Ndawi 69:2 - Ala Wone Peenok Peebi Mbanak

² Niyok ngga puubok nen purok alobok ambik me, yobok togon wangge, Niyo alobok nen neebe yubunnaburak eeke, Yi wu'nuk wage logonet aan lebennake, Eeke agaarik o.

Ndawi 69:2 ပူးပေါင်းရင်းမြစ်များ

Ayup 22:11

Kat kenegen kage keyo, eya eekkake nogo apit eerogo pagage, Niyo wu'nuk wage logonet lebeninake menggi kwak, eeppagage, Eeke agaarik o.

Ndawi 32:6

Togop me, nit yokkugwi niinok, Ninoone koneniyak nanonggwan wonage me, It aakumi kat koone liippugwi nogo Abok aret kat yokkogo logowak o. Togop eekwi iinok, Niyo nggwok wuketak wik agan lagi wage logonet, It lebeninabigin lek o.

Ndawi 40:2

Eeke nagaarik, aakumi lek ogo menggam mbuun ambe purok ambik me yobonak wonage me, At nen piyanogo nippani wage, Niyok waganogo yugum paga yappanege, Niyok yabegak naakit nduk panggonnake, Eekerak o.

Yeremiya 38:22

It kumi aap Yekura inowe kendagembogut kawi o nggwok abe wurik me wonogwe nogo wogoren aap Mbaben inowe endagembogut awuri inengga warak inowagam piya wogwe iinok, inoone nggwok paga kat yokkogo logonet, Koreewi lombok nen pilit pugunogo yokkugwi, tebenogo pagagwi, eekaarak o. Kiyok purok me yobok togon wangge keegak, it koreewi ti, mbo paganuk nagaarak, yokkogo logogun o,

Yeremiya 38:6

Yorage mbareegi, it nen Yeremiya wonok aap endagembogut awi wurik tum waka inawoore'nggam aap endagembogut aput Malikiya aniyo kabunik me time eebe keele pugunogo wuppereegwaarak. Wuppogo mbareegwa, nggween kabunik nogo niyo yenggenak lek purok mban wonage me, Yeremiya nogo yobok togon wambeegerak.

Yunut 2:6

Puut-puut iyok niyo inikime yarak me, ari wangge, Nggween o'luwam lombok wangge neegak, mondok-mondok logorak nduk, nambokan tu narogo panege, Eeke me, Kaliku nogoba Ala o. Niyo kiiniki paga lombok wonage me, pilanogo nippanu o, yinuk, yokkigirak o.

Matiyut 7:25

Wuppunuk wonage me, o mayu wage, niyo nggwok wu'nuk wage, o wiya wake, eeke logonet, o wurik panggonggagak eereegerak mendek o nogo yugum paga wurik me, langgongga'lek aret wonagagerak.