Ndawi 69:8 - Ala Wone Peenok Peebi Mbanak

⁸ Nowe-nawot nen, “Aap alik mendek,” nombakwi, Nit ninagalo ambit aret kwe, “Kat kwe alik aagaluk o,” yinuk, yo'nugwi, Eeko agaarik o.

Ndawi 69:8 ပူးပေါင်းရင်းမြစ်များ

Ndawi 31:11

An ee'nakwi paga nawim nen meek eerogo panugwi, An neenok ninom minggirak nen nogole yogwe, Noreewi ninom kunik kunduk, inogut nage, Ndi, tu paga nage me, inigen neenok kole mbaganggwi,

Ndawi 38:11

Andi-pandi noba kwi'nagaarak paga noreewi inom, ninom minggirak inom, Nogole nen nomo'neegak nugwi, Nowe-nawot togon tayorogon nen pe'neegwi, Eekwi iigak,

Ndawi 89:51

Ndi, Kaliku ALA wae. It ninom wim mbanak nen meek eerogo panugwi nogo ti, Kat amburu eerogo mippaneegindak yi awi ndi awi niyok pit nage neegak, Eeppanegaarak nogo abeke, Eeke logot o.

Ndawi 89:52

Kaliku ALA kendage Mondok-mondok tiyanak aret logowak o. Abet aret yagi o. Abet aret yagi o.

Yetaya 50:6

It an nooriyak eekwi iinok, nambot wogorage, Namboro wiiriyak eekwi iinok, nena koonogo nagiige, It meek eerogo panugwi, inawoori lengge eerogo panugwi, eekwi iinok, nenete kumaakkolaga'lek aret wonage, Eekirak o.

Yetaya 53:3

Aakumi nen, “Ogole o,” yinuk, meek ombakwi, mbo pugwi, eereegwaarak o. At aaninggin-paaninggin nen iniki wakko'net unggwage, Andi-pandi kage, eeke nagagerak o. “Aap yi ogole o,” yinuk, inete nobakkologo mengga kwak at kenok, “Ogole o,” yinuk, meek ombako nogogwaarak me, Nit kunduk, “Aap abe o,” yinuk, ayuk wurulik o.

Yetaya 53:4

Nit andi-pandi ee'ninake nogo at nen wagangge, Aaninggin nen niniki wakkologwe nogo, at nen aret piyangge, Eereegerak kagak, Nit mbako logonet, “At ambi eekerak paga Ala nen aaninggin oba pege, eebe wake, Yagan wake logowak nduk, eerogo pege, eereegerak,” mbareegurak kwe,

Yeremiya 15:15

Ari mbaki, an nen at yoge logonet, “Kaliku ALA wae. An eerit nege nogo kat keenu aret me, noba abeke, kenegen pe'neege, It aap piyak-payak ee'nabit nugwi yi, onggo eeppiige, Eeke logot o. Kiniki yungguppunuk, eeppiinet nage menggendak kwe, it an neebe noorukwak, non mbanogo piyet o. Kat kendage tiyak yuwak nduk, eerit nage paga piyak-payak ee'nabit nugwi yi, pegiyet o.

Matiyut 26:56

it Ala yorage kagak yoraga nen liiru mbaneegwaarak nogo a'me lik yuwak nduk, an ee'nabi wogotak me, op aret o.” Yorage mbareegi, at oone waganggwi nogo nen Yetut teppunuk, kole mbaganeegwaarak.

Yaya 1:11

At ame lombok aret wambi wagagerak kwe, it aap at owe-awot nogo nen at eebe wagangga'lek aret wonogogwaarak.

Yaya 7:5

Ti yoreegwaarak nogo ti, at awuri nogo kunduk iniki Yetut oba panggombunuk, abet mbaka'lek me yoreegwaarak.

1 Tamuwen 17:28

Yogo mbareegwa, at Ndawut it aap ineegin unde inom wone mbangge nogo at oweeluk Eliyap konengge nagagerik, anini ambik a'nuk, Ndawut mberege logonet, “Kat nonggop nduk yime wagandak? Kaanggumi kambin-ndomba mbereret karume wonogwe nogo ta unde wake kagak wagandak? Kat kiniki maluk kagak, an iya mbakak nege menggendak nogo an neenu me, Wim nambukwi nonggop iyaamun? yinuk, wagandak keegi o.”