Ndawi 65:6 - Ala Wone Peenok Peebi Mbanak

⁶ Komaawi ambik kin keyaawak nduk, Puut-puut kwippit nanuk mondok nu'lek logowak nen Omaawi eerogo pit nage,

Ndawi 65:6 ပူးပေါင်းရင်းမြစ်များ

Ndawi 119:90

Kat liirogon eeppiinet nage menggendak nogo ti, Aa'nduk ndarak inom, yogondak nda'nogwe inom, Peebi nda'narugun inom, Mondok eeppinanit wundi wage menggendak o. O nggween yi, alom yarogo pereegindak me, Mondok aret wonage menggerak o.

Ndawi 93:1

At Aliku ALA ti, endagembogut aret o. Aap inendage tiyanak inayum yikwi iinok, “Wi!” irogo mengga kwak, At endage abu tiyanak me, “Wi,” ugo menggaarak o. Aap wakaa'ngget eegin-omaale li'luk aago kwak, At omaawi togop aret wonage menggerak o. At o nggween mondok nu'lek eerogo pereegerak wonage agaarik o.

Yetaya 12:2

Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yetaya 45:22

It aakumi o nggween irip-irip wonogwe ti, Ala alik ambi lek, an nalik mban aret wonage me, Iniyokan yungguninuk neya wogwe iinok, inagap ndarigin o.

Yetaya 51:9

Kaliku ALA wae. Pilak yu o. Pilak yu o. Yum yiko mengga kwak, komaawi eekkolage, Komaawi togon eerit nage, Eeke logot o. Aa'nduk togon eeke nagagindak kwak pila yinuk eeke, Ninombomini aa'nduk ndarak iigak eerit nage nagagindak kwak eerit nage, Eeke logot o. Waalo kole Arakap nogo ndanuk togon wake, Waalo aakumi inooka nogo nggarenak-pugunik eerogo pege, Eereegindak Kat aret nogo lek a?

Yetaya 63:1

O Erom nen wage, ayum maa'ngga kunik yirik o Mbotara nen wage, Yum abu abe yirik mengga kwak obaanggi-obaangge li'luk eerak omaawi mbu aago wage, Eeke ti, ta o? “Lek o. Eeppiyoorak yoragagirak nogo eeppiige logonet ari, Nomaawi ambik paga inagap ndake, eeke minggirak An aret wagi o,” yinuk, yo'nege kagarak o.

Mika 6:2

Naliku ALA nen it an napuri eekaarak ambi yorage, It Iterali ambi eekaarak paga inawone mbangge, Eeke me, Kit puut-puut yi wae. Naliku an ALA nen napuri eekaarak yorage yi, konenggwi, Nggween alom wurabit nagagerak itok negen wonage kit yi wae. An yorage yi, kinaruk konenggwi, Eeko logonip o.

Abakuk 3:6

At mi'nage kagak, nggween na'ndo-wa'ndo eeke, At enegen enaagan-ambokan pi'nage kagak, yi aakumi ndi aakumi inaganak warit nage, Puut-puut aa'nduk lombok nen itok negen wonage nogo, yigirogo wurabit wage, Puut-puut teberogon o maan nen wonage nogo, aambira-mbira wangge, Eeke kagarak o. Ti eeke kagarak ti, o aa'nduk lombok eeke nagagerak nogo aret eeke kagarak.

1 Tamuwen 2:4

It aap wakaa'ngget ineegin nogo muk kalenogo piige, Ineebe lebenak ya ngginnagak nugwi nogo perak, inomaawi eerogo piige, Eekendak o.