Ndawi 69:25 - Ala Wone Peenok Peebi Mbanak

²⁵ Iname nobok lek aret wonogwe, Inawooliya wurik me aakumi yinggak-unggwagak eeka'lek wonogwe, Eerak logowak o.

Ndawi 69:25 ပူးပေါင်းရင်းမြစ်များ

1 Endagembogut 9:8

Ndi, an nawi mondok iya wurik yi, langgu-langgu aago wonage kenok, aakumi tu ti paga nogo logonet, inigen kogo logomenggaarik, inogut nanuk, yogo logonet, At Aliku ALA nen nggween yi inom, at awi wurik yi inom, nonggop nduk togop eerogo pereegerak wonage mbakop? Ha! yinuk, yogo logogun o.

Yetaya 5:1

Nore niniki kunik eeke nogo ake ndawi wake, At eyabu anggur yarak ndawi paga anep pege, Eerigin nogo yi o. Nore niniki kunik nogo puut elan me anggween mili paga anggur awi yarak wonagagerak.

Yetaya 6:11

Yo'nege naruk konengge nagarik, onggo yoge logonet, “Nogoba Ala wae. Wone ti yorage neegak, ne mande ari nagin o?” Yoge mbaki, at nen onggo an yo'nege logonet, “Kat nen yorage keegak O kota-kota abok aret yigirik-noonom eerogo pugwi iinok, Aakumi ambi lek aret wonogwe, Aakumi inawi wurik wuum lu agan nage kagak, ineyabu yarak alom yenak-kinak eerak wonage,

Matiyut 23:38

Teppagaminggirak me, kame yi, we o wogo aret logogin o.

Lukat 13:35

Kat kawi yime teppiminggirak o wogo aret logogin o. Kat nen, Nogoba endage paga wage yi, wogoppuwok o, yuurak eyom panggoni waga'lek kagak, kenegen abu neega'lek aret logomunggun o, yinuk, yokkigi o,” yoreegerak.

Nappiigak 1:20

At Peterut nogo wone ti, yorage nagagerik, ambinom yorage logonet, “At ame nobok lek aret wonogwe, At wonagagim aakumi yinggak-unggwagak eeka'lek wonogwe, Eerak logowak o, yinuk, yereegerak. Ndi, ambi ari logonet, At obaane'me eeke logowak nduk, aap alik ambi mippuwak o, yinuk, mbuku Ndawi mbanak nogo paga mbanak wonage me,