Ndawi 7:4 - Ala Wone Peenok Peebi Mbanak

⁴ At nimbirak niniki ugun wonogwe nogo maluk eeppege, Alom lek kagak, at tebembaniyak eeke nogo, Amendek ambi kiraakkolage, Ee'netak en,

Ndawi 7:4 ပူးပေါင်းရင်းမြစ်များ

Wakkagagerak 44:4

Nappiyareegerak o nogome nen wundi nogo nogogwaarik, awo tayo yi naga'lek iigak, at Yutup nen at ayeloman nogo yoge logonet, “Wulaga wae! It aap nagaarak nogo muguren inambokan nak o. Ineebe iya nage logomenggendik, yorage logonet, Nit obeelom eeppinagagwi niigak, onggo negen nonggop nduk maluk eeppinanogotak?

Wakkagagerak 44:9

Nit kayeloman mini wogoorak yi, ambi nen abet aret aniyoowak ti wonok wagaarak kage logomenggendik, aap ti mondok aret wake logonet, nit abok aret kat kayeloman logorak pinani nanok o,” yinuk, at ayeloman nogo yoreegwaarak.

2 Tamuwen 16:8

Aap Tawun endagembogut wonagagerak obaane'me kat kendagembogut age nagandik, at owe-awot inamiya kilirogo piige nogo, onggo at Aliku ALA nen kendagembogut logonet, kabu'me piinok wonage nogo, ndinogo kaput Abatalom unde eeppegerak me, kat aakumi inooka yi, kendage lek aret agaarak me, kenggali aru o,” yinuk, pulunogo pereegerak.

Ayup 31:22

Nobaak kinok togon nage, nobaak alom kalok ari, Eeriyak op kwe,

Ayup 31:7

Tu abe kagak nomok togon nage, An nenegen kenok niniki nenet nage, Maluk neenggi paga lenggenak wonage, Eeke neenok,

Ndawi 109:5

An nen obeelom eeppiige neegak, onggo negen it nen an maluk eeppanugwi, Niniki kunik eeginake neegak, Onggo negen it nen ineebi lombok nombakwi, Eeko agaarik o.

Ndawi 55:20

At nimbirak kunik wonagagirak nogo nen oreewi nit aret ninooke, Inom wone abuk nggaruk togon koonogo pereegerak nogo Aret lalenogo pege,

Kini Wuppiige 17:3

Kani eyak paga mbuti perak abut mbanggwi, Kani aganggen paga mbuti emas abut mbanggwi, Eeko menggaarak kwe, Aliku ALA nen perak, Aakumi iniki abut mbangge menggerak.

Nappiigak 16:28

at Pawulut nen, “Wulaga. Wakkolaagun o. Nit abok aret wonogo ogoorik,” yinuk, oone nggwok paga yoreegerak.

1 Tamuwen 20:1

At Ndawut o Arama Nayot time nen mbaganit Yonatan ka nage nagagerik, yoge logonet, “Kat kogoba nen an nenggaawak lek eeppaniyak eeke ti, nano eeppiigirak? An maluk eekirak ngge? Ndi, ngge eekirak paga eeke agaarik?”

1 Tamuwen 22:14

Yoge mbareegi, at Akimelek nen aap endagembogut nogo yoge logonet, “At Ndawut iniki kwi'ndak abu li'lak eeke menggerak togoti ambi it kinom eeke menggendak inenggela'me wonage mbaken? At nogo ti, kat karugelo aret. Ndi, it karum waka inowe at aret me, kat kame menggaarak abok aret, At iya o, yinuk, endage tiyappugwi nogo lek a?

1 Tamuwen 24:7

Wone ti yoragagerak paga at awuri nogo nen Tawun warulik teppereegwaarak. Teppogo mbareegwa, at Tawun nogo ndoome nen wundi wage nagagerik, nagagerak.

1 Tamuwen 26:21

Yoge mbareegi, at Tawun nen ari logonet, “Ai, Ndawut naput o. An eekkabit nege nogo ti, wi negen maluk lombok eekkabit nege abet aret kagi o. Kat oonikiya yi aret nooriyak kwe, Nogoba me, wariyak meek o, nomba'nuk, teppanegendak me, an nen peebi koorigin lek aret me, niname nawok o.”

1 Tamuwen 26:24

O yogondak yi paga an nen, Nogoba aret me, yinuk, kat koorulik keenik teppagagirak ndak-ndak, an maluk noba age kero, at Ala nen, Naput aret me, yinuk, nagap ndarogo nili yuwak o,” yoreegerak.