Ndawi 68:18 - Ala Wone Peenok Peebi Mbanak

¹⁸ Kaliku nogoba Ala wae. Kat agi tiyarogon lagi nage logonet, It aakumi keele maarogo piirogo wonogwe nogo, Apit aret ndiniren lagi nage mbareegin, Aakumi nen inamendek onggo lek we aret wokkugwi, It aap kat koone ineebi mbaka nogo kunduk, Inamendek wokkugwi, Eereegwaarak me, It ti, kinom aret logomunggun o.

Ndawi 68:18 ပူးပေါင်းရင်းမြစ်များ

2 Mbinineegwaarak 6:18

Togop aret kwe, kat Ala o nggween paga yime aakumi ninom logorak op mbaken? O mbogut paga inom, mbogut irimbaga kunduk inom, abok aret ti nggwok aret wonage kwe, kat logorak endak lek me, kat logorak kawi wurogo pagagirak yi ti, abunuk mbuuluk aret o.

Ndawi 110:1

Aliku ALA nen an nogoba yoge logonet, “It kinom wim mbanak mendek nogo Aan lebenogo kabu'me piiga'lek neegak, neenggi abe'nggan kwi'nari mok o,” Yinuk, yoreegerak o.

Ndawi 24:3

Aap ta nen Aliku ALA abuut paga lagi nage, Ta nen o abe alik leenak menggim mi'nari nage, Eeriyak op mbakop?

Ndawi 47:5

Inale'nggen nen keekok yogwe, Oone nggwok eeka trompet nogo oone pu eekwi, Eekwi iigak, Wone lengganogo yorage menggim Aliku ALA kwi'nari laganeegerak o.

Ndawi 7:7

Yi aakumi ndi aakumi abok aret Kat wonage me yendok-wandok kuwak ari woraawak o. Kuwak ari woramenggaarak wonogwe iigak, Kat wone lengganogo yorage menggenom tiyarogon nen wone lengganogo yorage,

Ndawi 78:60

At wonage menggim o Tilo nogo mbo punuk mbagangge, Aakumi inenggela'me at awooliya wurik nogo teppege,

Yetaya 55:7

It aap maluk mendek nen eerit nugwi nogo mbo pugwi, It aap iniki maluk nen eeriyak koonogo pit nugwi nogo teppugwi, Eeko logomenggaarik, Yungguninuk iniyokan Aliku ALA owagam woraawak o. Owagam wogwe iinok, Aliku ALA it inabuwa nen teppiige, Yungguk togon ninogoba Ala ka wogwe iinok, Ala nen inomaluk ambi teppigin lek abok aret mondok lek eerogo piige, Eerigin o.

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Yetikiyen 48:35

O kota yendok-wandok irip nggorek wakkogo logonet metet sembilan ribu paga wakkaagun o. Ne ti paga nen o kota ti endage, ALIKU ALA YIME AGAARIK, yogo logogun o,” yinuk, yegerak me, ti aret yagi o.

Yowen 2:11

Aliku ALA awuri ineegin warak inaame nggwe a'nuk oone ngguurubu kwak wone lengganogo yorenet nage, At awuri aap wim eeka ineebe ambik aago nogo yorage, It at yorage konenggwi nogo, inomaawi ambik aret me yorage, Eeke agaarik o. Aliku ALA woroorak ne ti, mondok iya aakumi inamineeri ne agan nage nogo mendek aret me, Aap ta nen ko wappunuk logorak mbakop? Lek aret o.

Matiyut 9:13

It aap iniki abe koonak menggaarak kagak inayonggo pikit nduk, an woroolik o. Ata, it aap maluk eeko menggaarak kenok mban inayonggo pikit nduk wagagirak me, Ala nen ari logonet, Kinandomba warogo nake panegak mban eekwi nogo ti, an uugwe lek o. Ata, aakumi inabuwa nen obeelom eeppiigak yuurak ti perak, an, Ao, lombok mbake minggirak o, yinuk, yereegerak liiru mbanak nogo, alom mamunggola nanip o,” yoragagerak.

