Ndawi 69:3 - Ala Wone Peenok Peebi Mbanak

³ Togop ee'nake kenok, yeenggwa niruwak nduk, an noone nggwok mban ari neegak, Neebe ndeyak eerogo panege, Namili mbuk eerogo panege, Yeenggwa nirenok nduk, nogoba Ala pekkeegak mban eeke neegak, Nenegen andi eerogo panege, Eeke agaarik o.

Ndawi 69:3 ပူးပေါင်းရင်းမြစ်များ

Ayup 11:20

Togop aret kwe, It aap maluk mendek nogo aaninggin inoba age kenok perak, Inigen ogut aremenggaarak kwak logonet, Nggeeme mbaganubok, aganake kenok, Niniki worok togon kambuwok lak, Ao, yinuk, Iniki lunik ti mban aret agaarik o,” yinuk, yoreegerak.

Ayup 16:16

Nale ari me nenegen amiya aago wonage, Nenegen amberagap piirogo panege, Eeke kwe,

Ndawi 119:123

Kat nen an nagap ndari wage, Wone abe liirogon koonogo pereegindak nogo A'me nggelok togon eeppani wage, Eeke logonok nduk, Nenegen tit neegak, An nenegen andi ee'nake agaarik o.

Ndawi 119:82

Wone koonogo pereegindak nogo nen Eeppani woraawak nduk, nenegen tit neegak, An nenegen andi ee'nake, “Mandenom niniki eyak wappani woraamunggun?” Yinuk, tokkeege, Eeke agarik o.

Ndawi 22:15

Niyoowak woloonak telo agan nage menggi kwak, Nomaawi lek ee'nabit unggwage, Namili piyanogo nalelaan paga nabeni lagangge, Togop eeke kagak Aakumi kanggaatak inowak paga mbo panege agandik o.

Ndawi 22:2

Nogoba Ala o. O liingge paga wone yokkigitak kwe, onggo yo'nega'lek wonage, Ndi, oonikiya kunduk tamban eekitak kwe, Niniki kwi'naga'lek tit wonage, Eeke agarik o.

Ndawi 25:21

Kat paga niniki lunik minggirak me, An pilit ariilik abet mban ari, Koonak mban eerit nage, Eeke minggirak ti paga nen wo'neren nawak o.

Ndawi 39:7

Togop aret eeko menggaarak kwe, Ala wae. An perak, ta tokkage logogin o? Lek o! Kat paga niniki lunik aret agarik o.

Ndawi 40:3

Ndawi ngget mendek yikit nduk nambe eraabin eeppanege, Ndawi ninogoba Ala endage tiyappugwi mendek yo'nege, Eekerak me, It aakumi ambik aret inigen kogwe, inagabiti mbakwi, Eeko logomenggaarik, Iniki Aliku ALA oba panggombugun o.

Ndawi 6:6

Niniki wakko'net unggwage paga neebe ndeyak ee'nake, Oonikiya kuli nen an nogo yege minggim nale amburu niyo negen yenggenogo pege, Nanobak anep mbanak nale amburu paga miin eerogo pege, Eeke kagak, O aret weege agaarik o.

Ndawi 69:21

Wam ambiki ale ambik kwak An nambi paga labunogo pugwi, Yi abu wonage neenok, anggur amburu ale mendek toologo wo'nugwi, Eeko nogogwaarak o.

Ndawi 88:7

Mo andi kwak kanini lombok noba kwippanege, Niyo kilaarak-mogonik eerogo Lebeninake menggi kwak, eerogo panege,

Yetaya 38:14

Mbake nagarik, Towe yiluwe win-win yogo mengga kwak, Towe yuk iniki oone yogo mengga kwak, an le ari, Towe puume oone narak-nggelenak ari menggi kwak, noone ari, Eeke logonet, Nenegen piirogo panege kagak, nena agi mbogut paga ni'nagarak o. Ni'nage nagarik, Nogoba Ala o. Aaninggin lombok noba agaarak wonage me, yeenggwa niri mok ubi! Yinuk, yogirak o.

Leendawi 2:11

An nanebunu mendek inenggaawak lek ogwe, Inapuri wologwe komologwe inom, elege ngget ndarak inom, o kota tu paga tu paga time inambuluk pit nogwe, Eekwi ti paga Le ari logonet nenegen piirogo panege, niniki andi lombok ee'nake, niniki awi lik-lek eerogo panege, Eeke agaarik o.

Yaya 19:28

Ti yorage nagagerik, at Yetut nen, “Abok aret eeki,” mbake logonet, Ala wone liiru mbanak nogo a'me lik yuwak nduk, “An yi abu o,” yereegerak.

Pelaareegerak 28:32

Kinapuri wologwe inom, komologwe inom, ndinogo aakumi inanebunu alik mendek wogoramenggaarak wogoret namenggaarak nogo, Wogwe iyaamun ilik, lek a, yinuk, kiniki lunik logonet, ko'lu-kii'me kinigen tu ndogome logomonggotak kwe, waga'lek iinok, kit nen ambi eeriyak meek aret kaamunggup o.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,