Ndawi 66:2 - Ala Wone Peenok Peebi Mbanak

² At endage abu tiyanak me, ndawi paga anep pugwi, Endage tiyappit nogo logonet, alut eekwi, Ee'nip o.

Ndawi 66:2 ပူးပေါင်းရင်းမြစ်များ

Nekemiya 9:5

ti'nuk, it Lewi mendek ando Yetuwa, Karimiyen, Mbani, Katabeneya, Terebiya, Koriya, Tebaniya, Petaya, nen wone yorogo logonet, “At o aa'nduk nen nok, peebi mondok-mondok logorak Aliku kinogoba Ala endage tiyappuwok nduk, mi'nanip o,” yinuk, yorogogwaarak. Yorogogwaarak mi'na'nuk Ala yogo logonet, “At ambi nen at ambi ale'nggen oba pegak eekwi, at mbi nen at ambi endage tiyappegak eekwi, eekwi ti, iya aret kwe, kat perak, it inirimbaga kendage mondok iya tiyanak lombok aret.

Ndawi 106:2

At Aliku ALA iya tit eeke menggerak nogo aap ta nen yoranet nage, Ta nen at endage ndak aret tiyappege, Eeriyak op mbakop? Lek aret o!

Ndawi 107:15

At Aliku ALA nen Tungga mbuti tembaga paga aago ti, yigirogo nggimbege, Tu unggwogo menggam pak ambe mbuti paga aago nogo, Kalenak-pugunik eerogo pege, Eeke menggerak me, Aliku ALA it inabuwa nen iniki kunik mban aganake, Aakumi aret iigak kwe, iya tit eeppiinet wage, Eeke ti paga Aliku ALA, “Wa,” yogo logowak o.

Ndawi 107:22

“Wa,” yogo logonet, ake warogo wogogwi, At eeppiinet wundi wage nogo anep pogo logonet, inale'nggen paga mbininogo yoranet nugwi, Eeko logowak o.

Ndawi 72:18

Iterali inogoba Aliku Ala alik en Yi eeke ndi eeke abu iya lombok eeke menggerak me, At mondok tiyappugwi,

Ndawi 79:9

Kat ninagap ndaka Ala wae. Kendage abu tiyanak wonage me, yeenggwa nira wage, Kendage tebek yukwak, Wondet eerogo pinanege logomenggendik, Ninomaluk lek eerogo pinanege, Eeru o.

Yetaya 42:12

It o irip-irip nggween ku'mbanak me wonogwe nogo abok aret Aliku ALA endage tiyappugwi, It wonogo menggam nogome Aliku ALA endage tiyanak me, yoranet nugwi, Eeko logowak o.

Yetaya 49:13

Aliku ALA nen at apuri iniki eyak wappiige, At apuri aaninggin inoba wonogwe nogo inabuwa mbake, Eerigin me, Kat mbogut yi wae. Kale'nggen mbake, Kat nggween yi wae. Keekok piyanggage, Ndi, kit puut-puut yi wae. Kiniki ale'nggen nen ndawi lubuk yogwe, Eeko logonip o.

Yetaya 6:3

Eerak wonogo logonet, it inoone nggwok paga at ambi nen at ambi yogak eeko logonet, “Kat mondok kikak nakeelik alik leenak aret o. Kat mondok kikak nakeelik alik leenak aret o. Kaliku ALA Komaawi Lombok Menggendak ti, mondok kikak nakeelik alik leenak aret o. Keebe abu tiyanak o nggween paga mondok ndak warak menggendak o,” yinuk, yogwe iigirak.

Wayu 5:13

it mbogut paga wonogwe inom, nggween paga wonogwe inom, nggween abu'na wonogwe inom, yi nggwok yenggenak laut inikime nugwi inom, Ala nen ogobakkigireegerak yi mendek ndi mendek yi aakumi ndi aakumi abok aret inoone nggwok paga ndawi wako logonet, “Nit abok aret, at wone lengganogo yo'nirage menggim kwi'ndak wonage nogo inom, Ndomba Aagaluk nogo inom, kimbirak obeelom aret o, yinuk, Inabu'me tebe yinuk, inalut eekwi, inendage tiyappiigwi, eeko logonet, inoone mondok-mondok konenggo logogun o,” yinuk, yogwe iigak,