Ndawi 69:32 - Ala Wone Peenok Peebi Mbanak

^32-33 It aap tebenak wonogwe nogo nen inoone yokkugwi iinok, Kaliku ALA konengge, Kapuri keele maarak kat mbo piigeelik inabuwa mbake, Eeke menggendak me, It aap tebenak menggaarak nen An andi logonet, kendage tiyappege, Kogo logomenggaarik inale'nggen aret mbakwi, It aap kat mukkeren nogo menggaarak abok aret inale'nggen logonet eerit nugwi, Eeko logogun o.

Ndawi 69:32 ပူးပေါင်းရင်းမြစ်များ

Ndawi 22:26

Aap ineenggi lek nogo inambi ndonggorogon nunggwi, It Kaliku ALA mukkeren nogo menggaarak nogo It aap ti mendek mondok-mondok aret logogun me, kalut eekwi, Eeko logogun o.

Ndawi 22:29

It aap ineenggi warak o nggween paga wonogwe yi, Abok aret inambi ndonggorogon nenok kalut eekwi, It aakumi kambak mendek inom, It ineenik ambinom logorak meek mendek inom, Abok aret kabu'me tebe yi unggwogwe, Eeko logogun o.

Ndawi 25:9

It aap iniki tebenak menggaarak nogo Tu obeelom paga wogoren nage, Kat kiniki mbake nogo mamunirage, Eeke menggendak.

Ndawi 34:2

At Aliku ALA eeppanege paga An niniki ale'nggen mbake, Eeke minggirak o. Kit aakumi tebenak wonogwe nogo, Kinaruk konembunuk kinale'nggen mbakwi,

Ndawi 50:13

Tapi ngguunok enggaanggum nengge, Kambin ngguunok amiya toologo nengge, Eeke minggirak mbakop? Lek aret me,

Ndawi 50:14

Wa! yo'nogo logonet nake warogo wo'nugwi, An yogop eeke logogin o, yinuk, Kumbuk mbanogo an Mondok Tiyanak Minggirak yo'nogo monggotak nogo, A'me lik togon eekwi, Ti mban eeko logonip o.

Yaya 16:22

Ti ndak-ndak, kit yogondak kiniki puru aago wonogwe kwe, peebi an ninom lambunggwi paga perak, kiniki ale'nggen age kaamunggup o. Kinale'nggen kamonggotak nogo aakumi nen lek eerogo pinagarak mondok lek o, yinuk, abet aret yokkiragi o.

Yaya 20:20

Wone ti yorage nagagerik, at eenggi inom, obate pelenak inom, nigiyareegerak. Nigiige mbareegi, at Yetut oone waganggwi mendek nen, “Ninogoba yi aret o,” yinuk, yelok kogo nogogwaarik, iniki ale'nggen ambik mbareegwaarak.