Ndawi 66:4 - Ala Wone Peenok Peebi Mbanak

⁴ Nit aakumi o nggween paga wonogwe abok ninendobanggun yindumbunuk, Kat kabu'me tebe yi unggwogwe, Eeppunuk logonet, Ndawi paga kanep pugwi, Kendage tiyanak me, ndawi paga wogoppagagwi, Eeruwok o,” Yinuk, yogo logonip o.

Ndawi 66:4 ပူးပေါင်းရင်းမြစ်များ

Ndawi 117:1

Aliku ALA ninabuwa nen mondok iya iniki kunik ee'ninake, At abu li'lak eeppinanit wundi wage nogo, lek arigin lek mondok-mondok aret eeppinanege, Eeke logogin me, Kit yi aakumi ndi aakumi abok yi wae. At Aliku ALA tiyappugwi, Kit aakumi kinanebunu lombok abok yi wae. At Aliku ALA mban alut eekwi, Eeko logonip o. Aliku ALA tiyappogo logowok o.

Ndawi 22:27

Kaliku ALA yi o ndi o unde wonage, Yi aakumi ndi aakumi abok aret Wone lengganogo yorage, Eeke menggendak me, It aakumi o irip-irip menggaarak nogo Kaliku ALA koba abeppunuk, Melak togon kowagam wogwe, Yi aakumi ndi aakumi inanebunu lombok kat kabu'me tebe yi wa'nuk kayuk wukwi, Eeko logogun o.

Ndawi 65:5

Ninagap ndaka Ala wae. “Yeenggwa niret o,” yinuk, Yokkugwi onggo inagabiti mbariyak mendek eeppiige, A'me nggelok mban eeppiinet nage, Eeke menggendak o. Aakumi nggween irip-irip wonogwe inom, Yi nggwok laut irip pit nagagim wonogwe inom, Abok aret iniki lunik wonogwe kat yi,

Yetaya 11:9

Niyo laut yenggenak nggween kaga'lek nobarogo pereegi kwak, At Aliku ALA eeke menggerak nogo it nggween paga wonogwe abok aret ineenu arugun me, An nabuut abu alik leenak nogome At ambi nen at ambi maluk eeppegak eekwi, At ambi nen at ambi nibinogo pi nagak eekwi, Eeko logogun lek o.

Ndaniyen 7:14

Pi wogo mbaka, at ayuk warak logonet, wone lengganogo yorage logowak nduk eerogo pege, endage tiyappege, endagembogut logonet unde logowak nduk eeppege, eeke mbaki, yi aakumi ndi aakumi inom, aakumi inanebunu lombok yi o ndi o wonogwe inom, aakumi inoone alitak inom, abok aret at abu'me tebe yinuk, alut eekwi iigirak o. At ayuk warak logonet, wone lengganogo yorage logorak ti, lek arigin lek mondok-mondok yorage, ndi, at abu'me piinok menggim ti, tebenogo pugun lek mondok omaawi wonage, eeke kagarak o.

Maleyaki 1:11

“Oonegen lagi wage menggim nen nok, kilu yi nage menggim kuli, yi aakumi ndi aakumi inenggela'me abok aret an nendage mondok tiyanak logogin o. Aakumi inanebunu lombok inenggela'me nendage abu tiyanak logogin me, an nendage kumbunuk, yi o ndi o abok aret nake obari abe mendek kani kunggwi, an nake abe pugwi iinok, nale'nggen nen wagangge nogo mendek wo'nugwi, eeko logogun o,” yinuk, at Omaawi Lombok Menggerak Aliku ALA nen aret yegerak o.

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.