Ndawi 68:6 - Ala Wone Peenok Peebi Mbanak

⁶ It inoreewi lek inalik tayorogon menggaarak nogo Aakumi inenggela'me logowak nduk piya wage, It aap keele maarak nogo inale'nggen mbarit wundi woraawak nduk, Wondet eerogo piige, Eeke menggerak kwe, It aap Ala ineebi mbaka nogo perak, Inawi iri'ngga wunggeelik nggween mbuk paga piige menggerak o.

Ndawi 68:6 ပူးပေါင်းရင်းမြစ်များ

Ndawi 10:14

Togop yogo menggaarak kwe, Ale-pale eerogo piigwi, Iniki andi eerogo piigwi, Eekwi nogo kat Ala kenegen iige, Onggo eeppiyoorak nduk, koonogo pege, Eeke menggendak o. Elege moono yeenggwaarage menggendak keenok, Aakumi inagap ndakkoloorak meek mendek nogo Kabu'me ari wogo menggaarak o.

Ndawi 107:10

Ala wone yugu, “Eeriyak nineebi,” mbakwi, At Tiyanak Lombok Menggerak nen inaruk wake nogo, “We agan nege agaarik a!” yinuk, yogwe, Eereegwaarak paga It ando o apit yumaak lombok aago me wonogwe, Mbutigeele maarak yagan wakwi wonogwe,

Ndawi 107:14

O apit yumaak aago me nen wogoren wundi wage, Mbutigeele maarak nogo ndenenak-penenak eerogo piige, Eereegerak.

Ndawi 107:34

It o time wonogwe nen maluk mban eekwi iinok, Nggween mili lubunik nogo Mayu yumbunik iri'ngga wunggeelik kwak eerogo pege, Eereegerak.

Ndawi 113:9

It kumi wubili iname inalik wonogwe me, Inaagalogwe wogoramenggerak inom logonet, inale'nggen kogo logowak nduk eeppiige, Eeke menggerak o. Aliku ALA tiyappogo logowok o.

Ndawi 146:7

Aap tebenak wonogwe nogo at nen aret inawone mbanogo piige, Mbi abu wonogwe nogo inambi wogorage, Aliku ALA nen aap keele maarak wonogwe nogo wondet eerogo piige,

Kini Wuppiige 23:11

Eeke keenok, It Inaana'le Mbangga ti, omaawi ambik wonage me, Inawone mbangge logonet, koone lek eerogo pagagin o.

Yetaya 61:1

It aakumi tebenogo piinok wonogwe nogo wone obeelom wone yorage logokit nduk, Aliku ALA nen amburu eerogo mippanegerak me, Aliku Itok Menggerak ALA Aberiniki noba panegerak wonage agaarik o. It iniki wakkologwe nogo iniki teeluk eerogo piige, It keele maarak wonogwe nogo, “Muk wondet eerogo pinagagerak o,” yinuk, yorage, It keele maarogo piigo menggam piyareegwaarak wonogwe nogo, “Wumbiya wa'nip o,” yorage, “Aliku ALA nen obeelom eeppinaniyak tahun nogo yi aret aga o,” yinuk, agan nage, “Ninogoba Ala maluk onggo eeppiyoorak ne nogo yi aret o,” yinuk, yoranet nege, It aakumi apit aret iniki puru yogwe wonogwe nogo iniki eyak wappiige, O Tiyon le yogo logonet, purok inanobak paga yikut eerak obaane'me inabetagi ngget mendek yirippiige, Iniki puru aago wonogwe nogo obaane'me nggiraanak eeppiinet nage, It iniki aaninggin ndugu aago wonogwe nogo inale'nggen nen ndawi wako logowak nduk eeppiige, Eeruwak nduk, Nappani wagaarak o. It aakumi ti, at Aliku ALA abu tiyanak, “Wi!” ugwi nogo, aakumi inigen kogo logowak nduk, Awi luurogo punuk, yappereegerak aakumi nen, “Eyo teno kwak Obeelom Mban Eeka,” yinuk, yogo logorak nogo it aret o.

Oteya 2:3

At togop aret eerit nege kenok, an nen at agabolo kin eerogo pege, At nda'nage logonet, agabolo kin nda'nagagi kwak togop eerogo pege, At karume kwak eerogo pege, Nggween ka'let-nggaganak kwak eerogo pege, Eerigin me, At niyo abu nen kambuwak nduk mbo pigin o.

Maleyaki 1:3

ndi, Etawu perak, neebi lombok mbake, eereegirak me, at Etawu wonage menggim puut nggelok-nggobok time karume aakumi logorak lek eerogo pege logonet, yate anggween nogo karume nugu menggaarak mba'ngge nogo inawi logowak nduk, eerogo pereegirak o,” yinuk, Aliku ALA nen aret yegerak o.

Nappiigak 16:26

abera'lek me mi nggwok nuk ari logonet, o wurik keele maarogo mambiigo menggam nogome o eyak panggonak abok nuk ari, tu paa'nage, mbuti keele maarak nogo piyo-piyo nage, eereegerak.

Nggalatiya 4:27

Ala wone mbanak paga nen ari logonet, “Kwe ogonggelo nen mbo pereegerak nogo aagalogwe ambik lombok wonage, Ndi, kwe ogonggelo warak aagalogwe mbereeluk wonage, eekwi me, At aagaluk ndaka'lek kwe wubili ti, iniki ale'nggen mbake, Kwe enegen paganak yagan waka'lek ti, ale'nggen inikime nggelok ari logonet, keyage wake, Eeke logowak o,” yinuk, yereegerak liiru mbanak nogo ti, nit abet mbakwi apit ninowogolo kwe Tara aret o.

Pelaareegerak 10:18

At nen elege moono inom, kumi togwe inom, inawone liirogon koonogo piige, aap nggiru inabuwa nen inambi noorak inom, inayum yikkoloorak inom, wogorage, eeke menggerak me,

1 Tamuwen 2:5

It aa'nduk mbi ndonggorogon nonggo nogogwaarak nogo, Mbi abu nen yabu kwaakwi, Ndi, it aa'nduk mbi abu wonogogwaarak nogo, Yogondak inambi ndonggorogon nunggwi, Eeko agaarik o. Kwe aa'nduk wubili wonagagerak nogo, Yogondak aagalogwe 7 ndaganake kagak kwe, At aa'nduk aagalogwe apit ndaganake nagagerak nogo, Yogondak elege ndake menggim nggilit agaarak wonage o.