Marakut 16:9

Tamban eekak yuurak ne iyaalok warennagagerak Hari Minggu paga kuubondendok at Yetut nogo eenik a'nuk, mi'nage nagagerik, at kwe Mariya awi Magaralena mendek kugi 7 inikime lik yereegerak nggiginogo wumbiyareegerak nogo, aa'nduk lombok nikkagagerak. Nikkage mbareegi,

Lukat 24:47

Kit maluk eeko monggotak nogo kiniki koombunuk, kinomaluk mbo pugwi kiinok, Ala nen kinomaluk lek eerogo pinagagin o, yinuk, wone nogo at endage kumbunuk, iyaalok o Yerutalem nen yi awi ndi awi abok aret yoranet wundi nogo logogun o, yinuk, Ala wone liiru mbaneegwaarak nogo yi aret eeppanggaarak o.

Lukat 24:49

nogoba nen wokkiroorak abok yokkiragagerak nogo, an nen aret kinoba wuppinagi woraagin me, Ala omaawi agi nen kinoba mondok li'luk eeppi waga'lek kagak, o kota yime aret logonu o,” yinuk, yoragagerak.

Lukat 24:51

Ale'nggen inoba awo piige kagak, at eebe wonok mbogut paga lagangge kogogwaarak.

Yaya 14:23

Yoge mbareegi, at Yetut nen, “Aap ambit ambi iniki kunik ee'nake kenok, an noone liirogon aret eeke logogin o. Ti eeke kenok, an nogoba nen at iniki kunik eerigin o. Ndi, an nogoba nimbirak at ka wogo logomonggoorik, ninom aret logogun o.

Yaya 16:7

kit kinake aret nagin me, op aret o. An nagin lek kenok, at kiniki eyak wappinagarak kinowagam woraagin lek o. Nage logominggirik perak, kinowagam nappi woraagin o, yinuk, abet aret yokkiragi o.

Nappiigak 2:23

At Ala nen peebi eeriyak koonogo pereegerak mugurok aap Yetut nogo pigogo wokkirogo mbaka, kambuwak nduk, it aap maluk eeka kinom nen eebe eyo paga nabenogo pogotak kwe,

Nappiigak 2:4

Inoba arit nage kogwe iigak, it abok aret Aberiniki inikime mondok lik yit unggwage nagagerik, yorage kagak, it aakumi inalitak lombok inoone lalin negen woppunuk yogo nogogwaarak.

Nappiigak 9:17

Yoge kage nagagerik, o time nagagerak. Nage nagagerik, aap nogo ame unggwage nagagerik, eenggi Tawulut anobak tebembunuk, yoge logonet, “Nore Tawulut wae. Kat kenegen obeelom age, Aberiniki kinikime mondok lik yi unggwage, eeke kaanok nduk, kat tu paga yime wage me, at ninogoba Yetut nikkeegerak nogo nen, nappani waga o,” yoreegerak.

Oroma 5:8

at Ala nen perak, nit maluk eekwi niigak, Keritut ninake kambeegerak ti paga Ala nen ninabuwa nggwok togon mbake menggerak kogo ogoorik o.

Pelaareegerak 33:2

“Kat Kaliku ALA puut Tinayi paga nen wage, O Teyit paga nen eya inoba pindanogo piige, Puut Paran paga nen eya pindanogo nappi wage, Eereegindak o. Iniki kikak naka'lek kake leenak ineebe lingginiyak meek lombok aago wonogwe iigak, Inenggela'me nen wage keegak, Keeben abe'nggan paga kani omoonuk wunuk agan wage keyareegwaarak o.

