Ndawi 7:15 - Ala Wone Peenok Peebi Mbanak

¹⁵ Aap ambi nen Aakumi inake nggween kabunogo pemenggerak kwe, Nggween kabunogo patemenggim nogome At aret yobok togon wangge menggerak.

Ndawi 7:15 ပူးပေါင်းရင်းမြစ်များ

Etet 7:10

Yoge mbareegi, at Kaman nen eyo aap Morekayi tugunogo puurak nduk yineegerak nogo paga Kaman aret enggaanok keele yilinogo tugumbi nogo mbareegwa, aap endagembogut anini mbake nogo teyok yereegerak.

Ayup 15:35

Kumi inabila a'nuk, inaagalogwe ndaganako mengga kwak, It aakumi ti, maluk eeriyak koombunuk maluk aret eekwi, Kumi inaagalogwe logonna'nuk, kole age menggi kwak, Pilit wone mban inikime yagabit eerogo punuk agan nugwi, Eeko menggaarak o,” yinuk, yoreegerak.

Ayup 4:8

Yabu waganggo mengga kwak, it aakumi maluk eerit nugwi, Ndi, awi yubunggo mengga kwak, aakumi maluk eeppiinet nugwi, Eeko menggaarak nogo ti, Anggen ti mendek mban aret mbanggo'net nugwi iige minggirak o.

Ayup 6:27

Elege moono kolaawok nduk, iri'ngga mbanogo wakkogwe, Ndi, kinore aret kagak, yi mendek ndi mendek kunggo mengga kwak eerogo pugwi, Eeriyak op mbakwi kiigi o.

Ndawi 10:2

It maluk eeka nen iniki wogoppako logonet, “Aap ineenggi lek ti, ndogop eeppiyaawok o,” Yinuk, kote koonogo punuk, Kwaarinabit namenggaarak kwe, It aret yilunggologwe,

Ndawi 119:85

Koone yugu Muta liiru mbaneegerak liirogon eekulik iniki wogoppaka nogo nen Neebe yobok togon wambikit nduk, labu pugu kwak eerogo panit nagaarak o.

Ndawi 141:10

An ugun kuuri'me nage neegak, Aap maluk mendek nen inageele pakam nogome It aret inenggaanok nggerenggolaawak nduk, eeppiyet o.

Ndawi 57:6

An aaninggin noba luuwi agan nage me, Towe yiluk yuwak nduk, Yum tugunogo pit nogo mengga kwak, An yiluk yikit nduk eerogo panugwi, Tu paga nage me yobok togon wambikit nduk Wam labu pogo mengga kwak eerogo pit nogwe, Eekaarak kwe, Melak togon it aret yobok togon wambit nagaarak o.

Ndawi 94:13

Kaliku ALA nen kapuri mbo piige, Keyate kwak kapuri leenogo piyareegindak nogo Kenegen lambembiinok mbagangge, Eerumunggun lek me, It aap inaruk wake paga inale'nggen mbakwi nogo ti, Yi eyom ndi eyom aaninggin inoba ari wage kagak, Iniki ugun tayenak logowak nduk, Eeppiyamenggendak wonogwe iigak aap maluk mendek Inake nggween kabunogo piyoorak kuli ari nagin o.

Kini Wuppiige 26:27

Aap ambi nen aap alik ambi yigeebu wambuwak nduk nggween kabunogo pemenggerak kwe, at aret wangge, Ndi, yugum paga aap alik aan lebenuwak nduk, wogonogo pemenggerak kwe, melak togon at aret aan lebeni wage, Eeke menggerak.

Kini Wuppiige 5:22

Aap maluk mendek nen maluk eerit nugwi ti, keele pugu kwak me, inenggaanok nggerenggologwe, Ndi, it inobaalombok inomaluk ti nen keele kwak maarogo pakwi, Eeko menggaarak o.

Yetaya 33:11

Eeriyak kiniki koonggwi nogo mbeyok ari, Koombunuk eekwi nogo abe lek aanom warogo aret eekwi, Ndi, kinanini aagi ti, kani kunik kwak aret me, kinalik nen kani kinogombaga pakwi, Eerumunggup o.

Yetaya 59:4

Inowak loonggo logonet, “Eekerak ndak-ndak aret owak loonuwok o,” yinuk, yogwe, “Alom eekerak yi aret o,” yinuk, owak loonggwi, Eeka'lek ugun-ugun eeko ogotik o. Maluk eerulik kagak, “Abet aret eekerak o,” yinuk, pilit pugunogo yogwe, Kwe elege logombunuk ndake menggi kwak, kinoone paga aganggen kereembu eerogo owak loonggo logonet, irip paga maluk aret ndakwi, Eeko monggotak.

Yeremiya 18:20

Obeelom eeppiigwi iigak onggo maluk eeppiyoorak op mbaken? Togop lek kwe, an yigeebu wanduwak mba'nuk labu kabunogo panegaarak o. Kanini inoba piyoorak mbakendak nogo nini tayo yenok nduk, kowagam mi'na'nuk, inake yokkireegirak nogo aberu o.

Ndaniyen 6:25

Piigo mbareegwa, at aap endagembogut Ndariyut nogo nen yi aakumi ndi aakumi inom, yi o ndi o aakumi inanebunu lombok inom, inoone alitak inom, it o nggween paga wonogwe abok aret liiru mbanogo nappiinet nagagerak nogo yi aret. “Napuri wa! Kit eerit nogwe paga kinale'nggen nggwok mbarit wundi wogo logomunggup o.