Ndawi 68:30 - Ala Wone Peenok Peebi Mbanak

³⁰ Tapi pogom wam kole niyo aa'nggi paga Mbereewa'na nugu mengga kwak ninawim nogo inaruk wake, Tapi aagalogwe inenggela'me Tapi ngguunok kombogonak nugwi kwak Yi aakumi ndi aakumi inomaawi lombok menggaarak nogo, Tebenogo piinok, mbuti perak wonok Wokkiri wogo logowak nduk, koone omaawi paga yorage, It wim namburiyak mban inikilom mbaka nogo mappiige, Eeru o.

Ndawi 68:30 ပူးပေါင်းရင်းမြစ်များ

2 Mbinineegwaarak 9:14

Ndi, it aap yi mendek ndi mendek toko kunggo menggaarak nen pugwi inom, inamendek onggo-onggo kunit nugwi nogo nen pugwi inom, ndi, mbuti emas eege, mbuti perak eege, it aap inendagembogut o Arap mendek abok nen wogori wogwe inom, it aap o unde menggaarak inoweewi nen wogori wogwe inom, ti inom lambunik linggingga'lek aret wonagagerak.

2 Mbinineegwaarak 9:24

Ndi, pekka wogo logonet, inalitik-inalitak yi mendek ndi mendek mbuti perak paga ogobakkigirik inom, emas paga ogobakkigirik inom, yum nggorek abe inom, yigin-maale inom, yi mendek ndi mendek ombat abe eeka mendek inom, kuda inom, kuda kwak bagal inom, yi tahun ndi tahun onggo lek we aret Talomo wogori wagak eeko nogogwaarak.

Ayup 40:21

It nggwiya kole ti, eyo nggonggoondu alome winnogwe, Mbereewa'na purok me kumaarak wonogwe,

Ndawi 120:7

An aap lambunogo piiga aret me, “Ninom lambunuwok o,” yorage neegak kwe, It nen, “Ninom wim eeriyak,” mban mbako menggaarak o.

Ndawi 18:44

Awo yorage neegak, konembunuk aret eekwi, It aap nggiru nogo, Inagabolo nirik-kirik agan neya wogwe,

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

Ndawi 72:10

It aap o Taritit inoweewi inendagembogut inom, It aakumi niyo ogobak mbanogo pit nagagerak nogo paga menggaarak inom, nen Inarum wonage onggo at wogori wogwe, Aakumi o Tiyeba mendek inom, Teba mendek inom, Inoweewi inendagembogut nen yi mendek ndi mendek onggo lek we aret iri wogwe,

Ndawi 89:10

Aap inooke menggi kwak, Waalo kole endage Arakap nogo aan lebenogo punuk wake, Keenggi omaawi paga kawim nogo mugogo mappiige, Eereegindak o.

Yetaya 34:7

Kambin-ndomba inoorit nage logonet, Lembu nggwiya kunduk, tapi ngguunok kunduk, tapi ngguunok eyak pilanak kunduk, inom inoorigin me, Inoorak inamiya inanggween paga miin ngguluk ari, Inamok tubunik liirubu paga lengge aago wonage, Eerigin o.

Yeremiya 50:11

“It an neyate kwak niniki kundugu nogo maluk eerogo piigwi nen inale'nggen mbakwi, Ale'nggen inikime nggelok ari logonet, noone-koone agan nugwi, Tapi aagalogwe iri'ngga mili nenet nugu logonet, ineeruwak anen pera eerogo piige kwak eerak nugwi, Kuda ngguunok inoone ku agan nugwi kwak eekwi, Eerit nugwi me,

Yetikiyen 29:3

Aliku Itok Menggerak ALA nen yegerak nogo yi o, yinuk, yoroorak nogo yi aret o. O Metit niyo nage elaganggen inikime time waalo kole ndenen wappunuk wonage kwak, Aap o Metit mendek inowe endagembogut Pirawun ti, nimbirak ogoorak aret agarik o. At nen ari logonet, Niyo Nin nogo ti, nage logorak an nen aret eerogo pateegirak me, Niyo ti, an namendek aret o, yinuk, yereegerak kwe,

Takariya 8:22

aakumi inanebunu lombok inom, yi aakumi ndi aakumi inanebunu lombok inomaawi ambik inom, at Omaawi Lombok Menggerak Aliku ALA ari konenggwi, ndi, Aliku ALA ale'nggen ninoba pinanu o, yinuk, yogwi, eeruwak nduk, o Yerutalem wogo logogun o,” yinuk, yo'nege,

Oroma 7:22

Ala nen, “Yogop ee'nu, ndogop ee'nu,” yereegerak wone ti, an ninikime nen eeriyak ti ninikilom aret kwe,

Yakobut 4:1

Kit ndugwi pugwi, wone wakwi, eeko monggotak alom ti, ngge paga o? Kiniki nengge alom abok aret ti, “An nduk eeriyak, kat nduk eeriyak,” yinuk, kinikime nen nili-kili yogo logonet, eeko monggotak nogo lek a?