Ndawi 71:24 - Ala Wone Peenok Peebi Mbanak

²⁴ Ndi, it an maluk eerogo paniyak mbakwi nogo, inenggali ogwe, Iniki kobak a'nuk nogwe, Eekaarak me, Kubondendok nen nok, oonikiya ari nage kagak, Kat abe koonak mban eeke menggendak nogo Paganogo yoranet nege logogin o.

Ndawi 71:24 ပူးပေါင်းရင်းမြစ်များ

Ndawi 35:28

Ndi, an perak, “Aliku ALA nen obeelom mban eeppiige menggerak o,” yinuk, ari, Ko'lu-kii'me kendage tiyappege, Eeke logokit o.

Ndawi 37:30

Aap iniki warak nen yogo mengga kwak It iniki abe koonak nen inoone togop aret yogwe, Eekaatak ndak-ndak eeppiigo logorak kenok mban agan nugwi, Eeko menggaarak.

Ndawi 70:3

It aap, “Kayik a! Ha! Ha!” Yo'nugwi nogo nen inenggali mbakak inakom niruk kole nogwe, Eeruwak o.

Ndawi 71:13

Yeenggwa niri wage keenok, It an nabok mbanit nogwe nogo Inenggali mbakak kambit nawak o. It an nooriyak mbakwi nogo inendage lek ogwe, Inenggali mban inoba ninggirik wonage, Eerak logowak o.

Ndawi 71:15

Kubondendok nen nok, oonikiya ari nage kagak, “At abe koonak mban eerit nage menggerak o,” yinuk, agan nage, Aakumi inagap ndarogo piyoorak kuli pegendak nogo, Neenggo'lek kwe, yoranet nage, Eeke logogin o.

Ndawi 71:8

Kubondendok nen nok, oonikiya ari nage kagak, Kalut eeriyak mban nambe paga lunik wonage, Kat mondok iya logonet eeke menggendak nogo Noone puk aga'lek mbininogo yoranet nage, Eeke minggirak o.

Ndawi 92:11

It ineebi nombakwi tebenogo piige nogo an nenegen abe nen iige, Ninom ogoorak aap maluk mendek mbaganggo logonet, Inoone agan nogwe nogo naruk konengge, Eekirak o.

Matiyut 12:35

Aap obeelom mendek nogo ti, inikime obeelom mendek yugu paga obeelom aret eeke menggerak. Ndi, aap maluk mendek nogo ti, inikime maluk mendek yugu paga maluk aret eeke menggerak.

Epetut 4:29

Wone maluk mendek kinambe paga nen wumbi woroorak ti mage o. Ata, it konenggwi nogo nen, “Ninabuwa nen yo'nirogwe iigo o,” yuwak nduk, aaninggin ambi inoba age kenok, iniki kole eeppiyoorak wone mban yogo logonip o.

Pelaareegerak 11:19

Kinapuri mbininirogo logonet, oome kwi'ndak logonet, endekem tu paga nogo logonet, yonggonggologo logonet, yabu eeko logonet, liirogon aret mamunirogo logomunggup o.