Ndawi 68:3 - Ala Wone Peenok Peebi Mbanak

³ Togop aret eeko logogun kwe, It aap iniki abe koonak perak, iniki ale'nggen ogwe, Ala enggaanom paga kwirabik-kwirabok yogwe, Inale'nggen mondok alik negen nggelok ari kenok, keekok piyanggogwe, Eeko logowak o.

Ndawi 68:3 ပူးပေါင်းရင်းမြစ်များ

Ndawi 21:1

Kaliku ALA wae. Kat komaawi lombok wonage keenok, Aap endagembogut yi, ale'nggen mbake, At eegin tiyappegendak me, ale'nggen alik negen kombake, Eeke agarik o.

Ndawi 32:11

Togop me, aap kiniki abe mendek yi wae. Aliku ALA nen eekkinake paga Ale'nggen mbako logonet, keekok yogwe, Kit abok kiniki abu koonak monggotak yi wae. Kiniki ale'nggen nen ndawi lubuk yogwe, Eeko logonip o.

Ndawi 37:20

It aap maluk eeka perak, inenggaawak lek ogwe, Aliku ALA awim ti, Yabume iri'ngga-kale'ngga abe kwit agan lagangge nagaatik, Mbuk age menggi kwak, it togop aret lek ogwe, Ka'luk lek age menggi kwak ineebe lek ogwe, Eerugun o.

Ndawi 43:4

Ala wae. Kat nogoba Ala aret me, nappani wage keenok, niniki ale'nggen ee'nake, Nale'nggen kani negen wununogo panege, Eeke menggendak kat Ala nogo an kowagam nage, Kake warogo wakkogo menggam ari nage, Eeke logominggirik, Nggitat eeke logonet, “Wa!” lombok yokkirigin o.

Ndawi 58:10

Aap iniki abe koonak nogo nen Maluk eeppiigaarak onggo eeppiige nogo inigen iigwi, It aap maluk mendek inamiya paga iniyok kookkologwe, Eeko logonet, Inale'nggen mbako logogun o.

Ndawi 64:10

Togop eeko logogun kwe, It aap iniki obeelom nogo nen Aliku ALA eeke menggerak paga inale'nggen mbakwi, Ineebe op logowok nduk, abu'me kwi'nari unggwogwe, It aap iniki koonak abok aret Ala endage tiyappugwi, Eeko logowak o.

Ndawi 75:4

It aap wogoppaka nogo yorage logonet, Kiniki ambinom wogoppatiyak mage o, yorage, Ndi, it aap maluk eeka nogo yorage logonet, Ninomaawi ambik o, yinuk, wogoppakwi,

Ndawi 97:12

Togop aret me, kit kiniki abe koonak yi wae. At Aliku ALA nen eeppinagit wage paga kinale'nggen mbakwi, At endage abu abe alik leenak kenok, “Wa!” yinuk, tiyappugwi, Eeko logonip o.

Pelaareegerak 12:12

Pi nogo logonet, kit inom, kinapuri wologwe-komologwe inom, kinayeloman kumi-aap inom, aap Lewi mendek yate kokwak nggween mbanak ambi unde arugun lek kinenggela'me kinom logomunggup nogo inom, abok aret at Aliku kinogoba Ala enggaanom kiniki ale'nggen paga aret eeko logomunggup o.

1 Tetalonika 5:16

Kiniki ale'nggen mban mbako logonip o.

1 Peterut 1:8

Kit Yetut kinigen kaga'lek kwe, kagak, kiniki kunik eekwi, ndi, yogondak at eebe kinigen kaga'lek kwe, kiniki at oba panggombunuk, abet mbakwi, eeko logonet, “Nit niniki abet mbakwi nogo, anggen yugu paga nineebe ninagap ndarigin,” mba'nuk, kiniki ale'nggen mbakwi nogo ti, mondok nggwok alik negen agaarak me, nonggop togon mbininogo yuubok aga o.

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.

Wayu 19:7

At Ndomba Aagaluk nogo akwe lambumbuurak eyom age mbaki, akwe nogo amindik-amendek li'luk eekko'nok wage me, Ninale'nggen nen ndawi lubuk wako logonet, endage tiyappogo logowok o,” yinuk,