Kolote 2:3

Ala iniki warak nen mondok liippinaninuk, eeppinaniyak alom inom, yi wone ndi wone nineenu ariyak alom inom, kumaarak wonage nogo, kin kaawok nduk, tu paake menggerak kunci nogo ti, Keritut eebe aret o.

Kolote 2:9

At Ala eebe itok li'luk aago menggerak nogo abok aret, Keritut oba lenggenak logonet, aakumi aret nda'nage nagagerik, nege nagagerak.

Iberani 1:3

Ogoba mondok tiyanak eebe eya ndelenak-welenak aago kenok, “Wi!” ugwi nogo kokwak, aput ndak-ndak aret menggerak. Aput nogo ti, ogoba iniki ndak-ndak aret. Yi mendek ndi mendek wakkagagerak nogo abok aret, at oone omaawi paga pipporogo menggerak. Ninomaluk abok aret lek eerogo mbo nappege nagagerik, at agi mbogut paga mondok tiyanak menggerak nogo, eenggi abe'nggan paga tiyarogon kwi'nari laganeegerak wonage o.

Iberani 4:14

Nit Ala unde ninowe nggwok Ala aput Yetut nogo, mbogut ta'mban-mban aago kagak irimbaga agi lombok tiyarogon kwi'nari lagangge nagagerik, yogondak ninake eeke wonage me, nit wone abet mba'nuk waganeegurak yogo monggoorak nogo, mondok nggirik-nggerok agago porogo logowok o.

Iberani 6:20

Ndi, at Yetut nogo ti, aap Meliketerek eeke nagagerak nogo pogom, Ala unde ninowe nggwok mondok-mondok logowak nduk, mippereegerak me, nit peebi unggwi nawok nduk, at aa'nduk ninake tu yarit unggwi nagagerak wonage o.

Iberani 8:1

Nit wone yogwe yi nogo, alom liirogon yi aret yokkira o. Ala unde ninowe nggwok ti, togop aret wonage o. At ninogoba mondok tiyanak menggerak mbogut paga wone lengganogo yorage menggim eenggi abe'nggan paga kwi'nari laganeegerak logonet,

1 Peterut 3:22

At Yetut Keritut nogo ogoba Ala nen eenik eerogo mippege mbareegi, it malayikat inom, it o oolo ya'i menggaarak Tile inom, yi kugi ndi kugi inom, abok aret at abu'me logowak nduk, tebenogo piige nagagerik, yogondak mbogut paga ogoba Ala eenggi abe'nggan paga kwi'nari laganeegerak wonage agaarik o.

Wayu 1:20

Laaluguragan 7 neenggi abe'nggan paga kagandak nogo inom, ndi, ndi wuninogo pegak 7 mbuti emas paga ogobakkigirik kagandak nogo inom, ti wone nobarak negen wonage me, alom liirogon yokkiri o. Laaluguragan 7 nogo ti, it Ala apuri nggereya 7 paga kuwak eekwi inarum menggaarak malayikat nogo aret iigen. Ndi, ndi wuninogo pegak 7 nogo ti, Ala apuri nggereya 7 paga kuwak eeko menggaarak nogo aret iigen o,” yinuk yo'nege kagarak o.

Wayu 21:3

Wambi wage mbaki, wone lengganogo yorage menggim time nen oone nggwok ambi ari logonet, “Ala at apuri inenggela'me logowam nogome logokit nduk, eebe wambi wage ti, kaanip o. At eebe nogo apuri inom logonet, it nen, Kat ninogoba Ala aret o, yinuk, yogwi, ndi, at nen, Kit an napuri aret o, yinuk, yorage, eeko logogun o.

Owak Loongga 5:12

Ndebora yi wae. Mi'naru o. Ndebora yi wae. Mi'naru o. Mi'na'nuk, ndawi ambi tiyanu o. Mbarak yi wae. Mi'naru o. Aap Abinowam aput yi wae, Aakumi kugun wogonake logomenggendik, wogoren namunggun o.