Ndawi 69:19 - Ala Wone Peenok Peebi Mbanak

¹⁹ An nendage maluk eerogo pugwi, Miyuk-meya eerogo panugwi, nenggali wappanugwi, Eeko menggaarak nogo liippiige, Nawim nen ee'nabit nugwi nogo kenegen iige, Eeke menggendak o.

Ndawi 69:19 ပူးပေါင်းရင်းမြစ်များ

Ndawi 38:9

Ala wae. Niniki uugwe mbarit unggwage nogo, kat nen kin aret neege, Niniki wakko'net unggwage yi, Kat nen yelok neege, Eeke agandik o.

Ndawi 5:9

It inoone yogwe nogo abe ambi yogwe mbakulik o. Inikime obari maluk mendek mban yagabit aago wonage, Inale'lok ti, aakumi nggween taanak ambe paganak a aago menggi kwak wonogwe, Ndi, inoone pilit mban pugunit nugwi, Eeko menggaarak o.

Yetaya 53:3

Aakumi nen, “Ogole o,” yinuk, meek ombakwi, mbo pugwi, eereegwaarak o. At aaninggin-paaninggin nen iniki wakko'net unggwage, Andi-pandi kage, eeke nagagerak o. “Aap yi ogole o,” yinuk, inete nobakkologo mengga kwak at kenok, “Ogole o,” yinuk, meek ombako nogogwaarak me, Nit kunduk, “Aap abe o,” yinuk, ayuk wurulik o.

Yaya 8:49

Yogo mbareegwa, Yetut nen it yorage logonet, “Lek o. An kugi ninikime wonage lek aret o. An nogoba tiyappege minggirak kwe, kit nen an tebembanugwi kiinok, yokkiragi o.

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.