Ndawi 66:16 - Ala Wone Peenok Peebi Mbanak

¹⁶ Kit Ala kinagabiti mbako monggotak yi wae. Ala nen eeppanit wage kagarak nogo Mbininogo yokkirage neegak, Kinaruk liirogon konenggo logobagip nduk, woraanip o.

Ndawi 66:16 ပူးပေါင်းရင်းမြစ်များ

Ndawi 34:11

Kit an napuri yi wae. At Aliku ALA kinagabiti mbako logobagip nduk An mamunggiraagin me, an nowagam wogwe, Kit kinaruk liirogon aret konenggwi, Eeko logonip o.

Ndawi 34:2

At Aliku ALA eeppanege paga An niniki ale'nggen mbake, Eeke minggirak o. Kit aakumi tebenak wonogwe nogo, Kinaruk konembunuk kinale'nggen mbakwi,

Ndawi 66:5

At Ala eerit nagagerak nogo liippi wogwe, Aakumi inenggela'me inagabiti warak mendek eeppiyareegerak nogo maloppugwi, Ee'nip o.

Ndawi 71:15

Kubondendok nen nok, oonikiya ari nage kagak, “At abe koonak mban eerit nage menggerak o,” yinuk, agan nage, Aakumi inagap ndarogo piyoorak kuli pegendak nogo, Neenggo'lek kwe, yoranet nage, Eeke logogin o.

Ndawi 71:18

Togop aret me, Ala wae. Kat komaawi logonet iya eeke menggendak nogo, It yogondak ndarak yi, yorage, It peebi nda'narugun kunduk mbininogo yorage, Eeka'lek neegak, Nanggok ari nage, neeruwak kenen mbangge, Eeke neenok kat nen mbo paniyak ti mage o.

Ndawi 71:20

An andi-pandi kaakit nduk, Aaninggin mondok alik negen noba kwippanege, Ale-pale eerogo panege, Eeke nagandak kwe, An aa'nduk wonagagirak kwak eerogo panege, Nggween kiiniki paga ari nagarak nogo pilanogo mippani wage,

Ndawi 71:24

Ndi, it an maluk eerogo paniyak mbakwi nogo, inenggali ogwe, Iniki kobak a'nuk nogwe, Eekaarak me, Kubondendok nen nok, oonikiya ari nage kagak, Kat abe koonak mban eeke menggendak nogo Paganogo yoranet nege logogin o.

Yeremiya 51:10

Nit aakumi obeelom niigak, maluk yo'nirogwe nogo kin niyaawak nduk, Aliku ALA nen eeppinanegerak me, Ninogoba Aliku Ala eeppinanegerak nogo, aakumi o Tiyon wonogwe me, mbininogo yora nawok o, yinuk, yogo agaarik,” Yegerak me, yokkiragi o.

Maleyaki 3:16

Yorage nagagerik, it aap Aliku ALA inagabiti mbako nogogwaarak nogo nen it-it wone mbanggo logonet, it nen yogwi iinok, at Aliku ALA liippege, aruk konengge, eereegerak o. It aap Aliku ALA inagabiti mbakwi, at endage tiyappogo logonet ayuk wukwi, eeko nogogwaarak nogo inendage aberak logowak nduk, at Aliku ALA enggaanom paga mbuku pirik-perek aago paga inendage liiru mbanogo pereegwaarak.

1 Yaya 1:3

Nit ninogoba Ala aput Yetut Keritut imbirak ninom kunik wonogwe me, kit kunduk, ninom niniki ambit kunik logowok nduk, ninigen kogwe, ninaruk konenggwi, eereegurak nogo aret yokkirogo ogoorik o.