Ndawi 7:6 - Ala Wone Peenok Peebi Mbanak

⁶ Kaliku ALA wae. Kanini nen pilak ari, Ninom ogoorak inanini nombakwi nogo, Eeppiyoorak nduk, kena koonogo nagiige, Nawone mbanogo onggo ndak-ndak eeppiyoorak nduk, kat nogoba Ala mbet-mbet koongge, Eeru o.

Ndawi 7:6 ပူးပေါင်းရင်းမြစ်များ

2 Tamuwen 17:14

Wone ti yoreegerak nogo at Abatalom inom, it aap Iterali inoweewi abok aret inom, inaruk konenggo nogogwaarik, “At Akitoben wone yegerak nogo ti, op negen kwe, at aap Ariki mendek Kutayi nen wone yegerak ti perak, abu obeelom aret yegerak kogo o,” yinuk, yereegwaarak. Wone ti yoreegerak nogo, at Aliku ALA nen aaninggin Abatalom oba puurak mbake logonet, Akitoben yereegerak meek mbaruwak nduk, eeppereegerak me, yoreegerak.

Ndawi 103:6

It aap tebenak wonogwe nogo abok aret Aliku ALA nen inawone mbangge logonet, Obeelom mban eeppiige, A'me nggelok koonogo piige, Eeke menggerak o.

Ndawi 12:5

Kaliku ALA nen ari logonet, “It aap meek mendek tebenogo piigwi, It ineenggi lek nen, Yogop eeppinanuwak lak, ao, yinuk, iniki wakkologwe, Eekwi iinok, An pilak ari logonet, Ndogop eeppinanuwak lak, ao, nombakwi nogo, Inagap ndarogo piyaagin,” yereegindak me,

Ndawi 138:7

Maluk eeppaniyak wangge'nakwi iigak wonage me, Kat nen nili eerogo panege, It nawim inanini nen nooriyak eekwi iigak, Keenggi abe'nggan paga it tebenogo piinok, nagap ndake, Eeke menggendak o.

Ndawi 143:3

It nawim nen mu'neren wogwe, Neebe nggween paga aan mbira eerogo panugwi, It maan kambeegwaarak o apit me wonogwe kwak, An time logokit nduk mbo panugwi, Eekwi me,

Ndawi 3:7

It ninom wim mbanak abok aret Ineegwak nenenogo nappiige, It maluk eeka ineyak langgunogo nappiige, Eeke menggendak me, Kaliku ALA wae. Kenegen an liippanege, Ndi, nogoba Ala wae. Kat nen an nagap ndake, Eeru o.

Ndawi 35:1

Kaliku ALA wae. It aap an tebenogo panuwok nduk wogwe yi, Kat nen it aret tebenogo piige, Ninom wim eeruwok nduk wogwe yi, Kinom aret wim eeke, Eeru o.

Ndawi 35:23

Kat pilak ari logonet nawone mbanogo panege, Kat nogoba Ala aret me, naana'le mbangge, Eeru o.

Ndawi 44:23

Togop aret me, nogoba o. Kat nonggop nduk nogo yege agandik? Mi'naru o. Kat mondok-mondok mbo pinanege ti mage. Pilak yu o.

Ndawi 44:26

Kat ninabuwa nen kiniki kunik mban ee'ninabit wundi wage menggendak me, Pilak ari logonet, Yeenggwa nirage, ninagap ndake, Eeru o.

Ndawi 59:5

Iterali inogoba Kaliku Ala Komaawi Lombok Menggendak kat aret me, Yi aakumi ndi aakumi abok aret Maluk eekwi onggo it inoba piyaanok nduk, pilak yu o. It maluk eeriyak koonggwi nggaganagalo yi kunduk, Inabuwa mba'nuk teppiyoorak mage o.

Ndawi 73:20

Nogo yogo logonet inabi abet ndendon kagaatak kwe, Ineenik a'nuk, kobak age menggi kwak, Nogoba wae. Kat mi'nage logomenggendik, “It aap yi, abe lek o,” yinuk, Ne ambit lek eerogo piyaamunggun o.

Ndawi 74:3

O yigirik-noonom eerogo pegak mban eekwi nogo Kenegen pekkenet nage, Ninawim nen kat kawi alik leenak menggim Yi mendek ndi mendek telenak-mbelenak eerogo pegak mban eekwi nogo liippit nage, Eeru o.

Ndawi 78:65

Eeke nagagerik, Aakumi nogo yogo nagaatik, mi'nogo mengga kwak, Inogoba Ala mi'nage, Aap anggur amburu neenok iniki lek agaatak wonagaatik pilak yogo mengga kwak, inogoba Ala pilak ari, Eeke nagagerik,

Yetaya 3:13

Aliku ALA aakumi inowak loongge menggim kwi'nari unggwage, Aakumi abok inowak loonikit nduk mi'nage, Eeke agaarik o.

Yetaya 33:10

At Aliku ALA nen ari logonet, “Yogondak aret an pilak ari, Yogondak aret an abu tiyanak neyaawak nduk mi'nage, Yogondak aret nomaawi ambik neyaawak nduk nu'lek mi'nage, Eerigin o.

Yetaya 37:20

Kaliku ninogoba Ala kat perak, yi aakumi ndi aakumi inabu'me piigo menggam o nggween paga wonogwe yi, abok aret Ala kalik aret wonage ineenu aruwak nduk, Kaliku ALA nen aap ti, eenggime nen ninagap ndaru o, nogoba,” yinuk, tamban eereegerak.

Yetaya 51:9

Kaliku ALA wae. Pilak yu o. Pilak yu o. Yum yiko mengga kwak, komaawi eekkolage, Komaawi togon eerit nage, Eeke logot o. Aa'nduk togon eeke nagagindak kwak pila yinuk eeke, Ninombomini aa'nduk ndarak iigak eerit nage nagagindak kwak eerit nage, Eeke logot o. Waalo kole Arakap nogo ndanuk togon wake, Waalo aakumi inooka nogo nggarenak-pugunik eerogo pege, Eereegindak Kat aret nogo lek a?