Ndawi 69:26 - Ala Wone Peenok Peebi Mbanak

²⁶ It aap kat nen aaninggin inoba kwippiige nogo, it ti nen abunuk piyak-payak eerogo piigwi, It aap kat nen andi-pandi kaawak nduk, eerogo piige nogo it ti nen inabok mbanit nugwi, Eeko menggaarak me,

Ndawi 69:26 ပူးပေါင်းရင်းမြစ်များ

2 Mbinineegwaarak 28:9

Nogo mbareegwa, at Aliku ALA nen yoge kagak yoraga ambi endage Oret o Tamariya time wonage me, it wim eeka Iterali mendek nogo, o Tamariya unggwi nogogwaarak. Unggwi nogwe me, at iya wundi wage nagagerik, yorage, “Kinombomini inogoba Aliku Ala nen it Yekura mendek anini inoba piige logonet, kineenggi paga pinagagaarak kwe, inabuwa mbaka'lek kinanini lombok paga inoorit nogotak nogo at mbogut paga menggerak nen muk kiigerak o.

Ayup 30:13

Mbagangge neyo naru non mbanogo panugwi, Mage yoraga'lek puk wonogwe me, lek eerogo panuwak nduk eekwi, Eeko agaarik.

Ndawi 109:16

Aap ti nen, “Aakumi ambi inabuwa nen ambiriluk ambi obeelom eeppiyaakit,” mbaka'lek logonet, Ineenggi lek tebenak inom, iniki wakkologwe nogo inom, Piyak-payak mban eerogo piinet nage kagak, Kambit nogo nogogwaarak.

Yetaya 53:10

At Aliku ALA kooneegerak paga awinde-obaande eeppugwi, Yagan wake logowak nduk eeppugwi, Eereegwaarak o. Ndi, it aakumi maluk eekwi lek eerogo piyaawak nduk, “At eebe waruwak o,” yinuk, kooneegerak paga wareegwaarak kwe, At paga wiganak enegen iige, At nda'nagagerak eyom nggorek ari nage, Aliku ALA nen at eeriyak mbareegerak nogo eerit nage kenok, abe age, Eerigin o.

Yetaya 53:4

Nit andi-pandi ee'ninake nogo at nen wagangge, Aaninggin nen niniki wakkologwe nogo, at nen aret piyangge, Eereegerak kagak, Nit mbako logonet, “At ambi eekerak paga Ala nen aaninggin oba pege, eebe wake, Yagan wake logowak nduk, eerogo pege, eereegerak,” mbareegurak kwe,

Takariya 1:15

it yi aakumi ndi aakumi nen, Nit ugun obeelom aret wonogwe, mbakwi nogo, an nanini lombok inoba kwippiyoorak mbake agaarik o. Aa'nduk nanini mbuuluk eeppiyoorak mbareegirak kwe, eerit nugwi ti paga nanini nggwok lombok inoba kwippiyoorak mbake agarik, yegerak o.

Takariya 13:7

At Omaawi Lombok Menggerak Aliku ALA nen ari logonet, “Kat wooluwak yi wae. Nandomba ndegeninaka mippereegirak nogo wake, At nimbirak kunik wonage nogo, polok togon warogo pege, Eerenok nduk, Kat wooluwak yi, pilak yu o. Pilak yinuk, nandomba ndegeninaka wake keenok, it ndomba ti, ma'narugun o. An napurilogwe ndeyak mendek iigak kwe, inoorogo piyaagin,” yegerak o.