Ndawi 71:13 - Ala Wone Peenok Peebi Mbanak

¹³ Yeenggwa niri wage keenok, It an nabok mbanit nogwe nogo Inenggali mbakak kambit nawak o. It an nooriyak mbakwi nogo inendage lek ogwe, Inenggali mban inoba ninggirik wonage, Eerak logowak o.

Ndawi 71:13 ပူးပေါင်းရင်းမြစ်များ

Etet 9:2

it aakumi Yakuri maluk eerogo piyoorak mbakwi nogo inooruwok nduk, it Yakuri mendek yi o ndi o aap endagembogut Akatiwerot unde menggim inawi yi kota ndi kota abok aret kuwak eerit nogo mbareegwa, it aakumi inanebunu alik lombok nogo abok aret nen it Yakuri ineebe paga inagabiti mbareegwaarak.

Ndawi 109:29

Yum yiko mengga kwak, Inoone liirit yo'nugwi nogo nen meek inombakwi, Yum nggorek lenggenggo mengga kwak, Inenggali mban ineebe paga ninggirik wonage, Eeko logowak o.

Ndawi 132:18

Ndi, at awim nogo inenggali ti, Yum yirik kwak nugu logowak nduk eeppiige, Eerigin kwe, At Ndawut perak, Endagembogut logonet wone lengganogo yorage menggim ti, Nggare-nggare kwak me, abinak lan ari logogin o,” Yinuk, yoreegindak nogo o!

Ndawi 35:26

Aaninggin noba age neenok, “Op aret eeppogo a!” yinuk, iniki wogoppakwi nogo Inenggali ogwe, iniki kobak ogwe, Eeruwak o. Aaninggin noba kwi'nagaarak wonage neenok, It aap inale'nggen mbakwi nogo Yum yikkologo mengga kwak, inenggali eekkologwe, Inendage maluk eekkologwe, Eeruwak o.

Ndawi 35:4

It an nooriyak mu'neren wogwe nogo inenggali ogwe, “Ineegin tebek yegerak kayik a!” yinuk, yogwe, Eeruwak o. Nendage maluk eerogo panuwok nduk wone mbanit nugwi nogo Iniki kobak a'nuk iniyokan yungguninuk nawak o.

Ndawi 6:10

It ninom wim mbanak nogo inenggali age, “Nonggop aga,” yinuk, iniki ma'nage, Inenggali nen yungguninuk mbaganggwi, Eeruwak o.

Ndawi 70:3

It aap, “Kayik a! Ha! Ha!” Yo'nugwi nogo nen inenggali mbakak inakom niruk kole nogwe, Eeruwak o.

Ndawi 71:24

Ndi, it an maluk eerogo paniyak mbakwi nogo, inenggali ogwe, Iniki kobak a'nuk nogwe, Eekaarak me, Kubondendok nen nok, oonikiya ari nage kagak, Kat abe koonak mban eeke menggendak nogo Paganogo yoranet nege logogin o.

Yetaya 41:11

It aakumi abok aret nen inanini kinombakwi nogo inenggali a'nuk inendage maluk age, Kit tebenogo pinagarak mbakwi nogo, it ambi eeriyak lek aret inenggaawak lek ogwe, Eerugun o.

Yeremiya 20:11

It togop aret yogwe kwe, aap wim wakaa'ngget menggi kwak Kaliku ALA nimbirak aret wonage me, It an piyak-payak ee'nabit nugwi nogo nen ambi eeppanega'lek it aret iniyogobit lik togon yigeebu wambugun o. Eeppaniyak mbakwi nogo mbeyok yemenggerak paga inenggali ogwe, Inendage maluk aremenggerak nogo kobak aga'lek aberak mban wonogwe, Eeko logogun o.

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.