Ndawi 67:4 - Ala Wone Peenok Peebi Mbanak

⁴ Aakumi inanebunu lombok wone lengganogo yorage, A'me nggelok mban eeppiige, Aakumi nggween paga wonogwe nogo abok aret Liirogon ndegeninake, Eeke menggendak ti paga Yi aakumi ndi aakumi abok aret inale'nggen mbakwi, Iniki ale'nggen nen ndawi wakwi, Eeko logowak o.

Ndawi 67:4 ပူးပေါင်းရင်းမြစ်များ

Wakkagagerak 18:25

Kat nen it aakumi obeelom eeko menggaarak inom, maluk eeko menggaarak inom, Ndak-ndak aret o, yinuk, abok lambuk togon inooriyak ti mage o, nogoba. Yi aakumi ndi aakumi inomaluk inom, abe inom, inowak loongga kat aret me, yiluk-yiluk inowak loongge menggerak kombarukwak me, togop eerugun o, nogoba.”

Ndawi 2:8

Togop me, an yo'nege keenok, Yate kwak yi aakumi ndi aakumi unde logonok nduk, wokkege, Kamendek kwak o irip-irip time unde eeppagage, Eerigin me,

Ndawi 82:6

An nen yokkirage logonet, Kit an Ala pogom wonogwe, kit abok ti, An Tiyanak Lombok Minggirak napuri aret wonogwe, Eeko ogotik o, Yinuk, yokkiragarak kwe,

Ndawi 9:8

Aakumi nggween paga wonogwe nogo a'me nggelok inowak loongge, Yi aakumi ndi aakumi inawone ndak-ndak koonogo yorage, Eerumunggun o.

Ndawi 96:10

Kit yi aakumi ndi aakumi inenggela'me logonet, “Aliku ALA ti, ninowe endagembogut aret o,” Yinuk, yogo logonip o. At o nggween yi abok aret Nu'lek eerogo pereegerak me, abolok yigin lek o. Aakumi inanebunu lombok eeremenggaarak nogo, At a'me nggelok inowak loongge logogin o.

Yetaya 54:1

At Aliku ALA nen ari logonet, “Kwe ogonggelo nen mbo pereegerak nogo, aagalogwe ambik lombok wonage, Ndi, kwe ogonggelo warak aagalogwe mbereeluk wonage, Eekwi me, At aagaluk ndaka'lek kwe wubili ti, ndawi wake, Kwe enegen paganak yagan waka'lek ti, ale'nggen inikime nggelok ari logonet ndawi wake, Ale'nggen nen kwirabik-kwirabok ari, Eeke logowak o,” yinuk, yegerak me, yokkigi o.

Yetaya 55:4

It aakumi inanebunu lombok abok aret ineenu aruwak nduk, an mippereegirak ti, kaawak o. An mippereegirak aakumi inarum waka yigin unde inowe at aret o.

Yetaya 60:6

It o Miriyan nen, o Epa nen, unta awologwe apit aret wonok iri woraagun me, Anggween enete lek eerogo unta mban nugwi, Aakumi Tiyeba nen abok aret mbuti emas inom, obari abe kaga inom, wonok wogo logonet, Naliku ALA nendage tiyappit wogwe, Eeko logogun o.

Nappiigak 17:31

At ambi leenogo mippereegerak nen aakumi abok eekwi ndak-ndak owak looninaburak ne ambi koonogo pereegerak o. Ndi, ne ambi koonogo pereegerak nogo nit aakumi abok nineenu aruwok nduk, at nogo ti, kambunuk nogo menggam nen eenik agago mippereegerak o, yinuk, yokkirage agarik o,” yoragagerak.

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

Nggalatiya 4:27

Ala wone mbanak paga nen ari logonet, “Kwe ogonggelo nen mbo pereegerak nogo aagalogwe ambik lombok wonage, Ndi, kwe ogonggelo warak aagalogwe mbereeluk wonage, eekwi me, At aagaluk ndaka'lek kwe wubili ti, iniki ale'nggen mbake, Kwe enegen paganak yagan waka'lek ti, ale'nggen inikime nggelok ari logonet, keyage wake, Eeke logowak o,” yinuk, yereegerak liiru mbanak nogo ti, nit abet mbakwi apit ninowogolo kwe Tara aret o.

Pelaareegerak 32:43

Togop aret yereegerak me, Ala nen at ayeloman mini inamee'nggo wagangge, Inom wim mbanak nen eeppiyareegwaarak inikime aberak nogo onggo inooke, At apuri inom, inanggween inom, obeelom eerogo piige, Eerigin me, Kit aakumi kinanebunu lombok yi wae. Kiniki ale'nggen nen at apuri kinom keyage wako logonip o.” yinuk, ndawi pereegerak, nogo ti aret.