Ndawi 65:5 - Ala Wone Peenok Peebi Mbanak

⁵ Ninagap ndaka Ala wae. “Yeenggwa niret o,” yinuk, Yokkugwi onggo inagabiti mbariyak mendek eeppiige, A'me nggelok mban eeppiinet nage, Eeke menggendak o. Aakumi nggween irip-irip wonogwe inom, Yi nggwok laut irip pit nagagim wonogwe inom, Abok aret iniki lunik wonogwe kat yi,

Ndawi 65:5 ပူးပေါင်းရင်းမြစ်များ

Ndawi 107:23

It ando nen yiiro paga niyo kole laut paga nugwi, Yi nggwok yenggenak nogo paga Yi mendek ndi mendek kunggo'net nugwi,

Ndawi 145:17

Aliku ALA eerit nage menggerak abok aret A'me nggelok mban eerit nage, At eeke menggerak abok aret ti, Aakumi inabuwa mba'nuk eeppiinet nage, Eeke menggerak.

Ndawi 22:27

Kaliku ALA yi o ndi o unde wonage, Yi aakumi ndi aakumi abok aret Wone lengganogo yorage, Eeke menggendak me, It aakumi o irip-irip menggaarak nogo Kaliku ALA koba abeppunuk, Melak togon kowagam wogwe, Yi aakumi ndi aakumi inanebunu lombok kat kabu'me tebe yi wa'nuk kayuk wukwi, Eeko logogun o.

Ndawi 36:9

Ineenik aganaka alom kat aret o. Kat o eya kwak menggendak me, Pekkeegwi niinok, eya ee'ninake menggendak o.

Ndawi 45:4

Aakumi abet kenok mban yogwe, Iniki tebenak logonet, a'me nggelok mban eerit nogwe, Eeko logowak nduk, Kendage abu tiyanak aakumi, “Wi,” kugwi iigak, Kaguda paga kwi'na'nuk, keegin tiyak yuwak nduk wundi nage, Aakumi inamineeri ne agan nage kagak, keenggi abe omaawi paga eerit nage, Eeke logot o.

Ndawi 66:3

Kinogoba Ala yogo logonet, “Kat iya tit eerit nage paga ninamineeri ne agan nage, Komaawi ambik lombok menggendak paga Kawim inagabiti nen yipik agan kabu'me ari wogwe,

Ndawi 84:5

“Ala nen aret ninomaawi eeppinanege logowak o,” Yinuk, iniki kat paga panggonak wonogwe, O abe alik leenak menggim nogome noorak iniki lunik lombok wonogwe, Eekwi iinok, Inale'nggen aret menggaarak o.

Ndawi 85:4

Nit ninagap ndaka Ala wae. Nit aa'nduk wonogogu kwak eerogo pinanege, Nit eekwi paga keebi ninombake nogo mbo pege, Eeru o.

Yetaya 37:36

Yoge mbareegi, ti eyom paga aret it Atiyut mendek nogo inawooliyana wonogwe me, at Aliku ALA ayonggo malayikat nogo wage nagagerik, aap wim eeka ineebe seratus delapan puluh lima ribu inoorogo piyareegerak me, ko'lu kuuben ineebe inoorak yumbunik-telenak aago wonogwe iyareegwaarak.

Yetaya 45:22

It aakumi o nggween irip-irip wonogwe ti, Ala alik ambi lek, an nalik mban aret wonage me, Iniyokan yungguninuk neya wogwe iinok, inagap ndarigin o.

Yetaya 51:5

An nen obeelom eerogo pinagarak koorok panggo yi wage, Kinagap ndakkinaburak muk panggoni wage, Eeke agaarik o. Eeke kenok, neenggi omaawi paga yi aakumi ndi aakumi eereegwaarak a'me nggelok eeppiige logogin me, It aakumi inawi niyo oolo ku'mbanak paga wonogwe nogo an woroorak to'neegwi, Neenggi omaawi paga eeriyak nogo iniki lunik logonet, to'neegwi, Eeko logogun o.

Yetaya 60:5

Enegen pegiinet nage logomenggerik, enete paga i'ndok nggi ari, Iniki ponok-ponok eeke logonet, ale'nggen nggwok inikime nggelok ari, Eerigin o. Yiiro paga yi mendek ndi mendek wonok nogwe-wogwe eekwi paga ineenggi warak eekkologwe nogo ando iri wogwe, Yi aakumi ndi aakumi ineenggi warak inamendek nogo at wogori wogwe, Eeko logonet,

Yetaya 66:19

Eeppiinet naminggirak ineebe yumbunik inenggela'me ineenu agak ambi eerigin o. It aakumi inanebunu lombok o Taritit, Pun, Lut inom, o Metek, Iroti inom, Tuban, Yawan inom, nggween ku'mbanak o nda irip-irip time an eeke minggirak wone awo inaruk konengga'lek wonogwe, an tiyanak lombok minggirak nogo inigen kaga'lek wonogwe, eekwi nogo inom, it yumbunogo piyaminggirak nogo nappiyaminggirak aakumi inanebunu lombok inenggela'me time an tiyanak lombok logonet, iya tit eeppiige minggirak nogo yoranet nugu logogun o.

Tepaniya 2:11

At Aliku ALA nen it aakumi o nggween paga yime inagugi lek eerogo piige kenok, Inagabiti nen, “Aliku ALA ti, iya!” yinuk, yi aakumi ndi aakumi nggween paga wonogwe abok aret inalitik-inalitak menggam logonet, Aliku ALA abu'me tebe yinuk, at alut eeko logogun o.

Agayi 2:23

At Omaawi Lombok Menggerak Aliku ALA nen ari logonet, Ne ti eyom paga an Naliku ALA nen at Teyaletiyen aput an nayeloman Terubaben nogo, nobaane'me wone lengganogo yorage logowak nduk, leenogo piminggirak me, amburu cap eekak aap endagembogut eenggi oolo paga yirik menggi kwak, an namberaarenggen negen at eenggi paga yippigin o, yinuk, Nomaawi Lombok Minggirak Naliku an ALA nen aret yagarak me yoru o, yinuk, yegerak me, yokkigi o,” yoreegerak.

Takariya 9:10

At nen yi nggweendo ndi nggweendo o Eparayim wonage inom, Yi kuda ndi kuda wim eeka o kota Yerutalem wonage inom, lek eerogo pege, Yigin agale wurik mbanogo pege, Eeppunuk, Kiniki ugun ale'nggen mbako logonip o, yinuk, yi aakumi ndi aakumi yorage logogin o. At wone lengganogo yorage logowam wiganit niyo nggwok yenggenak laut ambi kuli nen nok, ambi kuli ari nage, Niyo Eparat nen nok, o nggween irip-irip ndak wa'narit nage, Eeke logogin o.

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

Pelaareegerak 10:21

Tam warak inagabiti warak mendek mondok iya tit eerit nage kinigen abe nen kogogutak nogo ti, kinogoba Ala aret me, at mban wogoppogo logonip o.

Wayu 16:5

at malayikat niyo ti, unde menggerak nogo nen ari logonet, “Aa'nduk wonagagindak yogondak wonage kat nogoba Ala kalik leenak kitok obeelom logonet, a'me nggelok mban eeke menggendak me, It maluk eekaarak onggo kanini inoba piige yi ti, op aret eeke keegi o.