Ndawi 68:10 - Ala Wone Peenok Peebi Mbanak

¹⁰ Kapuri inaanggumi inom o time logorak piya nage, Kat abu obeelom aret me, Aakumi inamendek lek iinok, inamendek wogorage, Eereegindak o.

Ndawi 68:10 ပူးပေါင်းရင်းမြစ်များ

1 Endagembogut 8:36

kat mbogut paga logonet, inoone karuk konembunuk, kayeloman mini aakumi Iterali inomaluk nogo lek eerogo piige, it abe mban eerit nogo logowak nduk yorage, eeke logomenggendik, kapuri Iterali yate kwak inanggween wogoragaginom nogome mayu wuppi woraamungguno.

Ndawi 65:10

Yomban wogome niyo yenggenogo pege, Nggween wen waganogo nippugu nogo yigirogo pit nage, Mayu aringgik-aringgek eerogo wurabit wage logonet, Wen wogo nogo yawenogo pege, Awi yarak abe kwit agan lagangge, Eeruwak nduk, eeppege menggendak o.

Ndawi 65:11

Kat nen o ena koonogo pinanege logonet, Kiyok pit namenggenom nggween mili agaatak me, Yi mendek ndi mendek yarak mili kwit agan lagangge, Anggen ambik lombok kalo logonogo wo'nirage,

Ndawi 65:9

O nggween yi, kat unde wake logonet, mayu wuppit wage, Nggween mili lubunogo pit nage, Eeke menggendak paga Anggen ka'let age menggerak o. It aakumi inambi-inombaato ambik nonggo logowak nduk, Kat koonogo piige menggendak me, Yi niyo ndi niyo nage nogo porok ari kero, niyo mban logowak nduk, mayu wambi wage,

Ndawi 74:19

Kat karowe enegen waanggo puume nogo, Waganogo nggwiya wogorage, Kapuri tebenogo piigaarak wonogwe nogo, Mondok-mondok kobak eerogo piige, Eeriyak mage o.

Ndawi 78:20

Yawi paga yugum wake kenok, Niyo yugum me nen kilak togon wundi wage, Yi niyo ndi niyo nagabit nage, Eereegerak kwe, Nit ninambi noorak wo'nirage, Nit at apuri enggaanggum noorak pipuk eerogo pinanege, Eeriyak op ya?” yinuk, yogwe, Eereegwaarak.

Yetaya 40:29

It aap inomaawi lek aago wonogwe nogo inomaawi eerogo piige, Ineebe ndeyak wonogwe iinok, inomaawi ambinom eeppiige, Eeke menggerak o.

Linggineegwaarak 16:3

Muta Karun imbirak wonogwe me, inowagam nogo nogogwaarik, mberirogo logonet, “At Aliku ALA nen it aakumi Iterali mendek inalitik-inalitak abok aret leenogo piinok, inenggela'me inom aret wonage menggerak me, kit nonggop nduk it Aliku ALA apuri kuwak aago nogo tebenogo piinok, Nit mban iya, mbako monggotak? Yogondak kinoone yuurak lek puk aret a'nip o.”

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Lukat 1:53

It abu wonogwe nogo abe mendek kalo logonogo wogorage, It aap ineenggi warak nogo wogoraga'lek we nappiige, Eereegerak o.

Pelaareegerak 26:5

Pi nage kenok, kit nen at Aliku kinogoba Ala enggaanom paga wone yogop aret yumunggup o. O maan togon it aakumi Aram mendek ninogoba ambi yaluk-ndaluk agan nege nagagerik, apuri we mbuuluk mban inom o Metit ari nanuk, aap nggiru negen wonogo logonet, inanebunu nggwok lombok wigak yogo nogogwaarik, inomaawi ambik ineebe ambik lombok ogogwaarak.

1 Peterut 5:3

Inarum logobagip nduk, unde eeppinagareegerak nogo inarum logonet, “An noone mban konenggo logonip o,” yinuk, kinoone omaawi paga yorogwe ti mage o. Ata, it Ala andomba nogo nen kit kinobaabut obeelom mban eerit nogwe nogo liippinaganuk, “At eeke ti, an ndak-ndak eeke logokit,” mbaruwak nduk eeko logonip.

1 Tamuwen 2:8

It aap abu meek liirubu paga, Ndenen warak wonogwe nogo pilanogo mippiige, Iniki aaninggin nen purok lengge eerak wonogwe nogo, Iniki obeelom eerogo piige, Eerogo piinok, Aap inendagembogut inapuri nogo inom nugu logowak nduk piige, Inayuk warak logowak nduk, yabu unde eeppiige, Eeke menggendak. Kaliku ALA nen aret nggween alom yi, O eyak kwak wurake nagagindik, Nggween ogombaga ndoonogo kwippereegindak me,