogo pagage, An nen yokkege neegak, it aakumi inanebunu lombok yoranet nege logonok nduk eerogo pagage, Eereegirak o.”

Yeremiya 3:4

Ninogoba o. Nit awo tawe logonet kat ninom niniki kunik me, ko'lu-kii'me mbe'nirage, Kanini mondok-mondok ninoba pinanege, Eeriyak mbaken? yinuk, yo'nugwi ti, Yogondak iluk aret yo'negaarak nogo lek a? It togop aret yogo logonet kwe, yi maluk ndi maluk ambik aret ugun-ugun eerit nogo menggaarak,” yegerak me, yokkiragi o.

Nggalatiya 1:15

Togop tit eerit nage neegak kwe, nagalo inikime awo nda'naga'lek neegak, at nabuwa mba'nuk, mii'nake nagagerik, yonggo paneegerak Ala nogo nen

Epetut 5:20

Warit nogo logonet, yi mendek ndi mendek apit eeppinanege menggerak nogo paga ninowe Yetut Keritut endage kunogo, “Ninogoba Ala wa,” yinuk, keyage wako logonip o.