Ndawi 68:13 - Ala Wone Peenok Peebi Mbanak

¹³ It ando inandomba inawi wurik me kumaarak inagabiti mbakak wonogwe iigak, It an napuri Iterali ando nogo Towe puume ogut eerak a'naabit paga mbuti perak nabenak kwak, Eeruwak paga mbuti emas pindan-pindan aago kwak, Eerak wonogo logonet eereegwaarak.

Ndawi 68:13 ပူးပေါင်းရင်းမြစ်များ

Wakkagagerak 49:14

Kat Itakat ti, Keledai owak omaawi ambik me, Iri'ngga-kale'ngga amborowak peenok-peenok Luurik-maarak aago keele maarak kagak, Aaninggin mbaka'lek eebe oolo ugun pogonik Nogo yege nagaatik,

2 Endagembogut 7:16

it aakumi Tamariya mendek inawi kota time nen wunggo nogogwaarik, it aap Aram mendek inawooliya wurik me yi mendek ndi mendek inagugun wa unggwogogwaarak. Ti eereegwaarak nogo ti, at Aliku ALA nen yoragagerak nogo ndak-ndak, wu we mbuuluk mbuti perak ambit paga gandum anggen yigirik togolowak 8 wakkagak kunggwi, ndi, wu we mbuuluk mbuti perak ambit paga waabuk negen jelai anggen mbanak togolowak 15 wakkagak kunggwi, eereegwaarak.

Ndawi 105:37

Ti eerogo piinok, it aakumi Iterali mendek nogo O Metit nen wogoren wage, Mbuti emas inom, mbuti perak inom, Inoba luurik-maarak aago ineebe obeelom inaani aret wogoren wundi wage, Eereegerak.

Ndawi 74:19

Kat karowe enegen waanggo puume nogo, Waganogo nggwiya wogorage, Kapuri tebenogo piigaarak wonogwe nogo, Mondok-mondok kobak eerogo piige, Eeriyak mage o.

Ndawi 81:6

At nen ari logonet, “Aaninggin kinuumbaga wonage nogo an muk wagangge, Muun yarak kineenggime nen woppunuk, Kinuumbaga piyanggo monggotak nogo an mbo pege,

Yetaya 33:23

It ninawim nen inayiiro wonok wogwe keele pugunik nogo nggaru-nggaru nage, Ogobak me eyo mippugu nogo langgonak-panggonak nage, Yum eyo mippugu pugunik nogo nabe-nabe nage, Eeremenggerak me, Yi mendek ndi mendek kugun wogo ambik wonok wogwe nogo nit tumbukkologwe, Aap inendop maluk nen kunduk ando nogo kologwe, Eeko logogun o.

Linggineegwaarak 31:27

kugun wogo ti, mogonogo ando it ineegin warak aago wim eeri nagaarak nogo tumburirogwe, ndi, ando nogo it Iterali mendek tumburirogwe, ee'nip o.

Lukat 15:16

Nappereegerak nage nagagerik, arum wonage logonet, Naanogum pale yuwak nduk, mbi agabolo yibirik wam nengge yi, an nengge logokit lak ao, mbareegerak kwe, aanggo unde nogo nen mbi agabolo at wogoga'lek aret wonagagerak.

Lukat 15:22

Yoreegerak kwe, ogoba nen ayeloman mini yorage logonet, Yum abu kigirikwe lombok waganogo yippugwi, tenggen at eenggi paga yippugwi, sepatu yippugwi, mbet-mbet togon ee'nip o.

1 Korindut 12:2

Kit aa'nduk, Ala wone konengga'lek wonogo logonet, kugiwak nebet-ndalok ariilik mendek kagak, “Ndogop yo'nirage kogo,” yinuk, mugurok nogo nogogutak nogo, kineenu aret o.

Titut 3:3

Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,

Yotuwa 10:16

Wogwe iigak, aap inendagembogut 5 nogo, mbaganit ndo endage Makera nogome aret kumaa'nari nogogwaarak.

Owak Loongga 5:16

Nonggop nduk, ndomba wonogo menggam puk ogwe? Ndomba unde nuwet ari nogo koneniyak nduk wonogwe ilik? Anebunu Uruben mendek wonogwe nogo, Nonggop eeruwi? yinuk, iniki mban koonggwi, Eekaarak o.

Owak Loongga 5:19

O Taanak niyo Megiro yi eneerime time aap inoweewi inendagembogut abok wim namburi wogwe, Aap inendagembogut Kanan mendek inom perenggologwe, Eekaarak kwe, Inagugun mbuti perak inom, alik mendek ambi inom, wonok noolik o.