Ndawi 7:7 - Ala Wone Peenok Peebi Mbanak

⁷ Yi aakumi ndi aakumi abok aret Kat wonage me yendok-wandok kuwak ari woraawak o. Kuwak ari woramenggaarak wonogwe iigak, Kat wone lengganogo yorage menggenom tiyarogon nen wone lengganogo yorage,

Ndawi 7:7 ပူးပေါင်းရင်းမြစ်များ

Ndawi 138:6

Kat Kaliku ALA ti, Mondok tiyanak lombok menggendak kwe, Aap meek mendek nogo kenegen wugiya wage, It aap iniki wogoppako menggaarak nogo kat nda nen liippiige, Eeke menggendak o.

Ndawi 35:23

Kat pilak ari logonet nawone mbanogo panege, Kat nogoba Ala aret me, naana'le mbangge, Eeru o.

Ndawi 43:1

Ala wae. Naana'le liirogon mbangge, Aakumi koone liirogon mugurok nogolik mendek nen inoone maluk noba panugwi iinok, Kat nawone amburu mbangge, Aap maluk mendek aakumi inambokan lagangga nogo Ineenggime nen nagap ndake, Eeru o.

Ndawi 48:11

Eekaatak onggo ndak-ndak eeppiige paga Puut Tiyon nen ale'nggen mbake, O Yekura yi yaga'lelo ndi yaga'lelo Inale'nggen nen ndawi lubuk yogwe, Eeko agaarik o.

Ndawi 59:5

Iterali inogoba Kaliku Ala Komaawi Lombok Menggendak kat aret me, Yi aakumi ndi aakumi abok aret Maluk eekwi onggo it inoba piyaanok nduk, pilak yu o. It maluk eeriyak koonggwi nggaganagalo yi kunduk, Inabuwa mba'nuk teppiyoorak mage o.

Ndawi 93:4

Niyo kole wonagagerak nogo oone wo ari, Niyo laut kilaarak-mogonik eeke logonet, oonebu ari, Eeke nogo ti, iya aret kwe, Kaliku ALA abu tiyanak logonet, koone ari perak, Abu nggwok, mondok iya tit agaarik o.

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.

Wayu 19:2

Kwe yawukak mondok iya eerit nage nogo nen, Ee'nabi woraanip o, ari kenok, Yi aap ndi aap abok aret eeppi unggwagak eekwi paga o nggween paga time maluk eerogo pege nagagerak nogo onggo kwe nogo oba kwippege, Ndi, kwe nogo nen kat kayeloman mini inooreegerak inane'me wake, Eekendak me, Kat kalik mondok obeelom irip-kunduk eerogo aakumi liirogon inowak loongge logonet, Kwe nogo owak loonogo maluk onggo eeppegendak me, Wa!” yinuk,