Ndawi 71:17 - Ala Wone Peenok Peebi Mbanak

¹⁷ Nogoba Ala wae. Wulaga tawe nen nok, yogondak kuli kat mamunnake menggendak me, An kunduk, aa'nduk nen nok, yogondak kuli kat iya tit eeke menggendak nogo, Mbininogo yoranet nage agarik o.

Ndawi 71:17 ပူးပေါင်းရင်းမြစ်များ

2 Tamuwen 4:9

Yogo mbareegwa, at Ndawut nen aap awi Mbeerot mendek Irimon apuri Mbaana Erekap imbirak yorage logonet, “An aaninggin-paaninggin noba wonage kenok, nagap ndaka eenik menggerak Aliku ALA endage kumbunuk, wone ambi yokkira o.

Ndawi 119:102

Eekaatak ndak-ndak eeppiigo logorak koone yugu Kat nen aret mamunnakendak me, An mbo punuk nomoninuk noolik o.

Ndawi 119:9

It wologwe tawe nogo, nano eekwi paga Maluk eeka'lek inobaabut obeelom mban logorak mbakop? Lek o. Koone yugu ndak-ndak eekwi paga nen aret o!

Ndawi 26:7

Ndawi, “Wa!” yogwe mendek Noone nggwok paga warit nege, Kat iya tit eeke menggendak abok aret mbininit nege, Eeke minggirak o.

Ndawi 66:16

Kit Ala kinagabiti mbako monggotak yi wae. Ala nen eeppanit wage kagarak nogo Mbininogo yokkirage neegak, Kinaruk liirogon konenggo logobagip nduk, woraanip o.

Ndawi 71:5

Kaliku Kitok Menggendak ALA wae. An wulaga tawe paga nen nok, yogondak kuli niniki kat paga lunik wonage, Kat paga niniki panggombunuk wonage, Eeke agarik o.

Ndawi 73:28

Togop aret eerumunggun kwe, an perak, Kat Ala nimbirak kunik logorak op aret mbake agarik o. Neebe op logorak nogo ti, Kaliku Kitok Menggendak kat ALA aret kombakirak me, Kat eerit nage menggendak nogo yoranet nage logogin o.

Pelaareegerak 4:5

Kit o peebi nggween unde a'nuk, logowam time unggwi nogo logomonggotik, wonogo logonet, mugurok nogo logomunggup nduk, wone lengganak inom, eeko logorak wone yugu inom, at Aliku nogoba Ala nen wone lengganogo an yo'nereegerak nogo ndak-ndak aret mamunggirage nagagirak nogo abeko logonip o.