Ndawi 69:13 - Ala Wone Peenok Peebi Mbanak

¹³ Togop aret kwe, Kaliku ALA wae. Ndi eyom paga at oone konembunuk obeelom eeppigin, Nombareegindak nogo a'me lik ari kenok, Eeppanenok nduk, tamban mban eeke agarik o. Ala wae. It aakumi inabuwa lombok mbake, Ndi, yoraga'ndak liirogon eeppiinet nage, Eeke menggendak me, Noone yokkege yi, konembunuk, nagap ndaru o.

Ndawi 69:13 ပူးပေါင်းရင်းမြစ်များ

Wakkagagerak 24:27

Alut eeke logonet, “An nogoba Abarakam ogoba Ala wa! Kat nogoba Abarakam abuwa mbake logonet, iniki mbakerak nogo ndak-ndak aret lik togon eeke keegi o,” ari nagagerik, “An kunduk, Kaliku ALA nen aret nogoba owe-awot wonogwe me a'me lik togon wo'neren wagandak o,” yinuk, tamban eereegerak.

Etet 5:2

aap endagembogut nogo nen at akwe kwe nggwok Etet ko kole ogoorak nogome mi'ndak wonage enegen kage nagagerik, abuwa nen owaanggun mbuti emas paga ogobakkigirik eenggime wonage nogo Etet titik ege mbareegi, at Etet nen owagam wage nagagerik, waanggun abo nogo eenggi mbaanggagagerak.

Etet 5:6

Nogo nogogwaarik, anggur amburu nonggo logonet, aap endagembogut nen kwe Etet nogo ne ambinom yoge logonet, “Kat nggino yo'nege keenok wokkege, ndi, yo'niriyak mbake nogo yo'nege keenok, an teppatigin lek abok wokkege, eeke logonet, o an unde minggim yi togon mogonogo wokkirigin aret me, yogondak yu o,” yinuk, yoreegerak.

Ndawi 32:6

Togop me, nit yokkugwi niinok, Ninoone koneniyak nanonggwan wonage me, It aakumi kat koone liippugwi nogo Abok aret kat yokkogo logowak o. Togop eekwi iinok, Niyo nggwok wuketak wik agan lagi wage logonet, It lebeninabigin lek o.

Ndawi 51:1

Nogoba Ala wae. Aakumi inabuwa lombok mbarit wundi wage menggendak ndak-ndak an nabuwa mbake, Aakumi kiniki kunik aganake menggendak me, Wone yugu taganogo punuk maluk eekirak yi, Lek eerogo panege,

Ndawi 91:15

Yeenggwa niru o, yo'nege kenok, yeenggwaage, Maluk eeppugwi iinok, ili ari, Aap ineenggime nen ndinogo wumbege, At endage tiyappege, Eeke logogin o.

Ndawi 98:3

At apuri Iterali iniki kunik aganabit nage, Yoragaatak liirogon eeppiinet wundi wage, Eeke nagagerak nogo abeke logonet, Ninogoba Ala eegin tiyak yegerak nogo Yi aakumi ndi aakumi o irip-irip wonogwe Abok aret inigen kagaarak o.

Yetaya 49:8

At Aliku ALA nen yegerak nogo yi aret. “An nen kabuwa mbariyak eyom paga kat yo'nege nogo onggo yokkege, Kat kagap ndariyak eyom paga yeenggwa kege, Eerigin o. Ndi, nggween aa'nduk wonagagi kwak eerogo pege, Yate kwak lek agagerak nogo obaane'me wogorage, It keele maarak wonogwe nogo, Wundi woraanip, yorage, It o yumaak me wonogwe nogo o eya kaawak nduk wumbiya wage, Eeke logonok nduk, Napuri ninom wone koonogo pereegirak nogo kat eeremenggendak paga ndak-ndak aruwak nduk, karum logogin o. Ti eeke keenok, ndomba tu ambet paga iri'ngga ndonggorogon nenet nugu mengga kwak, Puut iri'ngga wunggeelik puluk ko aago wonagagerak kwe, wungge kenok, nenet nugu mengga kwak, It togop aret logonet,

Yetaya 55:6

Aliku ALA nen, “Ninom lambuniyak op aret o,” yinuk, awo mbake me, mbet-mbet kinom lambuni wogwe, At awo koorok wonage me, kinoone nggwok paga yogwi, Ee'nip o.

Leendawi 3:63

It kwi'ndak logonet, mi'ndak logonet, ndawi an meek eerogo paniyak mendek tiyanggwi yi, pegiyet o.

Mika 7:20

O maan iyaalok togon kat nen ninombomini kinom wone abuk nggaruk togon koonogo punuk, kumbuk mbaneegindak nogo ndak-ndak, Kat nen Yakup yoreegindak nogo liirogon eeppege, Abarakam yoreegindak nogo abuwa mba'nuk, ndak-ndak eeppege, Eerumunggun o.

Lukat 1:72

At nen ninombomini inabuwa nen obeelom eeppiyoorak, yoragagerak nogo aret eeppiige, Ndi, wone mondok alik leenak at endage kumbatinuk, ninombo Abarakam yoreegerak nogo, a'me lik yuurak nduk, abeke, Eerikit nduk, eereegerak o.

Lukat 22:44

Eyak wappege mbareegi, iniki abu puru agan unggwage kagak, abuwa warak nggo-nggo tamban ambinom eereegerak. Eeke kagak, liigak wundeegerak nogo amiya anggen kilirik pogom nggween paga wambit nagagerak.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,