Ndawi 68:2 - Ala Wone Peenok Peebi Mbanak

² O wiya nen ka'luk wonok lek age menggi kwak, At Ala nen it togop aret eeppiige kenok ineebe lek ogwe, Teemok kani aganggen nen amburu wungge logonet, Lek age menggi kwak, it aap maluk eeka nogo, At Ala enegen kagak togop aret lek ogwe, Eeko logowak o.

Ndawi 68:2 ပူးပေါင်းရင်းမြစ်များ

2 Tamuwen 10:13

Yoge nagagerik, at Yowap awuri wim eeka leenogo piyareegerak nogo inom nen aap Aram mendek inom wim namburuwok nduk, nogo mbareegwa, inayuk nen aap Aram mendek nogo kole mbaganit nogogwaarak.

2 Tamuwen 10:18

Nambuko mbareegwa, it Aram mendek nogo Iterali inayuk nen mbaganggwi iigak, at Ndawut awuri inom nen it aap nggweendo wim eeka wonok nega nogo ineebe tujuh ratus inookwi, it aap wim eeka iniyok paga nogo menggaarak ineebe empat puluh ribu inookwi, eeko logonet, it Aram mendek wim eeka inowe Tobak nogo inom aret wareegwaarak taati aret kambeegerak.

Ndawi 22:14

Niyo kiluk ari logonet lek age menggi kwak An nomaawi lek age, Nowak woro-woro nage, Tu'ngga amburu nggalo agan wangge menggi kwak, Niniki aan ndu agan wangge,

Ndawi 37:20

It aap maluk eeka perak, inenggaawak lek ogwe, Aliku ALA awim ti, Yabume iri'ngga-kale'ngga abe kwit agan lagangge nagaatik, Mbuk age menggi kwak, it togop aret lek ogwe, Ka'luk lek age menggi kwak ineebe lek ogwe, Eerugun o.

Ndawi 76:7

It aakumi abok aret kat keenok, Inamineeri ne agan nage menggerak me, Kat kanini inoba piige keegak, Aap ta nen ko wappunuk logogin mbaken? Lek aret o.

Ndawi 80:16

Eyo yareegindak nogo muurogo punuk kani kunggwi, Kenete aagi eeppunuk mberiragagindak paga It kat kapuri inenggaawak lek eerogo piigwi, Eekwi me,

Ndawi 97:5

Aliku ALA enggaanom paga, Yi aakumi ndi aakumi nggween paga wonogwe abok aret Inogoba enggaanom paga, Kani eyak nen teemok amburu nggalo-nggalo wangge kwak, Puut-puut togop aret nggalo-nggalo wangge, Eeke menggerak o.

Yetaya 33:3

Koone ngguurubu kwak ari keenok, yi aakumi ndi aakumi kole mbaganggwi, Kat pilak ari keenok, it aakumi inanebunu lombok ma'nogwe, Eekwi iigak,

Yetaya 64:2

Kani kumbunuk omoonuk paga niyo lakaatak kila-kila eeke menggi kwak kat kinom wim mbanak nen kendage ineenu ogwe, Ndi, kat kenggaanom paga yi aakumi ndi aakumi inaganak wake, Eeruwak nduk, Wambi mok o!

Yetaya 9:18

Iri'ngga-kale'ngga inom, alok-palok inom, kani pegaatak ne ambit pup eerogo nengge, Eyoongga ku'mbanak wunuk agan nenet nage, Eeke logonet, Ka'luk yarugu-parugu lagangge menggi kwak, It aakumi ti, maluk togop aret eerit nogo menggaarak o.

Yeremiya 46:15

It inagugi wakaa'ngget endage Apit ti, nonggop nduk mbaganggi? Naliku ALA nen tebenogo pigirak me, it inagugi tapi ngguunok ogut eerak ti, Omaawi lek me, puk arulik kole mbaganggi o.

Oteya 13:3

Togop aret me, o wege paga tit nake nagaatik, lek age, Oonikiya konaananggen luurogo pege nagaatik, kubondendok lek age, Yi mendek ndi mendek menenggwi iigak, o wiya nen ameneno kabe'nuk nggarek ari, Kani kunggaatak ka'luk yarugu-parugu lagangge, Eeke menggi kwak, It togop aret arugun o.

Mika 1:4

Kundali kani nen tigi-tigi eerogo pege menggi kwak, Puut-puut paga nen niyo taga-taga wambit nage menggi kwak, At iyok pit nage kagak, puut-puut amburu a'nuk, taga-taga wambit nage, Aluk-aluk nggogu-nggogu wambit wage, Eeke agaarik o.

Linggineegwaarak 10:35

Ndi, Ala aloobut mbanak nogo piyaninuk woraawak nduk eekwi iigak, at Muta nen, “Kaliku nogoba ALA wae. It aap kinom wim mbanak menggendak nogo ma'nogwe, It ineebi kombako menggaarak nogo mbaganggwi, Eeruwak nduk, Kat komaawi tiyak yu o,” yinuk, yoge,