Ndawi 69:5 - Ala Wone Peenok Peebi Mbanak

⁵ Togop aret me, Ala wae. An wi negen maluk eerit nege nogo kat keenu age, Maluk eeke minggirak niniki wakkolage nogo, Kumaarak wonage lek kenegen kage, Eeke agandik o.

Ndawi 69:5 ပူးပေါင်းရင်းမြစ်များ

Ndawi 17:3

“Noone paga nen maluk ambi eerigin lek o,” yinuk, wone nggaruk togon koonggirak me, Kat nen niniki kwaake, Oonikiya liippanit unggwage, An nabut liirogon mbangge, Eeremenggendak kwe, An maluk eekirak ambi lek aret kaamunggun o.

Ndawi 19:12

Aap ta nen at tu abe kagak nomoninuk nage nogo eenu mbakop? An liippega'lek we ugun aret eerit nage nogo, Maluk neegendak kenok, nomaluk ti mbo nappege,

Ndawi 35:19

Alom lek kagak, it ninom wim mbanak nen, “Op togon eeppogo a!” yinuk, iniki wogoppakwi, Alom lek kagak ineebi nombakwi nogo nen Maluk eeppanuwak nduk, inogobak tinggin yogwe, Eekwi iyo, Non mbanogo piyet o.

Ndawi 38:5

Aap wi eeko mengga kwak eekirak me, Nawin nanggore'ne wungge paga Nobari ndi wurogo pege minggi kwak eeke,

Ndawi 38:9

Ala wae. Niniki uugwe mbarit unggwage nogo, kat nen kin aret neege, Niniki wakko'net unggwage yi, Kat nen yelok neege, Eeke agandik o.

Yeremiya 16:17

Ineebe nenegen iige neyo kumaarak wonogwe, maluk eerit nugwi nenegen kage neyo nobarak wonogwe, eerak wonogwe lek it eerit nugwi nogo abok aret nenegen wogoren nege minggirak o.