Ndawi 71:20 - Ala Wone Peenok Peebi Mbanak

²⁰ An andi-pandi kaakit nduk, Aaninggin mondok alik negen noba kwippanege, Ale-pale eerogo panege, Eeke nagandak kwe, An aa'nduk wonagagirak kwak eerogo panege, Nggween kiiniki paga ari nagarak nogo pilanogo mippani wage,

Ndawi 71:20 ပူးပေါင်းရင်းမြစ်များ

2 Tamuwen 12:11

At Aliku ALA nen ambi ari logonet, Apuri lombok nen aaninggin-paaninggin at oba pugwi, at enegen kagak akuwi ndinogo at imbirak menggerak wogoge neenok kin paga wurinake, eeruwak nduk, eeppiyaagino.

Ndawi 119:25

An liirubu enggela'me ndenen warak wonage me, Wone koonogo pereegindak nogo ndak-ndak An aa'nduk wonagagi kwak eerogo panu o.

Ndawi 138:7

Maluk eeppaniyak wangge'nakwi iigak wonage me, Kat nen nili eerogo panege, It nawim inanini nen nooriyak eekwi iigak, Keenggi abe'nggan paga it tebenogo piinok, nagap ndake, Eeke menggendak o.

Ndawi 60:3

Nit kat kapuri nogo Aaninggin mondok iya lombok kaawok nduk eeppinanege, Anggur amburu omaawi mendek neenok, Inambuluk piige menggi kwak, Nit togop aret eerogo pinanege, Eekendak o.

Ndawi 60:5

Nit aap kiniki kunik ee'ninake menggendak nogo Ninagap ndarak logowok nduk, “Yeenggwa niret,” yokkugwi yi, karuk konembunuk, Kat keenggi abe'nggan paga ninagap ndaru o.

Ndawi 80:18

Ninarum wonage keenok, nit kat mbo pagagun lek o. Nit aa'nduk wonogogu kwak eerogo pinanege keenok, Nit nen kat kendage kunogo yokkogo logogun o.

Ndawi 85:6

Kat eeppinanemenggendak paga Kapuri ninale'nggen kombako logowok nduk, Aa'nduk wonogogu kwak obeelom eeppinaniyak lek mbaken?

Ndawi 95:4

Nggween kiiniki paga wonogwe nogo eenggime wonage, Puut kirin paga wonogwe nogo at mban unde wonage,

Yetaya 26:19

It kat kapuri kambeegwaarak nogo perak, ineenik ogwe, Inowak nggininik abok aret mi'nogwe, Eerugun me, Kit aap nggween taambinagareegwaarak wonogwe yi wae. Kineenik a'nuk, kinale'nggen nen keekok yogo logonip o. O weege kagak konaananggen nen iri'ngga-kale'ngga ki eerogo pege menggi kwak, It kambeegwaarak nggween taanak wonogwe nogo ngget nda'nogwe kwak ineenik agago mippiyaamunggun o.

Yetaya 38:17

An niniki koonnaruwak nduk, aaninggin noba agaarak paga niniki wakkolage nagarak ti abet aret o. An neebe lek eerogo paniyak eekwi me nabuwa nen nili eerogo panege, Ndi, nomaluk abok aret kat kambokan mbo nappege, Eekendak o.

Yunut 2:6

Puut-puut iyok niyo inikime yarak me, ari wangge, Nggween o'luwam lombok wangge neegak, mondok-mondok logorak nduk, nambokan tu narogo panege, Eeke me, Kaliku nogoba Ala o. Niyo kiiniki paga lombok wonage me, pilanogo nippanu o, yinuk, yokkigirak o.

Marakut 15:34

Ndi, o kiyoma age kagak, oonegen 3 paga at Yetut nogo kwa ari logonet, “Eloyi, Eloyi, lama tabatani!” yoreegerak. Ti, nit ninoone paga, “Nogoba Ala o! Nogoba Ala o! Nonggop nduk an teppanegen o?” yoreegerak.

Nappiigak 2:24

at kanggo menggam time mondok tebenak logorak meek me, kambunuk nogo menggam time yagan wake logokwak Ala nen eenik agago mippegerak o.

Epetut 4:9

Ndi, “At lagi nagagerak,” yereegerak nogo ti, ngge nduk yereegerak mbakop? Lek o. At nggween abu'na wambi nage nagagerik, lagi wagagerak nogo kenok, yereegerak nogo lek a?

Wayu 7:14

Yo'nege mbaki, “Nogoba o. An neenggo'lek me, kat nen mban yu o,” yoge mbaki, at nen an yo'nege logonet, “Lek o. It aakumi yi, aaninggin-paaninggin mondok alik negen eeppiigwi iigak, inenggela'me nen wundi wagaarak nogo ineebe yi aret o. It nogo ti, inayum laambu yanggwi negen aruwak nduk, Ndomba Aagaluk amiya nogo paga inayum kookkologogwaarak me,

1 Tamuwen 2:6

Kaliku ALA nen it aakumi kambuwak nduk eeppiige, Ineenik logowak nduk eeppiige, Kambunuk nogo menggam nappiige, Time nen mippiige, Eeke menggendak o.