Ndawi 71:3 - Ala Wone Peenok Peebi Mbanak

³ Neebe op logokit nduk unggwi nagak nayugum mulunik kwak kat aret me, nobarogo panege, Nayugum lunik kwak, nayugum pak wurogo pereegi kwak, Kat aret me, nagap ndaruwak nduk, Wone lengganogo wumbege, Eeru o.

Ndawi 71:3 ပူးပေါင်းရင်းမြစ်များ

Ndawi 144:2

At nen aret nabuwa mba'nuk narum wake, Nayugum pak wurik kwak wonage, Nayugum pak wurogo pereegi kwak wonage, An nagap ndarogo panege, Neebe op logokit nen nanggeemu kwak mulunogo panege, Ndi, yi aakumi ndi aakumi nabu'me piya wage, Eeke menggerak o.

Ndawi 18:2

At Aliku ALA ti, an nayugum kwak, Nayugum pak wurogo pereegi kwak, An nagap ndaka, aret menggerak o. At nogoba Ala ti, Aakumi nen an nookwi iyo, Yugum lunik kwak abu'me pani unggwage, Nggeemu pogom mulunogo panit nege, Omaawi paga nagap ndarogo panege, Yugum pak wurogo pereegi kwak eerogo panit nege, Eeke menggerak o.

Ndawi 18:3

Nawim nen nookwi iyo, “Yeenggwa niru o,” Yinuk, noone omaawi paga Aliku ALA yoge neenok, Nagap ndarogo panege menggerak me, At endage tiyanak aret logowak o.

Ndawi 42:8

O liingge wonage kagak Aliku ALA nabuwa nen iniki kunik ee'nake, Neenik alom ti, Ala aret me, Oonikiya Ala yoge neenok, ndawi wake logokit nduk eeppanege, Eeke menggerak.

Ndawi 44:4

Kat nogoba Ala kendagembogut aret o. Yakup ombowologwe ineegin tiyak yuwak nduk, Wone lengganogo yorage nagagindak o.

Ndawi 68:28

Ala wae. Komaawi keyaawok nduk, kawuri wiirage, Ala wae. Kat kawuri kinom eerit nogogutak nogo ndak-ndak eekwi kiyaawok nduk, kin eeppiya wage, Eeru o.

Ndawi 89:27

An naput manggu ndarak negen eerogo pege, O nggween paga yime aap inendagembogut tebenak iigak, At endage mondok tiyappege,

Ndawi 90:1

Nogoba o. Ninombomini nda'narit wundi wogwe, Ninombowologwe nda'narit wundi nogwe, Eekwi iigak, Nineebe op logorak kabu'me unggwaga kat aret o.

Ndawi 91:9

An neebe op logorak ti, “Aliku ALA aret o,” yinuk, ari, Ndi, an logorak nogo ti, At Tiyanak Lombok Menggerak abu'me aret wonage mbake, Eeke keenok,

Kini Wuppiige 18:10

Aliku ALA endage ti, o nggorek omaawi wurik kwak aret wonage me, Aap iniki abe koonak nogo nen mbe agan time unggwi na'nuk, ineebe obeelom aret wonogo menggaarak o.

Yetaya 33:16

It aap puut tiyarogon yugum pak wurogo pereegim iniki ugun tayenak wonogo mengga kwak wonogwe iigak, Inambi pipuk eerak wonage, inaniyo lek arigin lek wonage mban wonage, Eeke kagak nonggo logogun o.

Pelaareegerak 33:27

At itok menggerak Ala nen abu'me pinagage, At eenggi omaawi ambik itok menggerak paga nen pikkiren nage, Eeke logonet, At aa'nduk a'nuk kinawim mendek mugogo wumbiige, At nen, Inoo'nip o, yinuk, yokkirage, Eeke logogin o.